Սուրիկ Խաչատրյան

	Սուրիկ Խաչատրյան
Կուսակցություն՝	Հայաստանի Հանրապետական կուսակցություն
Մասնագիտություն՝	քաղաքական գործիչ
Ազգություն	հայ
Ծննդյան օր	օգոստոսի 1, 1956 (63 տարեկան)
Ծննդավայր	Գորիս, Հայկական ԽՍՀ, ԽՍՀՄ
Քաղաքացիություն	Հայաստան
Պարգևներ	Մարտական խաչ 2-րդ աստիճանի շքանշան, «Մարշալ Բաղրամյան» մեդալ և Գարեգին Նժդեհ մեդալ

Վիքիպեդիայում կան հոդվածներ Խաչատրյան ազգանունով այլ մարդկանց մասին:

Սուրիկ Սերգեյի Խաչատրյան, (հայտնի որպես՝ Լիսկա^[1]^[2], օգոստոսի 1, 1956(1956-08-01), Գորիս, Հայկական ԽՍՀ, ԽՍՀՄ), ՀՀ պետական գործիչ, 2004-2013 թթ. և 2014 թ. սեպտեմբերի 25-ից մինչ 2016թ.-ի սեպտեմբեր Սյունիքի մարզի մարզպետ^[3]։

Բովանդակություն

1 Կրթություն
2 Աշխատանքային գործունեություն
3 Կատարած հանցագործություններ և մեղադրանքներ
4 Զինվորական ծառայությունը
5 Քաղաքական գործունեությունը
6 Պարգևներ և կոչումներ
7 Ընտանիք
- 7.1 Ծնողները
- 7.2 Որդիները
8 Ծանոթագրություններ

ԿրթությունԽմբագրել

Սուրիկ Խաչատրյանը նախնական կրթությունը ստացել է Գորիսի թիվ 3 միջնակարգ դպրոցում^[3]։ Այնուհետև 8-րդ դասարանի կրթության վկայականի հիման վրա^[4] նա ընդունվել է Գորիսի գյուղատնտեսական տեխնիկումը^[3]։ 1991–1995 թթ.–ին սովորել և ավարտել է «Պրոգրես» համալսարանի տնտեսագիտական ֆակուլտետը, իսկ 2000-2003 թթ.–ին՝ ՀՀ Պետական կառավարման ակադեմիան «Պետական կառավարում և տեղական ինքնակառավարում» մասնագիտությամբ^[3]։ Պաշտոնական կենսագրությունում նշած է, որ ունի «պատմափիլիսոփայական գիտությունների դոկտորի» կոչում, սակայն ըստ «Առավոտ» օրաթերթի, այս փաստը չի հաստատվել ՀՀ ԿԳՆ «Բարձրագույն որակավորման հանձնաժողովի» կողմից։ ԲՈՀ–ը նշել է որ նման կոչում առհասարակ գոյություն չունի^[5]։

Աշխատանքային գործունեությունԽմբագրել

1973-1974 թթ. աշխատել է Գորիսի ավտոնորոգման գործարանում որպես մեխանիկ։
1976-1988 թթ. աշխատել է Գորիսի ավտոնորոգման գործարանում որպես մեխանիկ։

Կատարած հանցագործություններ և մեղադրանքներԽմբագրել

Դպրոցի ճաշարանի թալանԽմբագրել

1972 թվականին Սուրիկ Խաչատրյանը Գորիսի դպրոցներից մեկի բուֆետը թալանելու համար հեռացվեց դպրոցից և առաջին անգամ դատապարտվեց ազատազրկման^[4]։

Ադրբեջանուհու բռնաբարությունԽմբագրել

Գորիսի 1992-1994 թթ.–ների քաղաքապետ, տարածաշրջանի ինքնապաշտպանության կոմիտեի համանախագահ Սամվել Հարությունյանը իր մամլո ասուլիսում Սուրիկ Խաչատրյանի մասին խոսելիս պատմել է, որ 1980-ականների սկզբին Սուրիկ Խաչատրյանը բռնաբարել է ադրբեջանուհու։ Ըստ Ս․Հարությունյանի՝ Ս․Խաչատրյանը ատամնատեխնիկ էր և ադրբեջանցիների ատամներն էր նորոգում Լաչինի, Կուբաթլուի շրջաններում։ Ամուսնացած լինելով, ունենալով հայ կին, երկու աղջիկներ, իբրև թե սիրահարվում է թուրք աղջկա, առևանգում նրան և բռնաբարում։ Խորհրդային Ադրբեջանի իրավապահները Խաչատրյանին ձերբակալում են և դատապարտում ազատազրկման։ Նա պատիժը կրել է սկզբում Շուշիի, հետագայում՝ Բաքվի բանտերում^[4]։

Սիլվա Համբարձումյանի վրա հարձակումԽմբագրել

2011 թ.-ի նոյեմբերի 15-ին Արմենիա Մարիոթ հյուրանոցում, Սուրիկ Խաչատրյանը «Արարատ-Հայաթ» ընկերության սեփականատեր, Աժ պատգամավոր Սամվել Սարգսյանի, Տավուշի մարզպետ Արմեն Ղուլարյանի ներկայությամբ հարձակվել է գործարար Սիլվա Համբարձումյանի վրա, վերջինս «Ազատություն» ռադիոկայանին տրված հարցազրույցում հետևյալ կերպ է մեկնաբանել Խաչատրյանի հարձակումը.«Եկավ Սուրեն Խաչատրյանը` Սյունիքի մարզպետը, ու թափով, վերարկուով մոտեցավ ինձ։ Որ մոտեցավ` փորձեց սկզբից ոտքով խփել` վերարկուն չթողեց։ Երբ վերարկուն չթողեց, ինքը գլխիս ձեռքով խփեց։ Որ խփեց` այնտեղ տղամարդիկ կային` իրեն սկսեցին քաշել ու նստեցրին առանձին։ Ես գնացի հեռու, ուզում էի ոստիկանություն դիմել, բայց զանգահարեցի իմ փաստաբանին»^[6]։ Միջադեպը արձանագրել են հյուրանոցի հյուրասրահի տեսախցիկները^[7]^[8]։ Կնոջ վրա հարձակումը, ըստ վերջինիս հայտնած կարծիքի, կապված է դեպքից մի քանի օր առաջ տված մամուլի ասուլիսի հետ, որտեղ Սիլվա Համբարձումյանը Սուրիկ Խաչատրյանին մեղադրել էր^[9] իրեն պատկանող «Լիճվազ-Թեյի» հանքից 102 միլիոն դրամ արժողությամբ սարքավորում գողանալու և Խաչատրյանների ընտանիքին պատկանող «Գեղվա ձոր» հանքավայր տեղափոխելու մեջ^[10]^[11]։ Այս միջադեպի վերաբերյալ ՀՀ հատուկ քննչական ծառայությունը քրեական գործ է հարուցել ՀՀ քրեական օրենսգրքի 118-րդ հոդվածով^[12]։

Զինվորական ծառայությունըԽմբագրել

1992-1994 թթ. – Գորիսի կամավորական թիվ 3 գումարտակի հրամանատար։

Քաղաքական գործունեությունըԽմբագրել

1994-1996 թթ. – Գորիսի քաղխորհրդի գործկոմի նախագահի 1-ին տեղակալ։
1996 թ. – Գորիսի քաղխորհրդի գործկոմի նախագահ։
1996-1999 թթ. - Գորիսի քաղաքապետ։
1995 թ. հուլիսի 5-ին ընտրվել է ՀՀ Ազգային ժողովի 2-րդ գումարման պատգամավոր թիվ 146 ընտրատարածքից։ «Բարեփոխումներ», ապա «Երկրապահ» պատգամավորական խմբի անդամ։
1999-2003 թթ. - ՀՀ ԱԺ պատգամավոր (թիվ 70 ընտրատարածք)։ ԱԺ գիտության, կրթության, մշակույթի և երիտասարդության հարցերի մշտական հանձնաժողովի անդամ։ «Միասնություն» խմբակցության, ապա «Հայաստան» պատգամավորական խմբի անդամ։
2003 թ. մայիսի 25-ին ԱԺ պատգամավոր է ընտրվել թիվ 52 ընտրատարածքից։ ԱԺ գիտության, կրթության, մշակույթի և երիտասարդության հարցերի մշտական հանձնաժողովի անդամ։ ՀՀԿ խմբակցության անդամ։ ՀՀԿ անդամ։
2004 թ. մարտի 24-ին ՀՀ Կառավարության որոշմամբ նշանակվել է Հայաստանի Հանրապետության Սյունիքի մարզպետ^[13]։
2013 թ. հունիսի 6-ին ՀՀ Կառավարության որոշմամբ ազատվել է Հայաստանի Հանրապետության Սյունիքի մարզպետի պաշտոնից՝ իր դիմումի համաձայն^[14]։
2014 թ. սեպտեմբերի 25-ին ՀՀ Կառավարության որոշմամբ նշանակվել է Հայաստանի Հանրապետության Սյունիքի մարզպետ^[15]։
2016 թ. հոկտեմբերի 6-ին իր հրաժարականի դիմումի համաձայն ազատվել է Սյունիքի մարզպետի պաշտոնից^[16]:
ՀՀԿ Գորիսի տարածքային կազմակերպության ղեկավարն է։
ԵԿՄ Սյունիքի մարզխորհրդի նախագահ^[փա՞ստ]։
2018 թ․-ից հեռացել է քաղաքականությունից։

Պարգևներ և կոչումներԽմբագրել

ՀՀ զինված ուժերի գնդապետ։
«Մարտական խաչ» 2-րդ աստիճանի շքանշան (2012)^[17]։
Մարտական ծառայության մեդալ։
ՀՀ ՊՆ «Գարեգին Նժդեհ» մեդալ։
ՀՀ ՊՆ «Մարշալ Բաղրամյան» մեդալ։
«Մայրական երախտագիտություն» մեդալ։
ԵԿՄ «Սպարապետ Վազգեն Սարգսյան» շքանշան։

ԸնտանիքԽմբագրել

ԾնողներըԽմբագրել

Սուրիկ Խաչատրյանի ծնողները Գորիսի «Ավանգարդ» կոլտնտեսությունում են աշխատել, հետագայում այն դարձավ սովխոզ։ Հայրը անասնապահ էր, մայրը երկար տարիներ կթվորուհի է եղել^[4]։

ՈրդիներըԽմբագրել

Սուրիկ Խաչատրյանը ունի երկու որդի՝ Տրդատ և Տիգրան Խաչատրյանները^[18]։

ԾանոթագրություններԽմբագրել

Նախորդող
Էդիկ Բարսեղյան

ՀՀ Սյունիքի մարզպետ
Սուրիկ Խաչատրյան
2004 - 2013

Հաջորդող
Վահե Հակոբյան

Նախորդող
Վահե Հակոբյան

ՀՀ Սյունիքի մարզպետ
Սուրիկ Խաչատրյան
սեպտեմբերի 25, 2014 - հոկտեմբերի 6, 2016

Հաջորդող
Վահե Հակոբյան

[1] Նոր պաշտոն Լիսկայի համար կարծես թե գտնվել է. «Հայկական ժամանակ»

[2] Սուրեն Խաչատրյան (Լիսկա)

[պաշտկենս-3] 3,0 ^3,1 ^3,2 ^3,3 ՀՀ Սյունիքի մարզի մարզպետարանի պաշտոնական կայք․ Սյունիքի մարզպետ Ս․Խաչատրյանի կենսագրական։

[aravot440636-4] 4,0 ^4,1 ^4,2 ^4,3 «Դպրոցի բուֆետը թալանած Սուրիկ Խաչատրյանի ծնողները խնդրում էին հորս միջամտի, որ պատիժը մեղմ լինի»

[5] «Սյունիքի մարզպետն ինքն իրեն դոկտորի աստիճան է «շնորհել»»։ Առավոտ

[6] Կին գործարարը հաստատում է Սյունիքի մարզպետի կողմից ծեծը

[7] Համացանցում է հայտնվել Սիլվա Համբարձումյանի և Լիսկայի միջև տեղի ունեցած միջադեպի տեսագրությունը (Տեսանյութ)

[8] Լիսկան հարվածում է կնոջը (տեսագրություն)

[9] Լիսկայի գործը` ՀՔԾ-ում

[10] Լիսկան ծեծել է Սիլվային

[11] Կին գործարարը հաստատում է Սյունիքի մարզպետի կողմից ծեծը

[12] Քրգործ սյունիքի մարզպետի դեմ

[13] ԽԱՉԱՏՐՅԱՆԻ ՄԱՍԻՆ

[14] ԽԱՉԱՏՐՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶՊԵՏԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ

[15] ԽԱՉԱՏՐՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶՊԵՏ ՆՇԱՆԱԿԵԼՈՒ ՄԱՍԻՆ

[16] Ս. ԽԱՉԱՏՐՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶՊԵՏԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ

[17] Հայաստանի Հանրապետության մեդալներով պարգևատրելու մասին

[18] Եթե պետք լինի, որդիս էլ, ես էլ, ամուսինս էլ կգնանք պատերազմ. իմ որդին երկու անգամ առավել նամուս, թասիբ ունի, քան մնացած քաղաքացիները. Լորետա Բարսեղյանի արձագանքը՝ որդու եւ ամուսնու հասցեին հնչող մեղադրանքներին

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]