Սուրիկ Սարգսյան
Սուրիկ Արտավազդի Սարգսյան (ապրիլի 1, 1946, Սարուխան, Նոր Բայազետի շրջան, Հայկական ԽՍՀ, ԽՍՀՄ), հայ փիլիսոփա։ Փիլիսոփայական գիտությունների դոկտոր (2002), պրոֆեսոր (2005)։
 | |
|---|---|
| Ծնվել է | ապրիլի 1, 1946 (78 տարեկան) Սարուխան, Նոր Բայազետի շրջան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | փիլիսոփա |
| Հաստատություն(ներ) | Հայկական սովետական հանրագիտարան, ՀՀ ԳԱԱ փիլիսոփայության, սոցիոլոգիայի և իրավունքի ինստիտուտ և Հայաստանի պետական տնտեսագիտական համալսարան |
| Գործունեության ոլորտ | փիլիսոփայություն |
| Ալմա մատեր | Երևանի պետական համալսարան (1969) |
| Գիտական աստիճան | փիլիսոփայական գիտությունների դոկտոր (2002) և պրոֆեսոր (2005) |
Կենսագրություն խմբագրել
Սուրիկ Սարգսյանը ծնվել է 1946 թվականին Գեղարքունիքի Սարուխան գյուղում։ 1969 թվականին ավարտել է ԵՊՀ պատմության ֆակուլտետի փիլիսոփայության բաժինը[1]։ 1970-1980 թվականներին եղել է Հայկական հանրագիտարանի գլխավոր խմբագրության ավագ գիտխմբագիր, 1980-1987 թվականներին՝ ՀԽՍՀ ԳԱ փիլիսոփայության և իրավունքի ինստիտուտի գիտաշխատող, 1987 թվականից դասավանդում է Հայաստանի պետական տնտեսագիտական համալսարանի փիլիսոփայության և հայոց պատմության ամբիոնում[2]։
Աշխատանքները վերաբերում են 19-րդ դարի հայ փիլիսոփայական և հասարակական-քաղաքական մտքի պատմությանը[3]։ Առաջադրել է «էթնոպատմամշակութային համակարգ» հասկացությունը՝ որպես պատմամշակութային գործընթացների ուսումնասիրության ելակետային սկզբունք[1]։
Աշխատություններ խմբագրել
- «Մշակութաբանություն», 1997 թ.:
- «Մարդու հիմնախնդիրը XIX դարի հայ փիլիսոփայական և հասարակական մտքի մեջ», 2001 թ.: Տիտղթ. (Սուրիկ Արտավազդի Սարգսյան)
- «Մշակույթի տեսություն և հայ մշակույթի պատմություն»։ Ուսումնական ձեռնարկ մշակութաբանության դասընթացի, 2004 թ.: Տիտղթ. (Սուրեն Արտավազդի Սարգսյան)
Բանաստեղծական ժողովածուներ
- «Երկունք անսկիզբ», 2001 թ.:
- «Անթեղված ժամեր», 2005 թ.:
Ծանոթագրություններ խմբագրել
- ↑ 1,0 1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007
- ↑ «Նորություններ, Մեդիա | ASUE.am». www.asue.am. Վերցված է 2018 թ․ փետրվարի 5-ին.
- ↑ «ՀՀ ԳԱԱ Հիմնարար Գիտական Գրադարան քարտարան › Հեղինակավորի որոնում › Սարգսյան, Սուրեն Արտավազդի, 1946- (Personal Name)». opac.flib.sci.am. Վերցված է 2018 թ․ փետրվարի 5-ին.