Սերգո Երիցյան
- Վիքիպեդիայում կան հոդվածներ Երիցյան ազգանունով այլ մարդկանց մասին։
Սերգո Սարգսի Երիցյան (հունիսի 11, 1957, Ճոճկան, Ալավերդու շրջան, Հայկական ԽՍՀ, ԽՍՀՄ - հունիսի 23, 2023, Լոս Անջելես, ԱՄՆ), հայ պետական գործիչ, հեռուստալրագրող, բանասիրական գիտությունների դոկտոր։
| Սերգո Երիցյան | |
|---|---|
.jpg) | |
| Ծնվել է | հունիսի 11, 1957 |
| Ծննդավայր | Ճոճկան, Ալավերդու շրջան, Հայկական ԽՍՀ, ԽՍՀՄ |
| Մահացել է | հունիսի 23, 2023 (66 տարեկան) |
| Մահվան վայր | Լոս Անջելես, ԱՄՆ |
| Քաղաքացիություն |  Հայաստան |
| Կրթություն | ՄՊՀ ժուռնալիստիկայի ֆակուլտետ և Երևանի պետական համալսարան |
| Գիտական աստիճան | բանասիրական գիտությունների դոկտոր |
| Մասնագիտություն | քաղաքական գործիչ և լրագրող |
| Զբաղեցրած պաշտոններ | Հայաստանի Ազգային ժողովի պատգամավոր |
| Անդամություն | Հայաստանի ժուռնալիստների միություն |
 Sergo Yeritsyan Վիքիպահեստում | |
Կենսագրություն
խմբագրել1975-1978 թվականներին սովորել է Երևանի պետական համալսարանի բանասիրական ֆակուլտետում, 1978 թվականին Մոսկվայի Լոմոնոսովի անվան պետական համալսարանի ժուռնալիստիկայի ֆակուլտետում։ 2004 թվականին պաշտպանել է «Հեռուստատեսություն. գործառույթները, զարգացման միտումները և հեռանկարները» թեմայով ատենախոսություն և ստացել բանասիրական գիտությունների դոկտորի գիտական աստիճան, 2007 թվականի նոյեմբերին պաշտպանել է «Հայաստանի հեռուստատեսությունը ԶԼՄ-ների համակարգում» թեկնածուական ատենախոսությունը և ստացել բանասիրական գիտությունների թեկնածուի աստիճան։ 1981-1999 թվականներին աշխատել է ՀՀ հեռուստառադիոյի համակարգում՝ զբաղեցնելով տարբեր պաշտոններ՝ խմբագրից մինչև հասարակական կարծիքի ուսումնասիրման կենտրոնի տնօրեն։ Հայաստանի ժուռնալիստների միության անդամ է։ 1996-2003 թվականներին եղել է ՀՀ Ազգային ժողովի պատգամավոր, 2003-2006 թվականներին` ՀՀ կրթության և գիտության նախարար, 2006-2008 թվականներին՝ ՀՀ նախագահի խորհրդական։ 2008 թվականի մայիսի 31-ին ՀՀ Նախագահի հրամանագրով ազատվել է ՀՀ Նախագահի խորհրդականի պաշտոնից[1]։ 2010 թվականից ղեկավարում է ՀՀ ԿԳՆ լեզվի պետական տեսչությունը[2]։ 2017 թվականին ստացել է Հայաստանի Հանրապետության քաղաքացիական ծառայության 2-րդ դասի պետական խորհրդականի դասային աստիճան[3]։ Մահացել է ԱՄՆ-ում 2023 թվականի հունիսի 23-ին երկարատև ու ծանր հիվանդությունից հետո[4]։
Ընտրովի տպագրումներ
խմբագրել- Հանրության իրազեկվածության գումարելիները (համահեղինակությամբ Ա. Բաղդասարյանի), Երևան, 2007 թվական, 508 էջ
- Հեռուստատեսային տերմինների և հասկացությունների տեղեկատու բառարան, Երևան, 2008 թվական, 454 էջ
- Հեռուստատեսություն. ակունքներից մինչև ժամանակակից զարգացումներ, Երևան, 2009 թվական, 603 էջ
- Ժամանակակից հեռուստատեսություն. բովանդակության և ձևի որոնումներ, Երևան, 2010 թվական, 854 էջ
- Հեռուստատեսություն. հայացք` ներսից և դրսից, Երևան, 2010 թվական, 887 էջ
Ծանոթագրություններ
խմբագրել- ↑ Ս. Երիցյանին Հայաստանի Հանրապետության նախագահի խորհրդականի պաշտոնից ազատելու մասին
- ↑ «Երիցյան Սերգո». Արխիվացված է օրիգինալից 2012 թ․ հուլիսի 26-ին. Վերցված է 2014 թ․ դեկտեմբերի 15-ին.
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ դեկտեմբերի 31-ին.
- ↑ «Հայտնի են Սերգո Երիցյանի հոգեհանգստի և հուղարկավորության օրերը». shabat.am. Վերցված է 2023 թ․ հուլիսի 15-ին.
| Նախորդող Լևոն Հովհաննեսի Մկրտչյան |
ՀՀ կրթության և գիտության նախարար Սերգո Երիցյան 12 հունիսի 2003 - 1 հունիսի 2006 |
Հաջորդող Լևոն Հովհաննեսի Մկրտչյան |
 | Վիքիպահեստն ունի նյութեր, որոնք վերաբերում են «Սերգո Երիցյան» հոդվածին։ |