Կոլխիդայի դաշտավայր
Անվան այլ կիրառումների համար տե՛ս՝ Կոլխիդա (այլ կիրառումներ)
Կոլխիդայի դաշտավայր (Կոլխիդայի հարթավայր) (վրաց.՝ კოლხეთის დაბლობი), դաշտավայր Վրաստանում, Արևմտյան Անդրկովկասում՝ Սև ծովի, Մեծ Կովկասի և Փոքր Կովկասի միջև։ Ծովափով ձգվում է Սուխումից մինչև Քոբուլեթ։
| Կոլխիդայի դաշտավայր | |
|---|---|
| Տեղադրություն | Անդրկովկասում՝ Սև ծովի, Մեծ Կովկասի և Փոքր Կովկասի միջև |
| Լայնություն | 700 կմ |
  | |
Անվանում խմբագրել
Անվանումը ստացել է այս վայրերում բնակված կոլխեր հին վրացական ցեղի անունից։ Հայտնի է նաև Ռիոնի դաշտավայր անունով։
Նկարագիր խմբագրել
Կոլխիդայի դաշտավայրը սինկլինալ իջվածք զբաղեցնող ալյուվիալ հարթավայր է, որտեղ անթրոպոգենի ալյուվիալ նստվածքների հզորությունը մինչև 700 մ է։ Կան նավթազազային երևակումներ, հանքային աղբյուրներ (Ծղալտուբո)[1]։
Կլիմա խմբագրել
Կլիման խոնավ մերձարևադարձային է, մեղմ ձմեռով։ Հունվարի միջին ջերմաստիճանը 4,5-6 °C է, օգոստոսինը՝ 23-24 °C։ Հատվում է Ռիոն, Ինգուր և այլ գետերով։
Գյուղատնտեսություն խմբագրել
Կոլխիդայի դաշտավայրում զբաղվում են հացահատիկի (գլխավորապես եգիպտացորեն), մերձարևադարձային կուլտուրաների մշակությամբ և պտղաբուծությամբ։
Ծանոթագրություններ խմբագրել
- ↑ Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 513)։ 
|