Թոքթոգուլ Սաթըլգանով

Սաթըլգանով Թոքթոգուլ (հոկտեմբերի 25, 1864(1864-10-25), Q12830730?, Կոկանդի խանություն - փետրվարի 17, 1933(1933-02-17), Տոկտոգուլ, Toktogul District, Kirghiz Autonomous Socialist Soviet Republic, ՌԽՖՍՀ, ԽՍՀՄ), կիրգիզ խորհրդային ժողովրդական ակին։ Բանավոր պոեզիայի գիտակ, կոմպոզիտոր և վիրտուոզ-երաժիշտ։ Կիրգիզական խորհրդային գրականության հիմնադիրներից։

Թոքթոգուլ Սաթըլգանով
Բնօրինակ անուն	ղրղզ.՝ Токтогул Сатылганов
Ծնվել է	հոկտեմբերի 25, 1864(1864-10-25) Q12830730?, Կոկանդի խանություն
Երկիր	Ռուսական կայսրություն և  ԽՍՀՄ
Մահացել է	փետրվարի 17, 1933(1933-02-17) (68 տարեկան) Տոկտոգուլ, Toktogul District, Kirghiz Autonomous Socialist Soviet Republic, ՌԽՖՍՀ, ԽՍՀՄ
Մասնագիտություն	բանաստեղծ, երգիչ, ակին և Ժողովրդական երգիչ
Գործիքներ	կոմուզ և վոկալ
Toktogul Satylganov Վիքիպահեստում

Կենսագրություն

Երգեր է հորինել 12 տարեկանից։ Աշուղական մրցույթների վարպետ։ Ժողովրդականություն են վայելում նրա վաղ շրջանի քնարական գործերը։ Երգիծական ստեղծագործությունների («Հինգ վարազ», «Վաշխառու Չաքըրբայը», «Էշեն-Կալպա» և այլն) համար Սաթըլգանով Թոքթոգուլը աքսորվել է Սիբիր։ 1910 թվականին նրան հաջողվել է փախչել և վերադառնալ հայրենիք։ Այս իրադարձություններն արտացոլվել են «Մնաս բարով, իմ ժողովուրդ», «Աքսորում» և այլ երգերում։ Հոկտեմբերյան հեղափոխությունից հետո նրա երգերը նոր կյանք ստեղծելու կոչ են արել։ Կիրգիզական գրականության մեջ առաջինն է ներկայացրել Լենինի կերպարը։ Ստեղծել է գործիքային երաժշտության դասական նմուշներ (կյուեր)։ Նրա մեղեդիները գրի են առնվել և օգտագործվում են խորհրդային կոմպոզիտորների կողմից։ 1965 թվականին սահմանվել է Թոքթոգուլի անվան հանրապետական պետական մրցանակ։ Նրա բանաստեղծությունները թարգմանվել են ԽՍՀՄ ժողովուրդների լեզուներով։

Վիքիպահեստն ունի նյութեր, որոնք վերաբերում են «Թոքթոգուլ Սաթըլգանով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 113)։