Իրբիտի ժողովրդական կենցաղի թանգարան
Իրբիտի ժողովրդական կենցաղի թանգարան, մասնավոր պատմագավառագիտական թանգարանային համալիր, որը գտնվում է Ռուսաստանի Դաշնության Սվերդլովսկի մարզի Իրբիտ քաղաքում։
Իրբիտի ժողովրդական կենցաղի թանգարան | |
---|---|
Տեսակ | թանգարան |
Երկիր | Ռուսաստան |
Տեղագրություն | Իրբիտ |
Հիմնադրվել է | 2011 |
Կայք | irbit-imnb.ru |
Պատմություն խմբագրել
Թանգարանը բացվել է 2011 թվականի մայիսի 23-ին քաղաքի գործարար և հասարակական գործիչ Միխայիլ Իվանովիչ Սմերդովի հավաքած` XIX դարի վերջի - XX դարի առաջին կեսի ժողովրդական կենցաղի առարկաների մասնավոր հավաքածուի հիման վրա[1]։
Թանգարանը բացվել է նախկին օղու գործարանի լքված շենքում։
2017 թվականի հունվարի 17-ին թանգարանի հավաքածուն մասամբ վնասվել է հարևանությամբ գտնվող ճարտարապետության հուշարձանի` XIX դարի առանձնատան (որը գտնվում էր վթարային վիճակում) տանիքի փլուզման հետևանքով[2]։
Հավաքածու խմբագրել
Թանգարանի հավաքածուն ներառում է ավելի քան 10 000 ցուցանմուշ, այդ թվում` ինքնաեռների խոշոր հավաքածու (ավելի քան 300 հատ)։ Յուրահատուկ ցուցանմուշ է 415 լիտր ծավալով ինքնագնաց ինքնաեռը, որը գրանցվել է Ռուսաստանի ռեկորդների գրքում[3]։
Թանգարանում ներկայացված են ռուսական վառարաններ, կավե կճուճներ, բռնելիքներ, վերնաշապիկներ, սարաֆաններ, իլիկներ, թուջե կճուճներ, ճախարակներ, արդուկներ, աթոռներ, պատի ժամացույցներ, սրբապատկերներ, այնպիսի կենդանիների խրտվիլակներ, ինչպիսիք են կզաքիսները, նապաստակները, աղվեսները, գորշուկները և վարազները։ Զբոսաշրջիկների համար առանձնակի հետաքրքրություն է ներկայացնում «Ռուսական խոհանոց» ցուցասրահը, որտեղ մատուցվում են սլավոնական ուտեստներ` բլիթներ, թթվասեր, կաթնաշոռ, կարկանդակներ, շիլաներ, տարբեր մսային ապուրներ, և «Վոգուլներ (մանսիներ)» ցուցադրությունը, որը պատմում է հյուսիսային այդ ժողովրդի մասին։ Թանգարանի տարածքում պարբերաբար անցկացվում են որոնողական խաղեր (քվեստներ) և էքսկուրսիաներ ինչպես զբոսաշրջիկների, այնպես էլ դպրոցականների և մանկապարտեզների սաների համար։
Ծանոթագրություններ խմբագրել
- ↑ Елизарова Н. (2016 թ․ մարտի 30). «Низкорослые манси, самовар на мотоцикле и стул Распутина». Uralweb.ru. Արխիվացված է օրիգինալից 2017 թ․ փետրվարի 14-ին. Վերցված է 2018 թ․ ապրիլի 19-ին.
- ↑ Костицина, Т. (2017 թ․ հունվարի 25). «Новости Ирбита: уникальную коллекцию разбила в щепки рухнувшая крыша». Сетевое издание YSTAV.com. Արխիվացված է օրիգինալից 2017 թ․ փետրվարի 14-ին. Վերցված է 2018 թ․ ապրիլի 19-ին.
- ↑ Воронина Ю. (2011 թ․ նոյեմբերի 28). «Уникальную коллекцию самоваров собрал житель Ирбита». Телеканал «Областное телевидение».