Սեդա Բեքարյան

Սեդա Արայի Բեքարյան (նոյեմբերի 23, 1953(1953-11-23), Երևան, Հայկական ԽՍՀ, ԽՍՀՄ), հայ նկարչուհի, արձակագիր։ Հայաստանի նկարիչների միության անդամ (1979):

Սեդա Բեքարյան
Ծնվել է	նոյեմբերի 23, 1953(1953-11-23) (67 տարեկան)
Ծննդավայր	Երևան, Հայկական ԽՍՀ, ԽՍՀՄ
Ազգություն	հայ
Քաղաքացիություն	ԽՍՀՄ և  Հայաստան
Կրթություն	Երևանի պետական գեղարվեստա-թատերական ինստիտուտ
Մասնագիտություն	նկարչուհի և արձակագիր
Հայր	Արա Բեքարյան

Կենսագրություն

Սեդա Բեքարյանը ծնվել է 1953 թվականի նոյեմբերի 23-ին, Երևանում, գեղանկարիչ, գրաֆիկ Արա Բեքարյանի ընատնիքում։ 1978 թվականին ավարտել է Երևանի գեղարվեստաթատերական ինստիտուտը։ Մասնակցել է հանրապետական և միջազգային մի շարք ցուցահանդեսների։ 2013 թվականին ՄԱԿ-ի 68-րդ տարեդարձին նվիրված միջոցառումների շրջանակում ՄԱԿ-ի հայաստանյան գրասենյակում կազմակերպվել է հայ նկարիչների երեք սերունդների` Արա Բեքարյանի, Սեդա Բեքարյանի և Արփի Վարդանյանի 50 աշխատանքների ցուցահանդես-վաճառքը։

Աշխատանքները գտնվում են Հայաստանի ազգային պատկերասրահում, Վանաձորի կերպարվեստի թանգարանում, մի շարք երկրների մասնավոր հավաքածուներում, տարբեր երկրների պատկերասրահներում, թանգարաններում։

Ստեղծագործություններ

Կտավներ

• «Ծաղրածու» (1978),
• «Պատշգամբում» (1980),
• «Բնանկար» (1991),
• «Լռություն» (2009)։

Պատմվածքներ

• «Առնետը»,
• «Հռոմեացի նախապապեր ունեցող մարդը»,
• «Կարամելը ձնաբքի մեջ»,
• «Բացվեցին գարնան առաջին ծաղիկները»։