Սուրբ Աստվածածին եկեղեցի (Մեղրի)

Սուրբ Աստվածածին եկեղեցի;
	Մեղրու Մեծ թաղի Սուրբ Աստվածածին եկեղեցինն կենտրոնում
Հիմնական տվյալներ
Տեսակ	եկեղեցի և մշակութային արժեք
Երկիր	Հայաստան
Տեղագրություն	Մեղրի
Դավանանք	Հայ Առաքելական Եկեղեցի
Թեմ	Սյունյաց թեմ
Հիմնական ամսաթվերը	1673
Ժառանգության կարգավիճակ	մշակութային հուշարձան Հայաստանում
Անվանված	Մարիամ Աստվածածին
Ճարտարապետական ոճ	Հայկական
Հիմնադրված	1673
	Holy Mother of God Church, Meghri (Mets Tagh) Վիքիպահեստում

Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)

Սուրբ Աստվածածին եկեղեցի (Մեղրու Մեծ թաղ), Հայ առաքելական եկեղեցի Հայաստանի Սյունիքի մարզի Մեղրի քաղաքում։ Ընդգրկված է Մեղրիի պատմության և մշակույթի անշարժ հուշարձանների ցանկում։

Պատմություն

Մեղրու Մեծ թաղի Սուրբ Աստվածածին եկեղեցին դասվում է 17-րդ դարի գմբեթավոր եկեղեցիների շարքը։ Գտնվում է Մեղրի քաղաքի բարձրադիր հյուսիսային թաղամասում, բոլոր կողմերից շրջապատված է բնակելի տներով։ Քառամույթ գմբեթավոր բազիլիկ է։ Կառուցված է բազալտով, թմբուկն ու գմբեթը՝ աղյուսով, ունի երկու մուտք՝ արևմուտքից և հարավից։ Հուշարձանի հարավային կողմից, ճակտոնի երկթեք ծածկի վրա կառուցված է զանգակատունը։ Քառանկյուն աղյուսաշեն ռոտոնդա է՝ քառանիստ վեղարով պսակված։ Եկեղեցին ունի արտաքին զուսպ հարդարանք։ Միակ դեկորատիվ տարրը խոյի գլուխն է՝ հարավային ճակատի արևմտյան լուսամուտի մոտ։ Ներքուստ եկեղեցին զարդարված է 19-րդ դարի որմնանկարներով^[1]։