Ռոբերտ Արզումանյան (ֆուտբոլիստ)

Ռոբերտ Արզումանյան
Քաղաքացիությունը	Հայաստան
Ծննդյան ամսաթիվ	հուլիսի 24, 1985 (38 տարեկան)
Ծննդավայր	Երևան, Հայկական ԽՍՀ, ԽՍՀՄ
Հասակ	184 սանտիմետր
Քաշ	77 կիլոգրամ
Դիրք	պաշտպան և կենտրոնական պաշտպան

Անվան այլ կիրառումների համար տե՛ս՝ Ռոբերտ Արզումանյան (այլ կիրառումներ)

Ռոբերտ Նորայրի Արզումանյան (հուլիսի 24, 1985(1985-07-24)^[1]^[2]^[3], Երևան, Հայկական ԽՍՀ, ԽՍՀՄ), ֆուտբոլային մարզիչ, Հայաստանի ազգային հավաքականի նախկին ֆուտբոլիստ, որը որպես պաշտպան խաղացել է «Նոա» ֆուտբոլային ակումբում։ 2022-2023 թվականներին՝ այդ ակումբի գլխավոր մարզիչը^[4]։

Ակումբային կարիերա խմբագրել

«Փյունիկ» խմբագրել

Արզումանյանը սկսել է խաղալ «Փյունիկ» ակումբի երիտասարդական թիմում։ Ամեն տարի նա կատարելագործվում էր։ Վստահություն ձեռք բերելով իր խաղի նկատմամբ՝ Ռոբերտը դարձել է անփոխարինելի խաղացող։ 2005 թվականին տեղափոխվել է հիմնական թիմ։ Խաղալով ակումբի վետերանների հետ՝ սկսել է խաղալ ավելի մեծ եռանդով։ 2005 թվականի Հայաստանի ֆուտբոլի առաջնության արդյունքներով Ռոբերտ Արզումանյանը ճանաչվել է Հայաստանի ֆուտբոլի առաջնությանը առաջին անգամ մասնակցած լավագույն խաղացող։

«Ռանդերս» խմբագրել

Հետագա մրցաշարներում հաջող ելույթները գրավել են օտարերկրյա գործակալների ուշադրությունը։ 2008 թվականի հունվարի17-ին Ռոբերտը մեկամյա պայմանագիր է կնքել Դանիայի «Ռանդերս» ֆուտբոլային ակումբի հետ։ Դանիայի ֆուտբոլի առաջնության 2008/09 թվականների մրցաշարից հետո դարձել է թիմի հիմնական խաղացողներից մեկը։ 2008 թվականի օգոստոսի 29-ին Ռոբերտը 4 տարով երկարաձգել է «Ռանդերսի» հետ կնքած պայմանագիրը^[5]։ Դանիայի ֆուտբոլի առաջնության 2009/10 թվականների մրցաշարի ժամանակ սկսել է ավելի հազվադեպ հայտնվել խաղադաշտում։ Մեկ մրցաշար անց Ֆուտբոլի Եվրոպայի 2012 թվականի առաջնության ժամանակ ազգային հավաքականի կազմում հաջող խաղացված խաղերից հետո ակումբ ժամանելուց պարզվել է, որ մարզչական շտաբը Արզումանյանին տեղափոխել է երկրորդ կազմ։ Այդ որոշման պատճառը, ամենայն հավանականությամբ, կայանում է նրանում, որ Արզումանյանը և նրա գործակալը խոսել են ձմեռային տրանսֆերային պատուհանի ժամանակ եվրոպական այլ ակումբ հնարավոր տեղափոխության մասին^[5]։

«Յագելոնիա» խմբագրել

2011 թվականի հունվարին տեղեկություն է տարածվել, որ ֆուտբոլիստով հետաքրքրված է Վրոցլավի «Սլյոնսկա» ակումբը։ Իրեն լավ դրսևորելով ուսումնամարզական հավաքի ժամանակ՝ Ռոբերտը, սակայն չի դարձել ակումբի խաղացող։ Պայմանագիր չկնքելու պատճառը Արզումանյանի գործակալի՝ Ռոբերտ Կիլդանովիչի պահանջած միջնորդավճարն էր։ «Սլյոնսկի» ղեկավարությունը ի վերջը որոշել է պայմանագիր չկնքել խաղացողի հետ։ Ի վերջո Արզումանյանը պայմանագիր է կնքել Բելոստոկից «Յագելոննիայի» հետ։ Շուտով գլխավոր մարզչի փոփոխության և վնասվածքների պատճառով Ռոբերտը դադարել է ընդգրկվել հանդիպման հայտացուցակում։ Նաև «Յագելոննիայի» գլխավոր մարզիչը չէր տեսնում նրան թիմում և խորհուրդ է տվել փոխել ակումբը^[6]։

«ԲՄԱ-Էներգիա» խմբագրել

Հուլիսի 23-ին տեղափոխվել է Սարանսկ, որպեսզի փորձաշրջան անցնի «Մորդովիա» ֆուտբոլային ակումբում։ Հուլիսի 26-ին թիմի հետ ուղևորվել է Կրասնոդար և Սարանսկ չի վերադարձել։ Օրեր անց «Մորդովիայի» գլխավոր մարզիչը Արզումանյանի ծառայություններից հրաժարվելը բացատրել է նրանով, որ շատ քիչ ժամանակ է եղել նրա ամբողջ պոտենցիալը բացահայտելու համար։ Եվ հաշվի առնելով այն, որ մրցաշարը արդեն սկսված էր և խաղացողները մարզվում էին հատուկ կարգով, որը տարբերվում էր հավաքականի մարզումներից, այնուամենայնիվ Արզումանյանը դրական տպավորություն է թողել։ 2012 թվականի օգոստոսին Արզումանյանը վարձով էր տրվել «ԲՄԱ-Էներգիա»-ին։ Ռուսաստանի գավաթի մեկնարկային խաղի ժամանակ Պերմի «Ամկարի» դեմ Արզումանյանը խփել է գոլ, դրանով իսկ «ԲՄԱ»-ն հաղթել է 2։ 1 հաշվով։

Ակտոբե խմբագրել

2013 թվականի փետրվարին համանուն քաղաքից տեղափոխվել է ղՂազախստանի «Ակտոբե» ակումբ՝ կնքելով երկամյա պայմանագիր։ Մրցաշրջանի հենց առաջին օրը դարձել է Ղազախստանի չեմպիոն և թիմի հետ հասել մինչև ՈՒԵՖԱ Եվրոպայի Լիգայի փլեյ-օֆֆ փուլ։

«Ամկար» խմբագրել

2014 թվականի հուլիսին քննարկվել են Արզումանյանի՝ Պերմի «Ամկար» տեղափոխվելու պայմանները։ Պաշտոնական համաձայնագիրը ստորագրվել է դեկտեմբերին՝ պայմանագրի ժամկետի ավարտից հետո։ Պայմանագիրը նախատեսված էր 2,5 տարով։

Կարիերան հավաքականում խմբագրել

Առաջին անգամ Հայաստանի ֆուտբոլի ազգային հավաքականի կազմում Արզումանյանը խաղադաշտ է դուրս եկել Քուվեյթի ֆուտբոլի ազգային հավաքականի դեմ ընկերական խաղի ժամանակ՝ 2005 թվականի մարտի 18-ին։ Իր առաջին միջազգային գոլը խփել է 2008 թվականի Եվրոպայի ֆուտբոլի միջազգային առաջնության ժամանակ՝ Ղազախստանի դեմ խաղում^[7]։ Դա տեղի է ունեցել 2007 թվականի հունիսի 2-ին՝ խաղի 31-րդ րոպեին։

Գոլեր հավաքականում խմբագրել

#	Ամսաթիվ	Վայր	Մրցակից	Հաշիվ	Արդյունք	Մրցույթ
1	2 հունիս 2007	Ղազախստան	Ղազախստանի ֆուտբոլի ազգային հավաքական	2:1	Հաղթանակ	2008 թվականի Եվրոպայի ֆուտբոլի առաջնություն
2	22 օգոստոսի 2007	Հայաստան	Պորտուգալիայի ֆուտբոլի ազգային հավաքական	1:1	Ոչ-ոքի	2008 թվականի Եվրոպայի ֆուտբոլի առաջնություն
3	8 սեպտեմբերի 2007	Կիպրոս	Կիպրոսի ֆուտբոլի ազգային հավաքական	1:3	Պարտություն	Ընկերական Խաղ
4	10 հոկտեմբերի 2009	Իսպանիա	Իսպանիայի ֆուտբոլի ազգային հավաքական	1:2	Պարտություն	2010 թվականի Ֆուտբոլի աշխարհի առաջնություն
5	11 հոկտեմբերի 2014	Հայաստան	Սերբիայի ֆուտբոլի ազգային հավաքական	1:1	Ոչ-ոքի	2016 թվականի Եվրոպայի ֆուտբոլի առաջնություն

Նվաճումներ խմբագրել

«Փյունիկ»

թիմային
- Հայաստանի չեմպիոն՝ 2003, 2004, 2005, 2006, 2007
- Հայաստանի գավաթի գավաթակիր՝ 2004
- Հայաստանի գավաթի եզրափակիչ փուլի մասնակից՝ 2003, 2006
- Հայաստանի Սուպերգավաթի գավաթակիր՝ 2004, 2005, 2007
- Հայաստանի Սուպերգավաթի եզրափակիչ փուլի մասնակից՝ 2003, 2006
անձնական
- Լավագույն նորեկ՝ 2005
- Լավագույն երիտասարդ պաշտպան՝ 2005
«Ակտոբե»
- Ղազախստանի չեմպիոն՝ 2013
- Ղազախստանի Սուպերգավաթի մրցանակակիր՝ 2014

Ծանոթագրություններ խմբագրել

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 FBref.com(բազմ․)
↑ ^3,0 ^3,1 Արգենտինական ֆուտբոլի տվյալների շտեմարան (իսպ.)
↑ «Պաշտոնական․ Ռոբերտ Արզումանյանը հեռացել է Նոայից - Armsport.am». armsport.am. Վերցված է 2023 թ․ հոկտեմբերի 1-ին.
↑ ^5,0 ^5,1 Randers FC forlænger med armenier Արխիվացված 2011-08-09 Wayback Machine(դան.)
↑ «Роберт Арзуманян пройдет просмотр в «Мордовии»» (ռուսերեն). Armfootball.com. 21.07.2012. Արխիվացված է օրիգինալից 2012 թ․ օգոստոսի 8-ին. Վերցված է 31.07.2012-ին.
↑ «Robert Arzumanyan» (անգլերեն). armfootball.tripod.com. 18.3.2005. Արխիվացված է օրիգինալից 2012 թ․ ապրիլի 5-ին. Վերցված է 4.11.2010-ին.

Արտաքին հղումներ խմբագրել

[_8369ac797e96af70-1] 1,0 ^1,1 Transfermarkt.com(բազմ․) — 2000.

[_ca298c0506f6a7cb-2] 2,0 ^2,1 FBref.com(բազմ․)

[_afc44b30e1296bf5-3] 3,0 ^3,1 Արգենտինական ֆուտբոլի տվյալների շտեմարան (իսպ.)

[4] «Պաշտոնական․ Ռոբերտ Արզումանյանը հեռացել է Նոայից - Armsport.am». armsport.am. Վերցված է 2023 թ․ հոկտեմբերի 1-ին.

[Randers_FC_forlænger_med_armenier-5] 5,0 ^5,1 Randers FC forlænger med armenier Արխիվացված 2011-08-09 Wayback Machine(դան.)

[6] «Роберт Арзуманян пройдет просмотр в «Мордовии»» (ռուսերեն). Armfootball.com. 21.07.2012. Արխիվացված է օրիգինալից 2012 թ․ օգոստոսի 8-ին. Վերցված է 31.07.2012-ին.

[7] «Robert Arzumanyan» (անգլերեն). armfootball.tripod.com. 18.3.2005. Արխիվացված է օրիգինալից 2012 թ․ ապրիլի 5-ին. Վերցված է 4.11.2010-ին.

[1]

[2]

[3]

[4]

[5]

[6]

[7]