Բացել գլխավոր ցանկը

Ռուսական հուշարձան (բուլղար․՝ Руски паметник), հուշարձան Բուլղարիայի մայրաքաղաք Սոֆիայում: 1877-1878 թվականների Ռուս-թուրքական պատերազմին նվիրված առաջին հուշարձանն է Բուլղարիայում: Հուշարձանը բացվել է 1882 թվականի հունիսի 29-ին և գտնվում է այն ճանապարհի վրա, որով Օսման Նուրի Փաշան 1877 թվականի դեկտեմբերի 22-ին Սոֆիայից փախել է Պերնիկ:

Picto infobox architecture.png
Ռուսական հուշարձան
Sofia-Russian-monument-west.jpg
'
Կոորդինատներ42°41′32″ հս․ լ. 23°18′37″ ավ. ե. / 42.69222° հս․. լ. 23.31028° ավ. ե. / 42.69222; 23.31028Կոորդինատներ: 42°41′32″ հս․ լ. 23°18′37″ ավ. ե. / 42.69222° հս․. լ. 23.31028° ավ. ե. / 42.69222; 23.31028
Գտնվում էԲուլղարիա Սոֆիա
Ներկա վիճակըԿանգուն

Հուշարձանը կառուցվել է ռուս ժողովրդի միջոցներով: Ենթադրվում է, որ հուշարձանը նախագծել է կամ ճարտարապետ Վոկարը, ով նմանատիպ հուշարձաններ է ստեղծել նաև Դոբրիչում, Պլևենում, Վելիկո Տիռնովոյում, Սվիշտովում, կամ ռուս ճարտարապետ Վլադիմիր Շերվուդը, ով ապրել է Պլևենում:

Հուշարձանն ուղղանկյուն բուրգի տեսքով կոթող է՝ տեղադրված քառաստիճան պատվանդանի վրա: Հուշարձանի արևելյան կողմի մարմարե ռելիեֆի վրա Ռուսաստանի զինանշանն է և Սուրբ Գևորգի շքանշանը, հուշագիր Ալեքսանդր II-ի հիշատակին: Մեկ այլ փորագրություն էլ գտնվում է արևմտյան կողմում:

19-րդ դարի վերջում 20-րդ դարի սկզբում հուշարձանը վերածվել է Սոֆիայի այս հատվածի քաղաքաշինական կենտրոնի: Այսօր այն գտնվում է Սկոբելև և Տոտլեբեն բուլվարների հանգույցում: Հուշարձանի մոտակայքում են գտնվում Հնգանկյուն հանգույցը, Մակեդոնիայի հրապարակը և Պիրոգով հիվանդանոցը:

ՊատկերասրահԽմբագրել

ԱղբյուրներԽմբագրել

  • Entsiklopediya na izobrazitelnite izkustva v Balgariya, tom 2. Sofia: Bulgarian Academy of Sciences. 1986.