Մանհվա

Մանհվա (կորեերեն՝ 만화 [manɦwa]), կորեական կոմիքս։ Տերմինը նշանակում է անիմացիոն մուլտֆիլմեր, ծաղրանկար, և Կորեայից դուրս սովորաբար օգտագործվում է բացառապես կորեական կոմիքսներ նշելու համար:

Ընդհանուր ինֆորմացիա

Կորեական մանհվան շատ նման է ճապոնական մանգային և չինական մանհուային։ Դրանք շատ ընդհանուր գծեր ունեն, բայց յուրաքանչյուրն ունի իր առանձնահատկությունները՝ տեքստն ու գրաֆիկը համապատասխանում են տվյալ երկրների մշակույթին ու պատմությանը։ Սկզբում մանհվան եղել է Կորեայի նորագույն ծանր պատմության ազդեցության տակ, դա ազդել է ձևերի և ժանրերի բազմազանության վրա։ Մանհվան զարգացել է մինչև հեղինակային մինի պատմություններ, գրաֆիկորեն կողմնորոշված աշխատանքներ և ինտերնետի միջոցով տարածվող մանհվա սերիալներ: Այս պահին հատուկ պորտալներում և անձնական էջերում ինտերնետային մանհվայի երկար շարքը սիրված ռեսուրս է Հարավային Կորեայի երիտասարդ սերնդի շրջանում (օրինակ Media Daum):

Մանհվան սովորաբար վերաբերում է հարավկորեական կոմիքսներին, բայց կան նաև հյուսիսկորեական կոմիքսներ։

Մանհվան կարդում են նույն ուղղությամբ, ինչպես հայալեզու գրքերը, հորիզոնական ձախից աջ, քանի որ հանգըլի տեքստը սովորաբար գրված է այդպես, չնայած երբեմն այն կարող է գրվել ճիշտ այնպես, ինչպես ճապոներենը և չինարենը` ուղղահայաց աջից ձախ։ Երկու տարբերակների դեպքում էլ այն կարդում են վերևից ներքև։

Ի տարբերություն Ճապոնիայի, մանհվան այդքան էլ տարածված չէ Կորեայի Հանրապետությունում, թեև վերջին տարիներին մանհվայի հիման վրա նկարահնվել են ֆիլմեր և հեռուստասերիալներ (Full House և Goong)։

Մանհվայի դասակարգում

• մյոնան մանհվա (կորեերեն՝ 명랑만화 (明朗漫畵)) [Myeongrang manhwa], ցանկացած տարիքի համար քոդոմոյի կամ հումորային մանգայի համարժեքը:
• սոնյոն մանհվա (կորեերեն՝ 소년만화 (少年漫畵)) [Sonyeon manhwa], շոնենի համարժեքը։
• սունջոն մանհվա (կորեերեն՝ 순정만화 (純情漫畵)) [Sunjeong manhwa], շոջոյի համարժեքը։
• չոնյոն մանհվա (կորեերեն՝ 청년만화 (青年漫畵)) [Cheongnyeon manhwa], սեյնենի համարժեքը։
• մանմուն մանհվա (կորեերեն՝ 만문만화 (滿文漫畵)) [Manmun manhwa]
• թաքչի մանհվա (կորեերեն՝ 딱지만화) [Ttakji manhwa], արկածային մանհվա, որում սյուժեն ծավալվում է արևմուտքում:

Տես նաև

• Մանգա, ճապոնական կոմիքս
• Կոմիքս

Արտաքին հղումներ

• «Մանհվա հասկացողություն»․ պատմություն, մշակույթ, առաջարկություններ (անգլ.)
• Մանհվայի հավաքածու (마왕일기) (կոր.)
• Կորեայում անիմացիայի և կոմիքսների համայնք (կոր.)
• Սեուլի անիմացիոն կենտրոն (կոր.)