Սթիվեն Քյուրքչյան
Սթիվեն Անուշավանի Քյուրքչյան (անգլ.՝ Stephen A. Kurkjian, օգոստոսի 28, 1943, Բոստոն, ԱՄՆ)[1], ամերիկահայ գրող, լրագրող, Պուլիցերյան մրցանակի եռակի դափնեկիր։
| Սթիվեն Քյուրքչյան | |
|---|---|
 | |
| Ծնվել է | օգոստոսի 28, 1943 (80 տարեկան) |
| Ծննդավայր | Բոստոն, ԱՄՆ |
| Քաղաքացիություն |  ԱՄՆ |
| Կրթություն | Բոստոնի լատինական դպրոց (1966) և Suffolk University Law School? (1970) |
| Մասնագիտություն | լրագրող |
| Գործունեություն | The Boston Globe օրաթերթի լրագրողական հետաքննության Spotlight սյունակի |
| Աշխատավայր | State House News Service? |
| Ծնողներ | Անուշավան Քյուրքչյան, Ռոզելա Կյուրեղյան-Քյուրքչյան |
| Պարգևներ և մրցանակներ | |
Կենսագրություն խմբագրել
Սթիվեն Քյուրքչյան ծնվել է 1943 թվականին Բոստոն քաղաքում։ Պապը սպանվել է ցեղասպանության ժամանակ[2], իսկ երեքամյա հայրը քրոջ ու եղբոր հետ հազիվ են փրկվել։ Հաջորդ գարնանաը քույրն ու եղբայրը մահանում են խոլերայից, իսկ հայրը հայտնվում է Ամերիկայում[3][4]։ Հայրը նկարիչ է եղել, մայրը՝ Ռոզելա Կյուրեղյան-Քյուրքչյանը, աշխատել է գրադարանավար։ Սթիվենն ավարտել է Բոստոնի նահանգի դպրոցն ու նահանգի համալսարանի իրավաբանական ֆակուլտետը։ Համալսարանին ավարտելուց հետո՝ 1968 թվականից Սթիվեն Քյուրքչյան աշխատել է The «Boston Globe»-ում որպես խմբագիր ։ Սթիվեն Քյուրքչյանը Պուլիցերյան մրցանակի արժանացել է 1972 և 1980 թվականներին հետաքննական հոդվածների համար։ Վերջին անգամ՝ 2003 թվականին «Բոստոն Գլոբի» խմբագրակազմով կաթոլիկ եկեղեցում սեքս սկանդալը բացահայտելու համար։ Քյուրքչյանը Հոլիվուդում նկարահանվել է «Ուշադրության կենտրոնում» գեղարվեստական ֆիլմը, որը պատմում է հենց «Բոստոն Գլոբի» լրագրողների հետաքննության մասին։ Ֆիլմն արժանանում է «Օսկարի»[5], հետագայում պարզվում է, որ մի հերոսը հենց Սթիվեն Քյուրքչյանն է:Սթիվեն Քյուրքչյանը նաև Բոստոնի Իզաբելլա Գարդներ թանգարանից 1990 թվականին կատարված աղմկահարույց գողության մասին պատմող «Master Thieves» գրքի հեղինակն է, որը պատմում է թանգարանից Ռ. Ռեմբրանդի, Է. Դեգայի և այլ աշխարհահռչակ հեղինակների աշխատանքների դեռևս չբացահայտված գողությունների մասին։ Քյուրքչյանը երեք անգամ այցելել է Հայաստան։ Առաջին անգամ նա եկել է 2002 թվականին ԵՊՀ հրավերով՝ ապագա լրագրողներին վերապատրաստելու, Հայաստան-Սփյուռք 2-րդ համաժողովին մասնակցելու համար։ Երկրորդ անգամ՝ 2016 թվականի ապրիլին «Ավրորա» մրցանակաբաշխությանը ներկա լինելու համար[6][7], երրորդ անգամ նույն թվականի ամռանը։
Ծանոթագրություններ խմբագրել
- ↑ History vs. Hollywood: SPOTLIGHT (2015)
- ↑ Стивен Кюркчян: Пулитцеровские награды и Оскар за правду о самых громких преступлениях в США
- ↑ Kurkjian, Stephen (2014 թ․ ապրիլի 22). «Kiss My Children's Eyes: A Search for Answers to the Genocide Through One Remarkable Photograph». Armenian Weekly. «...my grandfather had been killed in the genocide, yet my father, a three-year-old in 1915, had survived to come to America to thrive.»
- ↑ Kurkjian, Stephen (1993 թ․ ապրիլի 18). «Roots of Sorrow». Boston Globe. Արխիվացված է օրիգինալից 2018 թ․ սեպտեմբերի 6-ին. Վերցված է 2017 թ․ մարտի 10-ին.
- ↑ Սթիվ Քյուրքչյան. Spotlight-ը հոգ է տանում «փոքր մարդկանց» համար
- ↑ Aurora Dialogues. Մարդասիրական ոլորտի խնդիրների քննարկման նոր հարթակ
- ↑ Aurora Prize Guests: Stephen Kurkjian