Ռենդի Սևիջ
Ռենդի Մարիո Փոֆո (անգլ.՝ Randy Mario Poffo, նոյեմբերի 15, 1952 – մայիսի 20, 2011), ամերիկացի պրոֆեսիոնալ ըմբշամարտիկ (ռեստլեր) և հաղորդավար, առավել հայտնի «Մաչո մեն» Ռենդի Սևիջ ("Macho Man" Randy Savage) ռինգային անվամբ։ Առավել նշանակալի կարիերա է ունեցել «World Wrestling Federation» (WWF, 1985–1994) և «World Championship Wrestling» (WCW, 1994–2000) կազմակերպություններում անցկացրած տարիներին։
| Ռենդի Սևիջ Randy Savage | |
|---|---|
 Սևիջը որպես գործող WWF չեմպիոն | |
| Իրական անուն | Ռենդի Մարիո Փոֆո Randy Mario Poffo |
| Ռինգային անուն(ներ) | Ռենդի Փոֆո[1] Ռենդի Սևիջ[1] Սարդ[1] Մեծ Ջենո[1] Մաչո մեն[1] Սղող[1] Մաչո թագավոր[1] Պարոն Խելագարություն[1] Ավերիչ[1] Պատժիչ[1] |
| Ընդհանուր տեղեկություններ | |
| Հայտարարվող քաշ | 108 կգ[1] |
| Հայտարարվող հասակ | 1,88 մ[1] |
| Ծննդյան թվական | Նոյեմբերի 15, 1952 |
| Ծննդավայր |  Կոլումբուս, Օհայո, ԱՄՆ |
| Վախճանի թվական | Մայիսի 20, 2011 (58 տարեկան) |
| Վախճանի վայր | Սեմինոլ, Ֆլորիդա, ԱՄՆ |
| Մարզիչ | Անջելո Փոֆո[1] |
| Դեբյուտ | 1973 |
| Կարիերայի ավարտ | 2005 |
| Ամուսին | Միս Էլիզաբեթ (1984-1992) Բարաբարա Լին Փեյն (2010–2011) |
| Կայք | machoman.com |
 | |
| Սևիջի ռինգային երաժշտությունը | |
32 տարվա մասնագիտական կարիերայի ընթացքում Սևիջը հնարավորություն է ունեցել նվաճելու 20 չեմպիոնական տիտղոս, որոնցից 6-ը՝ ծանրքաշային։ Սևիջը WWF չեմպիոնական տիտղոսը նվաճել է 2, իսկ WCW ծանրքաշային տիտղոսը՝ 4 անգամ։ Երեք անգամ դարձել է ICW աշխարհի ծանրքաշային չեմպիոն, մեկ անգամ USWA աշխարհի միացյալ ծանրքաշային չեմպիոն։ Մեկ անգամ հռչակվելով WWF միջմայրցամաքային չեմպիոն՝ համարվել է բոլոր ժամանակների լավագույն միջմայրցամաքային չեմպիոնը։ Չեմպիոնական նվաճումներից բացի 1987 թվականին հաղթել է «WWF King of the Ring» և 1995-ին՝ «WCW World War 3» մրցույթները։ Մասնակցություն է ունեցել երեք «Ռեսլմանիաներում»։
«WWF» և «WCW» կազմակերպություններում անցկացրած տարիներին Սևիջի մենեջերի դերն ստանձնել է նրա կին «Միսս Էլիզաբեթ» Հյուլիթը։ Սևիջի կերպարն առավելապես հայտնի է եղել իր թավ ձայնով և գույնզգույն զգեստներով։ Ողջ կարիերայում որպես մուտքային երաժշտություն, Սևիջն օգտագործել է «Շքեղություն և հանգամանք մարշ No.1» կատարումը։
Պրոֆեսիոնալ ըմբշամարտից դուրս նկարահանվել է մի շարք կինոնկարներում, որոնցից առավել նշանավորն է «Սարդ-մարդը» (2002), ինչպես նաև կատարել հնչյունավորումներ «Բոլտ», «Սուպեր ռնգեղջյուր» և այլ անիմացիոն ֆիլմերում։
Մահացել է 2011 թվականի մայիսի 20-ին՝ սրտամկանի ինֆարկտից[2]։ Հարվածն ստանալու ժամանակ գտնվել է ավտոմեքենայի ղեկին։ 2015 թվականին հետմահու առաջադրվել է WWE փառքի սրահ։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 «Ռենդի Սևիջի էջը». Ռեստլինգի առցանց աշխարհ. Արխիվացված է օրիգինալից 2016 թ․ հուլիսի 16-ին. Վերցված է 2008 թ․ հունվարի 4-ին.
- ↑ «Սրտի կաթվածի և ավտովթարի պատճառով մահացել է նախկին ըմբշամարտիկ «Մաչո մեն» Ռենդի Սևիջը». «Բեյ նյուզ 9». 2011 թ․ մայիսի 20. Արխիվացված է օրիգինալից 2011 թ․ մայիսի 23-ին. Վերցված է 2011 թ․ մայիսի 20-ին.
Արտաքին հղումներ խմբագրել
- Պաշտոնական կայք(անգլ.)
- Էջը WWE.com կայքում(անգլ.)
- Էջը IMDb կայքում(անգլ.)
 | Վիքիպահեստն ունի նյութեր, որոնք վերաբերում են «Ռենդի Սևիջ» հոդվածին։ |