Սերգեյ Կոխանովիչ
Սերգեյ Նիկոլաևիչ Կոխանովիչ (ռուս.՝ Сергей Николаевич Коханович, 20 հոկտեմբերի, 1921, Մոսկվա – 26 հոկտեմբերի, 1956, Բուդապեշտ), Խորհրդային բանակի գնդապետ, 1956 թվականի Հունգարական հեղափոխության ճնշման մասնակից, Սովետական Միության հերոս (1956)։
| Սերգեյ Կոխանովիչ | |
|---|---|
| ռուս.՝ Сергей Коханович | |
| հոկտեմբերի 20, 1921 - հոկտեմբերի 26, 1956 (35 տարեկան) | |
| Ծննդավայր | Մոսկվա, Խորհրդային Ռուսաստան |
| Մահվան վայր | Բուդապեշտ, Հունգարական Ժողովրդական Հանրապետություն |
| Գերեզման | Վագանկովյան գերեզմանատուն |
| Զորատեսակ | հրետանի |
| Ծառայության տարիներ | 1939-1956 |
| Կոչում | գնդապետ |
| Մարտեր/ պատերազմներ | Հայրենական մեծ պատերազմ |
| Պարգևներ |     և  |
Կենսագրություն
խմբագրելՍերգեյ Կոխանովիչը ծնվել է 1921 թվականի հոկտեմբերի 20-ին Մոսկվայում։ Ստացել է միջնակարգ կրթություն։ 1939 թվականին զորակոչվել է Բանվորագյուղացիական Կարմիր բանակ։ 1941 թվականին Սերգեյ Կոխանովիչն ավարտել է Մոսկվայի հրետանային ուսումնարանը։ Նույն թվականի հոկտեմբերից մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններին՝ կռվելով մինչև ավարտը։ 1951 թվականին Սերգեյ Կոխանովիչն ավարտել է Ռազմական հրետանային ակադեմիան։ 1956 թվականի աշնանը նա ծառայում էր Ռումինիայում և եղել է Առանձին մեքենայացված բանակի 33-րդ գվարդիական մեքենայացված դիվիզիայի 1195-րդ հրետանային գնդի հրամանատար[1]։
1956 թվականի հոկտեմբերի 23-ին Սերգեյ Կոխանովիչը մեկնել է Հունգարիայի Ժողովրդական Հանրապետություն և ակտիվորեն մասնակցել Հունգաական հեղափոխության ճնշման ուղղությամբ տարվող մարտական գործողություններին։ Հոկտեմբերի 25-ին նրա դիվիզիայի զորամասերը, չունենալով քարտեզ կամ ուղեկցող, մոլորվել են Բուդապեշտում։ Սերգեյ Կոխանովիչը կարողացել է վերականգնել զորամասերի վերահսկողությունը՝ գտնելով շատ զորամասեր ու կազմակերպելով պաշտպանություն։ Բուդապեշտի փողոցներից մեկում նա մահացու վիրավորվել է գլխից և հաջորդ օրը մահացել։ Թաղված է Մոսկվայի Վագանկովյան գերեզմանատանը[1]։
ԽՍՀՄ Գերագույն խորհրդի նախագահության՝ 1956 թվականի դեկտեմբերի 18-ի հրամանով «զինվորական պարտքի կատարման ժամանակ ցուցաբերած արիության ու խիզախության համար» գնդապետ Սերգեյ Կոխանովիչին շնորհվել է Սովետական Միության հերոսի կոչում։ Նա պարգևատրվել է նաև Լենինի, Կարմիր դրոշի, Հայրենական պատերազմի 2-րդ աստիճանի շքանշաններով, Կարմիր աստղի երկու շքանշաններով և մի շարք մեդալներով[1]։
Ծանոթագրություններ
խմբագրել- ↑ 1,0 1,1 1,2 Սերգեյ Կոխանովիչը «Երկրի հերոսները» կայքում (ռուս.)
Գրականություն
խմբագրել- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.