Սաշա Չաջո
Սաշա Չաջո (սերբ.՝ Саша Чађо, հուլիսի 13, 1989, Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ), սերբ բասկետբոլիստուհի, ով խաղում է հարձակվող պաշտպանի դիրքում։ Հանդես է գալիս թուրքական «Իստանբուլ» ակումբում (Թուրքական լիգա)։ 2015 թվականին Սերբիայի հավաքականի կազմում դարձել է Եվրոպայի չեմպիոն։
 Saša Čađo | |||||||||||
Իստանբուլ
| |||||||||||
|---|---|---|---|---|---|---|---|---|---|---|---|
| Ակումբ | Իստանբուլ | ||||||||||
| Դիրքը | Հարձակվող պաշտպան | ||||||||||
| Ծննդյան ամսաթիվ | հուլիսի 13, 1989 (34 տարեկան) | ||||||||||
| Ծննդավայր | Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ | ||||||||||
| Ազգություն | սերբ | ||||||||||
| Հասակ | 178 սմ | ||||||||||
Կարիերայի պատմություն
| |||||||||||
| |||||||||||
| |||||||||||
Կարիերա խմբագրել
Ակումբային խմբագրել
Սաշա Չաջոն իր պրոֆեսիոնալ մարզական կարիերան սկսել է 2006 թվականին Բանյա Լուկայի «Մլադի Կրաիշնիկ» բասկետբոլի ակումբում, որի կազմում հաղթել է Սերբական Հանրապետության գավաթի առաջնությունում։ Հետագայում նա խաղացել է Սարաևոյի «Ժելեզնիչար» ակումբում՝ երկու անգամ դառնալով Բոսնիա և Հերցեգովինայի չեմպիոն և մեկ անգամ հաղթելով Բոսնիա և Հերցեգովինայի գավաթի առաջնությունում։ 2009 թվականին Սաշա Չուջան տեղափոխվել է Սերբիայի լիգայի «Խեմոֆարմ» ակումբ (ներկայում՝ «Վրշաց»), որի կազմում երկու անգամ հաղթել է Սերբիայի գավաթի (Միլան Ցիգ Վասոևիչի գավաթ) առաջնությունում 2010 և 2012 թվականներին։ 2013 թվականին «Պարտիզան» ակումբի կազմում Սաշա Չոջան հաղթել է Սերբիայի առաջնությունում, Սերբիայի գավաթի առաջնությունում և Բասկետբոլի կանանց միջազգային լիգայում։ 2013/2014 մրցաշրջանը Սաշա Չոջան անցկացրել է ռումինական «Ալբա Յուլյա» ակումբում, 2014/2015 մրցաշրջանը՝ թուրքական «Չանիկ Բելեդիե» ակումբում, իսկ 2015 թվականից հետո խաղում է թուրքական «Իստանբուլ Յունիվերսիտեսի» ակումբի կազմում։
Հավաքականում խմբագրել
Սաշա Չաջոն հրավիրվել է խաղալու Բոսնիա և Հերցեգովինայի, սակայն նա որոշել է խաղալ Սերբիայի հավաքականում։ 2013 թվականին Սաշա Չոջան Սերբիայի հավաքականի կազմում մասնակցել է Եվրոպայի առաջնությանը, ինչը եղել է նրա առաջին մասնակցություն խոշոր մրցություններին։ Այդ առաջնության շրջանակներում Սերբիայի հավաքականն անցկացրել է ինը հանդիպում, որոնց ընթացքում Սաշա Չոջան հավաքել է 33 միավոր (դրանից 11 միավորը նա հավաքել է Թուրքիայի հավաքականի, իսկ 10 միավորը՝ Իսպանիայի հավաքականի դեմ խաղում), կատարել է 18 նետում և արժանացել 18 անհատական նկատողության[1]։ 2014 թվականի աշխարհի առաջնության ժամանակ Սերբիայի հավաքականը հասել է մինչև քառորդ եզրափակիչ. Սաշա Չոջան մասնակցել է 7 խաղերից վեցին և հավաքել 22 միավոր (վեցական միավոր է վաստակել Չինաստանի, Թուրքիայի ու Անգոլայի հավաքականների դեմ խաղերում), կատարել 10 նետում և արժանացել 11 անհատական նկատողության[2]։
Սերբիայի հավաքականի համար հաղթական դարձած 2015 թվականի Եվրոպայի առաջնությունում Սաշա Չոջան մասնակցել է 10 խաղերից վեցին՝ չխաղալով վերջին վեց հանդիպումներում։ Այդ առաջնությունում նա վաստակել է մեկ միավոր Խորվաթիայի հավաքականի դեմ խաղում, կատարել 7 նետում և արժանացել 7 անհատական նկատողության[3]։ Դա Եվրոպայի բասկետբոլի կանանց առաջնությունում Սերբիայի հավաքականի առաջին հաղթանակ էր, ինչի շնորհիվ նրանք իրավունք ստացան մասնակցելու 2016 թվականին Ռիո դե Ժանեյրոյում անցկացվելիք Ամառային օլիմպիական խաղերին, որ առաջինն է Սերբիայի բասկետբոլի կանանց հավաքականի պատմության մեջ[4]։
Ծանոթագրություններ խմբագրել
- ↑ Սաշա Չոջայի ելույթների վիճակագրությունը 2013 թվականի Եվրոպայի առաջնությունում (FIBA) (անգլ.)
- ↑ Սաշա Չոջայի ելույթների վիճակագրությունը 2014 թվականի աշխարհի առաջնությունում (FIBA) (անգլ.)
- ↑ Սաշա Չոջայի ելույթների վիճակագրությունը 2015 թվականի Եվրոպայի առաջնությունում (FIBA) (անգլ.)
- ↑ «Serbia women win EuroBasket title, gain first Olympics berth». espn.go.com (անգլերեն). Associated Press. 2015 թ․ հունիսի 29. Վերցված է 2015 թ․ հունիսի 29-ին.
Արտաքին հղումներ խմբագրել
- Էջը basketball.eurobasket.com/ կայքում (անգլ.)
- Էջը FIBA կայքում Արխիվացված 2016-03-08 Wayback Machine (անգլ.)
 | Վիքիպահեստն ունի նյութեր, որոնք վերաբերում են «Սաշա Չաջո» հոդվածին։ |