Ռոստովի պետական բժշկական համալսարան

Ռոստովի պետական բժշկական համալսարան (ռուս.՝ Ростовский государственный медицинский университет), Դոնի Ռոստով քաղաքում գտնվող բարձրագույն ուսումնական հաստատություն, Ռուսաստանի հարավի խոշորագույն ուսումնական, գիտական և բուժական բազային կենտրոն։

Ռոստովի պետական բժշկական համալսարան բելառուս․՝ Растоўскі дзяржаўны медыцынскі інстытут, ռուս.՝ Ростовский медицинский институт և ռուս.՝ Ростовский-на-Дону медицинский институт
Տեսակ	համալսարան և համալսարան
Հիմնադրված է	1918
Երկիր	Ռուսաստան և  ԽՍՀՄ
Տեղագրություն	Դոնի Ռոստով
Պարգևներ
Կայք	rostgmu.ru
Rostov State Medical University Վիքիպահեստում

Պատմություն

1915 թվականին Վարշավայի ռուսական համալսարանի հիման վրա ստեղծվել է բժշկական ֆակուլտետը։ 1920 թվականին ֆակուլտետն առաջին անգամ ավարտել է 295 բժիշկ։ Հետագայում Հյուսիսկովկասյան համալսարանի բժշկական ֆակուլտետը միավորվել է Ռոստովի կանանց բժշկական ինստիտուտի հետ։ ՌԽՖՍՀ լուսավորության ժողովրդական կոմիսարիատի կարգադրությամբ և ԽՍՀՄ Կենտրոնական գործադիր կոմիտեի ու Ժողովրդական կոմիսարների խորհրդի որոշմամբ 1930 թվականի հոկտեմբերի 10-ին ստեղծվել է բժշական ինստիտուտը։

1980 թվականին բժշկական ինստիտուտը պարգևատրվել է «Ժողովուրդների բարեկամության» շքանշանով Աֆրիկայի, Ասիայի և Լատինական Ամերիկայի ավելի քան 60 երկրների համար կադրեր պատրաստելու համար։ 1994 թվականին բժշկական ինստիտուտը վերափոխվել է Ռոստովի պետական բժշկական համալսարանի։

Համալսարանի անվանումներն են՝

• 1915—1930՝ Վարշավայի համալսարանի բժշկական ֆակուլտետ,
• 1930—1980՝ Ռոստովի պետական բժշկական ինստիտուտ (Ռոստովի բժշկական համալսարան),
• 1980—1994՝ Ռոստովի Ժողովուրդների բարեկամության շքանշանի բժշական ինստիտուտ,
• 1994-այժմ՝ Ռոստովի պետական բժշկական համալսարան (ՌոստՊԲՀ)։

Կառուցվածք

Համալսարանն ունի 11 ֆակուլտետ և բժշկական քոլեջ, որոնք ուսանողներ են պատրաստում միջին և բարձրագույն մասնագիտական կրթության ծրագրով, բազմապրոֆիլ կլինիկա, գիտահետազոտական ինստիտուտներ, գիտական կենտրոններ և պրոբլեմային լաբորատորիաներ։

Բուհում ամեն տարի կրթություն են ստանում մոտ 7 000 ուսանող։ Որակավորման բարձրացման և մասնագետների վերապատրաստման ֆակուլտետն ունի 7000 ունկնդիր։ Ամեն տարի ավելի քանի 650 մարդ կրթություն է ստանում ինտերնատուրայում, օրդինատուրայում և ասպիրանտուրայում։

Համալսարանում կա 91 ամբիոն, որտեղ պրոֆեսորադասախոսական կազմից աշխատում են ավելի քան 800 մարդ, որից 130-ը գիտությունների դոկտոր են, պրոֆեսոր, մոտ 500-ը՝ գիտությունների թեկնածու։ Համալսարանն ունի սեփական բժշկական կլինիկա։

Համալսարանի մի շարք շինություններ ունեն մշակութային ժառանգության օբյեկտի կարգավիճակ՝ Ռոստովի (Վարշավայի) համալսարանի վարչական առանձնաշենքը և Նիկոլաևի քաղաքային հիվանդանոցի համալիրը։

Ռեկտորատ

Ռոստովի պետական բժշկական համալսարանը տարբեր ժամանակներում գլխավորել են.

• Ալեքսեյ Լիխաչյով (1930—1935),
• Մկրտիչ Գարդաշյան (1935—1937),
• Նիկոլայ Կորգանով (1937—1938, 1944—1945),
• Ալեքսանդր Միրոնով (1938-1942),
• Լեոնիդ Կուլիկով (1945—1950),
• Գրիգորի Իվախնենկո (1950—1956),
• Եվգենի Գուբարև (1956—1959),
• Պյոտր Կովալենկո (1959—1963),
• Յուրի Ռիժկով (1963—1980),
• Նիկոլայ Կարկիշչենկո (1980—1986),
• Վիկտոր Չերնիշով (1986—2009),
• Ալեքսեյ Սավիսկո (2009—2010),
• Սերգեյ Շլիկ (2012-ից այժմ)։

Աղբյուրներ

• Официальный сайт Рост ГМУ
• Николай Николаевич Корганов Արխիվացված 2018-03-23 Wayback Machine. История кафедры психиатрии Ростовского государственного медицинского университета » ( Бухановский А.О., Солдаткин В.А.)
• РОСТГМУ — история создания РостГМУ 2010 Արխիվացված 2018-05-17 Wayback Machine
• Ростовский государственный медицинский университет, кафедра социальной гигиены Արխիվացված 2018-02-07 Wayback Machine.

Վիքիպահեստն ունի նյութեր, որոնք վերաբերում են «Ռոստովի պետական բժշկական համալսարան» հոդվածին։