Ռուբենյանի բնդեռիկ
Ռուբենյանի բնդեռիկ | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Բզեզներ (Coleoptera) |
Ընտանիք | Թերթաբեղիկավորներ (Scarabaeidae) |
Ցեղ | Adoretus |
Տեսակ | Ռուբենյանի բնդեռիկ (A. rubenyani) |
Միջազգային անվանում | |
Adoretus rubenyani |
Ռուբենյանի բնդեռիկ (լատին․՝ Adoretus rubenyani), թերթիկաբեղավորների ընտանիքին պատկանող միջատ, որը գրանցված է Հայաստանի Կարմիր գրքում։
Նկարագրություն
խմբագրելՁվաձև, ուռուցիկ մարմնով, 9,5-13,5 երկարությամբ ոչ շատ մեծ բզեզ է։ Դարչնադեղնավուն մարմինը բաց գույնի է, առաջնամեջքը վերնաթևերից փոքր-ինչ մուգ է, գլուխը՝ դարչնակարմրավուն[1]։
Տարածվածություն
խմբագրելՀայաստանի էնդեմիկ տեսակ է։ Հայտնի է Արաքս գյուղի (Արմավիրի մարզ) և Արմաշ գյուղի շրջակայքում (Արարատի մարզ)[1]։
Էկոլոգիա
խմբագրելԱպրում է Արարատյան հարթավայրի աղուտներում։
Կենսաբանական առանձնահատկությունները հայտնի չեն։ Բզեզները դեպի լույսի աղբյուր են թռչում հունիսի երկրորդ կեսին և օգոստոսի սկզբին[1]։
Պահպանություն
խմբագրելՍահմանափակ արեալով հազվագյուտ տեսակ է։ Բնության պահպանության միջազգային Կարմիր ցուցակում գրանցված է որպես վտանգված տեսակ։
Թվաքանակը հավանաբար բարձր չէ (դեպի լույսի աղբյուր թռչում են մեկական առանձնյակներ) իսկ թվաքանակի փոփոխության միտումները բացահայտված չեն։
Սպառնացող վտանգներից են հողերի յուրացումը (այդ թվում նաև աղուտների մելիորացիան) և օգտագործումը լճակային տնտեսություններ ստեղծելու նպատակով։
Պահպանության միջոցառումներ չեն իրականացվում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.