Սկրապարի շրջան
Սկրապարի շրջան (ալբ․՝ Rrethi i Skraparit), շրջանի կարգավիճակ ունեցող վարչատարածքային միավոր Ալբանիայի Հանրապետությունում։ Գտնվում է երկրի կենտրոնում։ Հանդիսանում է Բերատի գավառի երեք շրջաններից մեկը։
 ալբ․՝ Rrethi i Skraparit | |
|---|---|
| Երկիր |  Ալբանիա |
| Կարգավիճակ | Ալբանիայի շրջան |
| Մտնում է | Բերատի գավառ |
| Ներառում է | 8 համայնք 2 քաղաք և 105 գյուղ |
| Վարչկենտրոն | Չորովոդա |
| ԲԾՄ | 1160 մետր[1] |
| Բնակչություն | 29 874 մարդ (դեկտեմբերի 3, 2014)[1] |
| Խտություն | 13,16 |
| Տարածք | 775 կմ²[1] |
 | |
| Ժամային գոտի | UTC+1[1] |
| ISO 3166-2 կոդ | AL-SK |
Աշխարհագրական դիրք խմբագրել
Սկրապարի շրջանը գտնվում է Հարավային Ալբանիայի լեռներում։ Նրա տարածքում է գտնվում Օսումի գետը։ Չորովոդա քաղաքից հարավ գետը հոսում է 15 կմ երկարություն ունեցող կիրճով, որը համարվում է զբոսաշրջիկության տեսանկյունից տեսարժան վայր։ Հյուսիս-արևմուտքում գտնվում է Բերատի գավառի ամենաբարձր կետը՝ Տոմոր լեռը (2 415 մ)։
Շրջանի բնակավայրերի մի մասը գտնվում է դժվարամատչելի լեռնային մասերում։
Տնտեսություն խմբագրել
Միջերկրածովյան լեռնային կլիման նպաստում է գյուղատնտեսության զարգացմանը։ Շրջանի հիմնական բնակչությունը ապրում է 105 գյուղերում և զբաղվում երկրագործությամբ՝ այգեգործությամբ, ձիթենու ու խաղողի արտադրությամբ, իսկ լեռնային շրջաններում զարգացած է անասնապահությունը։ Շրջկենտրոն Չորովոդան, որն իրենից առանձին համայնք է ներկայացնում, ունի սննդի արդյունաբերություն, որոշակի զարգացման վրա է սպասարկման ոլորտը։
Վարչական բաժանում խմբագրել
Սկրապարի շրջանը բաղկացած է 10 քաղաքային ու գյուղական համայնքներից՝ Բոգովա, Գյերբաս, Ժեպա, Լեշնյա, Կենդար, Պոթոմ, Պոլիչան, Չորովոդա, Չեպան և Վանդրեշա։
Վարչական կենտրոնը Չորովոդա քաղաքն է։ 2010 թվականի տվյալներով բնակչությունը կազմել է 10 200 մարդ[2]։ Քաղաքն ու շրջակա գյուղերը կազմում են 775 քառ.կմ տարածք։
Ծանոթագրություններ խմբագրել
 | Վիքիպահեստն ունի նյութեր, որոնք վերաբերում են «Սկրապարի շրջան» հոդվածին։ |