Սուվորովի փողոց (Դոնի Ռոստով)
Անվան այլ կիրառումների համար տե՛ս՝ Սուվորովի փողոց (այլ կիրառումներ)
Սուվորովի փողոց (ռուս.՝ Улица Суворова), փողոց Ռուսաստանի Դաշնության Դոնի Ռոստով քաղաքի Կիրովի շրջանում։ Անվանվել է ռուս զորավար և ռազմական տեսաբան, ռուսական ռազմարվեստի հիմնադիրներից մեկի՝ գեներալիսիմուս Ալեքսանդր Վասիլևիչ Սուվորովի (1730-1800) պատվին։ Սկիզբ է առնում Գազետնի նրբանցքից և ավարտվում Նախիջևանի նրբանցքի հետ հատումով։ Երկարությունը 1800 մետր է։
Սուվորովի փողոց | |
---|---|
![]() | |
Երկիր | ![]() |
Գտնվում է | Դոնի Ռոստով |
Երկարություն | 1800 մետր |
Անվանվել է | Ալեքսանդր Սուվորով |
Փոստային ինդեքս | 344002, 344006, 344022 |
![](http://upload.wikimedia.org/wikipedia/commons/thumb/f/fb/%D0%A0%D0%BE%D1%81%D1%82%D0%BE%D0%B2-%D0%BD%D0%B0-%D0%94%D0%BE%D0%BD%D1%83%2C_%D0%BF%D0%B0%D0%BC%D1%8F%D1%82%D0%BD%D0%B8%D0%BA_%D0%90.%D0%92._%D0%A1%D1%83%D0%B2%D0%BE%D1%80%D0%BE%D0%B2%D1%83.jpg/220px-%D0%A0%D0%BE%D1%81%D1%82%D0%BE%D0%B2-%D0%BD%D0%B0-%D0%94%D0%BE%D0%BD%D1%83%2C_%D0%BF%D0%B0%D0%BC%D1%8F%D1%82%D0%BD%D0%B8%D0%BA_%D0%90.%D0%92._%D0%A1%D1%83%D0%B2%D0%BE%D1%80%D0%BE%D0%B2%D1%83.jpg)
Նկարագրություն
խմբագրելԴոնի Ռոստով քաղաքի Սուվորովի փողոցը սկսվում է Գազետնի նրբանցքից, հատում Վորոշիլովի, Սոկոլովի, Չեխովի պողոտաները, Ունիվերսիտետսկի նրբանցքը, Կիրովի պողոտան, Ժուրավլյովի, Կրեպոստնոյ նրբանցքները և ավարտվում Նախիջևանի նրբանցքի հետ հատումով։ Զուգահեռ է Բոլշայա Սադովայա փողոցին։ Երկարությունը 1800 մետր է։ Փողոցում կա համարակալված 119 շինություն։
Սուվորովի փողոցի փոստային դասիչներն են՝ 344002, 344006, 344022։
Փողոցն անվանվել է ռուս զորավար և ռազմական տեսաբան, ռուսական ռազմարվեստի հիմնադիրներից մեկի՝ գեներալիսիմուս, Ռիմնիկյան կոմս, Իտալիական իշխան Ալեքսանդր Վասիլևիչ Սուվորովի (1730-1800) պատվին։ Սուվորովը պատմության մեջ մտել է որպես տաղանդավոր զորավար (մղել է 60-ից ավելի հաղթական ճակատամարտ) և ռազմական մտածող։ Եղել է 18-րդ դարի ամենակրթված ռազմական գործիչներից[1]։
Սուվորովի փողոցի և Ունիվերսիտետսկի նրբանցքի խաչմերուկում 1999 թվականին տեղադրվել է զորավարի կիսանդրին, որի հեղինակն է ՌԴ վաստակավոր նկարիչ Ա. Սկնարինը[2]։
Պատկերասրահ
խմբագրել-
Եկամտաբեր տուն (Սուվորովի, 4)
-
Ի. Վ. Կոտլյարովի եկամտաբեր տունը (Սուվորովի, 6)
-
Ե. Յ. Կոստինի եկամտաբեր տունը (Սուվորովի, 29/37)
Ծանոթագրություններ
խմբագրել- ↑ «Հայկական Սովետական Հանրագիտարան, հ. 11, էջ 200». Վերցված է 2019 Մայիսի 2-ին.
- ↑ «Памятник Александру Васильевичу Суворову в г. Ростове-на-Дону».