Սամվել Ավետիսյան (պետական գործիչ)
հայ տնտեսագետ
Անվան այլ կիրառումների համար տե՛ս՝ Սամվել Ավետիսյան (այլ կիրառումներ)- Վիքիպեդիայում կան հոդվածներ Ավետիսյան ազգանունով այլ մարդկանց մասին։
Սամվել Սերյոժայի Ավետիսյան (հունվարի 3, 1952, Ախուրյան, Հայկական ԽՍՀ, ԽՍՀՄ), ՀՀ պետական և քաղաքական գործիչ, տնտեսագիտության դոկտոր, պրոֆեսոր, ՀՀ գյուղատնտեսության նախարարի առաջին տեղակալ (2002-2011)։
| Սամվել Ավետիսյան | |
|---|---|
| Ծնվել է | հունվարի 3, 1952 (72 տարեկան) |
| Ծննդավայր | Ախուրյան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Հայաստանի ազգային ագրարային համալսարան |
| Գիտական աստիճան | տնտեսագիտական գիտությունների թեկնածու |
| Մասնագիտություն | քաղաքական գործիչ և տնտեսագետ |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Օրինաց երկիր |
Կրթություն խմբագրել
- 1977 թ. ավարտել է Հայկական գյուղատնտեսական ինստիտուտը՝ տնտեսագետի որակավորմամբ։ Տնտեսագիտության դոկտոր, (2003)։ Պրոֆեսոր (2007)։ 14 մենագրությունների և ավելի քան 140 գիտական հոդվածների հեղինակ։
- Վերապատրաստման դասընթացներ է անցել Մոսկվայի Կ. Տիմիրյազևի անվան գյուղատնտեսական ակադեմիայում (1979), Կիևի գյուղատնտեսական ակադեմիայում (1985), ԱՄՆ Այովայի նահանգի CITRA միջազգային ուսումնական կենտրոնում (1994), ԱՄՆ Ֆրեզնոյի համալսարանում (1998), Իսրայելի MASHAV-CINADCO միջազգային կենտրոնում (2003), Իսրայելի Գալիլյայի միջազգային համալսարանում (2010)։
Աշխատանքային գործունեությունը խմբագրել
- 1970-1972 թթ. - ծառայել է Խորհրդային բանակում։
- 1978 թ. - Ախուրյանի շրջանի Կամո գյուղի կոլտնտեսությունում աշխատել է որպես գլխավոր տնտեսագետ։
- 1979-1986 թթ. - Հայկական գյուղատնտեսական ինստիտուտի գյուղատնտեսական արտադրության կազմակերպման ամբիոնի ասիստենտ, ավագ դասախոս, դոցենտ, այնուհետև՝ ամբիոնի վարիչ։
- 1986-1994 թթ. - Հայկական գյուղատնտեսական ինստիտուտի արհմիութենական կոմիտեի նախագահ։
- 1995-1999 թթ. - ՀՀ Գյուղատնտեսության նախարարության գիտության, կրթության և նոր տեխնոլոգիաների ներդրման գլխավոր վարչության պետ։
- 1999 թ. մայիսի 30-ին ընտրվել է ՀՀ Ազգային ժողովի երկրորդ գումարման պատգամավոր թիվ 67 ընտրատարածքից։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ։ «Օրինաց երկիր» խմբակցության անդամ։
- 2002 թ. փետրվարի 11-ին պատգամավորական լիազորությունները դադարեցվել են՝ այլ պաշտոնի նշանակվելու կապակցությամբ։
- 2002 թ. փետրվարի 11-ին ՀՀ Վարչապետի որոշմամբ նշանակվել է ՀՀ գյուղատնտեսության նախարարի առաջին տեղակալ։
- 2011 թ. ապրիլի 7-ին ՀՀ Վարչապետի որոշմամբ ազատվել է Հայաստանի Հանրապետության գյուղատնտեսության նախարարի առաջին տեղակալի պաշտոնից՝ իր դիմումի համաձայն[1]։
- 2011թ-ից Հայաստանի ազգային ագրարային համալսարանի ՙՙԱգրոբիզնեսի կազմակերպման՚՚ և ՙՙԱգրարային քաղաքականության և խորհրդատվության՚՚ ամբիոնների պրոֆեսոր,
- 2011-2013 թթ. Հայաստանի ազգային ագրարային համալսարանի Ագրարային քաղաքականության և տնտեսագիտական հետազոտությունների հետազոտական կենտրոնի տնօրեն։
- 2013-2016 թթ. Հայաստանի պետական տնտեսագիտական համալսարանի ՙՙԱմբերդ՚՚ հետազոտական կենտրոնի տնօրեն։
- 2016թ. սեպտեմբերից նույն կենտրոնի ծրագրերի համակարգող, ավագ գիտաշխատող։
Ամուսնացած է, ունի երեք զավակ։
| Նախորդող - |
ՀՀ գյուղատնտեսության նախարարի առաջին տեղակալ Սամվել Ավետիսյան 11 փետրվարի 2001 թ. - 7 ապրիլի 2011 թ. |
Հաջորդող Գրիշա Բաղիյան |