Սերգեյ Լազո

Սերգեյ Գեորգիևիչ Լազո (փետրվարի 23 (մարտի 7), 1894, Պիատրա, Օրգեևի շրջան, Օրգեևի գավառ, Բեսարաբյան գուբերնիա, Ռուսական կայսրություն - մայիս 1920, Լազո, Ռուսաստան), Ռուսաստանի քաղաքացիական պատերազմի մասնակից, ԽՄԿԿ անդամ (1918)։

Սերգեյ Լազո
Ծնվել է	փետրվարի 23 (մարտի 7), 1894
Ծննդավայր	Պիատրա, Օրգեևի շրջան, Օրգեևի գավառ, Բեսարաբյան գուբերնիա, Ռուսական կայսրություն
Մահացել է	մայիս 1920 (26 տարեկան)
Մահվան վայր	Լազո, Ռուսաստան
Քաղաքացիություն	Խորհրդային Ռուսաստան
Կրթություն	Ալեքսեևյան ռազմական ուսումնարան, Սանկտ Պետերբուրգի պետական տեխնոլոգիական ինստիտուտ և Մոսկվայի պետական համալսարան
Մասնագիտություն	պարտիզան, հեղափոխական և ռազմական գործիչ
Կուսակցություն	Left Socialist-Revolutionaries? և ԽՄԿԿ
Sergey Lazo Վիքիպահեստում

Սովորել է Պետերբուրգի տեխնոլոգիական ինստիտուտում, ապա Մոսկվայի համալսարանի ֆիզիկամաթեմատիկական ֆակուլտետում։ 1916 թվականին զորակոչվել է բանակ, որտեղ ծավալել է հեղափոխական գործունեություն։ 1917 թվականին ընտրվել է Սովետների համասիբիրական առաջին համագումարի պատգամավոր։

1918 թվականի սկզբից՝ Ցենտրոսիբիրի անդամ, Անդրբայկալյան ռազմաճակատի հրամանատար։ Ղեկավարել է Գ. Սեմյոնովի սպիտակգվարդիական բանդաների ջախջախումը։ 1920 թվականի հունվարին, երբ Պրիմորիեում տապալվեց սպիտակգվարդիական իշխանությունը, Լազոն նշանակվեց Ռազմահեղափոխական խորհրդի և ՌԿ(բ)կ ԿԿ-ի Հեռավորարևելյան բյուրոյի անդամ։ Ապրիլի 4-5-ին, իշխանությունը Վլադիվոստոկում ճապոնացիներին անցնելուց հետո, Լազոն և Ռազմահեղափոխական խորհրդի մյուս անդամները ձերբակալվեցին։ Լազոյին և նրա երկու զինակիցներին, խոշտանգելուց հետո, այրեցին շոգեքարշի հնոցում։

Վիքիպահեստն ունի նյութեր, որոնք վերաբերում են «Սերգեյ Լազո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 474)։