- Բնանկարները ստեղծելիս ես միշտ մտածում եմ այն մասին, թե ինչպիսի պատմական իրադարձությունների հետ է այն կապված։ Պատկերացնում եմ, թե քանի սերունդներ են անցել այս տեղերով և ինչպիսի փոփոխություններ են տեղի ունեցել, ինչպիսին էր միջավայրը, անգամ լսում եմ անցած դարերի մարդկանց ձայները։
Սոս Վազգենի Բաբումյանը հայ տաղանդվոր նկարիչներից մեկն է։ Նրա յուրաքանչյուր կտավ, ոչ մեծ էտյուդ լինի, թե բարդ թեմատիկ կոմպոզիցիա, աչքի է ընկնում նուրբ գունազգացողությամբ։
Ստեղծագործական լայն ընդգրկումը հնարավորություն է տվել նկարչին աշխատելու բոլոր ժանրերում, նկարելու ամենատարբեր բովանդակության պատկերներ՝ վերցված ինչպես ժամանակակից կյանքից, այնպես էլ հեռավոր կամ առասպելական անցյալից։
Բաբումյանը շատ է աշխատում բնանկարի ժանրում։ Նրա ներդրումն այս բնագավռում նույնպես չափազանց նշանակալի է։ Նա հայ բնանկարիչներից է, ով նուրբ քնարականություն մտցրեց բնության պատկերման մեջ։
Չնայած նրան, որ նկարչի ստեղծագործությունները տարբերվում են միմյանցից, իրենք ներշնչում են հանգստության, խաղաղության զգացողություն, որն արտացոլում է հայկական բնության գեղեցկությունը։
Բաբումյանի բնանկարները, որոնք հաղորդում են բնության տարբեր եղանակներ, կարծես արտահայտում են մարդկային բումերանգ հոգեվիճակներ։
Բաբումյանի կտավները չափազանց ազգային են իրենց բնույթով։ Իր ժողովրդի կյանքի անսպառ ակունքներից է նա քաղում սեփական նկարների թեմաները,և բնությամբ ոգևորված, հավերժացնում հայրենի երկրի փայլուն բնապատկերները
