Ռաջանի Պալմ Դաթ (անգլ.՝ Rajani Palme Dutt, հունիսի 19, 1896(1896-06-19)[1], Քեմբրիջ, Անգլիա, Մեծ Բրիտանիայի և Իռլանդիայի միացյալ թագավորություն[2] - դեկտեմբերի 20, 1974(1974-12-20)[3][4][5][…], Լոնդոն, Միացյալ Թագավորություն), հնդկական և շվեդական ծագմամբ անգլիացի պատմաբան և հրապարակախոս։ Մոսկվայի պետական համալսարանի պատվավոր դոկտոր (1962 թվականից)։ Մեծ Բրիաանիայի կոմունիստական կուսակցության անդամ (1920)։ Սովորել է Օքսֆորդի համալսարանում, որտեղից հեռացվել է (1917 թվականին) մարքսիստական պրոպագանդա վարելու համար։ 1922 թվականին ընտրվել է կոմկուսի ԿԿ-ի և քաղբյուրոյի անդամ։ 1943-1961 թվականներին եղել է կոմկուսի գործադիր կոմիտեի փոխնախագահ, 1961-1965 թվականներին՝ կոմկուսի փոխնախագահ։ 1921 թվականից «Լեյբոր մանթլի» («Labour Monthly») ամսագրի, 1922-1924 թվականներին՝ «Ուորկերս ուիքլի» («Worker’s Weekly»), 1936-1938 թվականներին՝ «Դեյլի Ուորքեր» («Daily Worker») թերթերի խմբագիր։ Հեղինակ է տեսական, պատմական և տնտեսագիտական աշխատությունների։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 262)։
.jpg)
.svg){kind=small}
Միացյալ Թագավորություն
