Դոմինիկ Մինտոֆ
Դոմինիկ Մինտոֆ (մալթ.՝ Duminku Mintoff, օգոստոսի 6, 1916[2][3][4][…], Բորմլա, Port Region (Port), Մալթա, Մեծ Բրիտանիայի թագավորություն - օգոստոսի 20, 2012[5][2][3][…], Tarxien, Port Region (Port), Մալթա), Մալթայի Լեյբորիստական կուսակցության հիմնադիր և առաջնորդ 1949-1985 թվականներին, Մալթայի վարչապետը 1955-1958 թվականներին (որպես գաղութի վարչապետ)։
| Դոմինիկ Մինտոֆ | |
.jpg)
| |
| Կուսակցություն՝ | Մալթայի աշխատավորների կուսակցություն |
|---|---|
| Կրթություն՝ | Մալթայի համալսարան և Հարթֆորդ Քոլեջ[1] |
| Մասնագիտություն՝ | քաղաքական գործիչ, ճարտարապետ, լրագրող և քաղինժեներ |
| Ծննդյան օր | օգոստոսի 6, 1916[2][3][4][…] |
| Ծննդավայր | Բորմլա, Port Region (Port), Մալթա, Մեծ Բրիտանիայի թագավորություն |
| Վախճանի օր | օգոստոսի 20, 2012[5][2][3][…] (96 տարեկան) |
| Վախճանի վայր | Tarxien, Port Region (Port), Մալթա |
| Քաղաքացիություն |  Մալթա
|
| Հայր | Laurence Mintoff?[6] |
| Մայր | Concella Farrugia?[7] |
| Ամուսին | Moyra de Vere Bentinck? |
| Զավակներ | Anne Mintoff?[6] և Yana Mintoff?[6] |
| Պարգևներ | |
Կենսագրություն խմբագրել
Ծնվել է խոհարարի ընտանիքում։ Նա բարձրագույն շինարարական և ճարտարապետական կրթություն է ստացել Օքսֆորդի Հարթֆորդի քոլեջում և Մալթայի համալսարանում։
1936-1937 թվականներին Մալթայի Լեյբորիստական կուսակցության կենտրոնական կոմիտեի քարտուղար։ 1941-1943 թվականներին եղել է արտագաղթի մեջ Լոնդոնում։ Հայրենիք վերադառնալուց հետո աշխատել է որպես ճարտարապետ։ 1945 թվականից Լեյբորիստական կուսակցության գործկոմի և կուսակցության փոխնախագահ։ 1949 թվականից՝ կուսակցության նախագահ (մինչև 1985 թվականը)։
- 1947—1949 թվականներին՝ փոխվարչապետ, հանրային աշխատանքների և վերականգնման նախարար։
- 1955—1958 թվականներին՝ Մալթայի բրիտանական գաղութային կառավարության վարչապետ։
- 1971—1984 թվականներին՝ Մալթայի վարչապետ։
- 1984—1998 թվականներին՝ խորհրդարանի պատգամավոր։
Համարվում էր գերազանց խոսնակ։ 1974 թվականին Մալթան հռչակվել է Հանրապետություն, որից հետո Մեծ Բրիտանիայի թագուհին պաշտոնապես դադարել է համարվել պետության ղեկավար, իսկ 1979 թվականին կղզում փակվել Է Մեծ Բրիտանիայի վերջին ռազմական բազան։
Նա հավատարիմ է եղել սոցիալիստական հայացքներին, հանրաճանաչություն է ձեռք բերել սոցիալական բարեփոխումներով, որոնք ուղղված էին հասարակության անապահով խավերի կենսամակարդակի բարելավմանը։ Նրա օրոք բարձրացվել են թոշակները, ներդրվել են մանկական նպաստներ և նվազագույն աշխատավարձի հասկացություն, ինչը արդյունքում նախկին բրիտանական գաղութը վերածել է սոցիալական ապահովության բարձր մակարդակ ունեցող պետության։ Արտաքին քաղաքականության մեջ սահմանել բարեկամական հարաբերությունները ԽՍՀՄ-ի և նրա դաշնակիցների, ինչպես նաև ՉԺՀ-ի հետ։ Միևնույն ժամանակ, նրա դուստրը՝ Յանան, Չեխոսլովակիայում մասնակցել է 1968 թվականին խորհրդային ներխուժման դեմ բողոքներին, ինչպես նաև Հունաստանում 1973-1974 թվականներին՝ «Սև գնդապետների» իրավաավտորիտար խունտայի դեմ պայքարին։
Հրաժարական է տվել վարչապետի պաշտոնից տնտեսական խնդիրների աճի՝ գործազուրկների թվի ավելացման, առողջապահության բարեփոխման շուրջ բժշկական ասոցիացիայի հետ հակամարտության, ինչպես նաև կրթության համակարգում նրա դերի և հողի սեփականության հարցի շուրջ եկեղեցու հետ հակամարտության սրման հետևանքով։ Լեյբորիստական կուսակցության առաջնորդ Ալֆրեդ Սանտի հետ տարաձայնությունների արդյունքում լքել է խորհրդարանի պատգամավորի պաշտոնը։
Պարգևներ խմբագրել
Մալթայի պարգևներ
| Երկիր | Ամսաթիվ | Պարգև | |
|---|---|---|---|
| Մալթա |
1990 թվականի ապրիլի 6 — | Ազգային արժանիքների շքանշանի Պատվո ուղեկից[8] | |
Ծանոթագրություններ խմբագրել
- ↑ 1,0 1,1 1,2 Rhodes Scholar Database
- ↑ 2,0 2,1 2,2 2,3 2,4 Encyclopædia Britannica
- ↑ 3,0 3,1 3,2 3,3 3,4 Բրոքհաուզի հանրագիտարան (գերմ.)
- ↑ 4,0 4,1 Store norske leksikon(նորվ.) — 1978. — ISSN 2464-1480
- ↑ 5,0 5,1 5,2 Dom Mintoff passes away, family agrees to national mourning, State Funeral // Malta Today — 2012.
- ↑ 6,0 6,1 6,2 Lundy D. R. The Peerage
- ↑ Pas L. v. Genealogics — 2003.
- ↑ В рамках полномочий премьер-министра Республики Мальта
 | Վիքիպահեստն ունի նյութեր, որոնք վերաբերում են «Դոմինիկ Մինտոֆ» հոդվածին։ |