Ջոզեֆ Դանթե կրտսեր (անգլ.՝ Joseph Dante, Jr., նոյեմբերի 28, 1946(1946-11-28)[1][2][3], Մորիսթաուն, Նյու Ջերսի, ԱՄՆ[4]), ավելի ճանաչված է որպես Ջո Դանթե (Joe Dante), ամերիկացի կինոռեժիսոր և պրոդյուսեր, որը հայտնիություն է ձեռք բերել կատակերգություն և սարսափ ֆիլմերի ժանրում աշխատանքներով։

Ջո Դանթե
Դիմանկար
Ծնվել էնոյեմբերի 28, 1946(1946-11-28)[1][2][3] (75 տարեկան)
ԾննդավայրՄորիսթաուն, Նյու Ջերսի, ԱՄՆ[4]
ՔաղաքացիությունFlag of the United States.svg ԱՄՆ
Մայրենի լեզուանգլերեն
Մասնագիտությունկինոռեժիսոր, մոնտաժող, սցենարիստ, դերասան, կինոդերասան, կինոպրոդյուսեր, հեռուստատեսային պրոդյուսեր և պոդքաստեր
Joe Dante Վիքիպահեստում

Առավել հայտնի աշխատանքները ներառվել են «Պիրանիա» (1978) և «Ոռնոց» (1981) պատկերներում, որոնք նկարահանվել են Ջոն Սեյլսի սցենարով։ Առաջին դրամարկղային հիթը «Գրեմլիններ»-ն էր (1984) և նրա շարունակությունը՝ «Գրեմլիններ 2։ Նոր խմբաքանակ»-ը (1990)։

ԿենսագրությունԽմբագրել

Ջոզեֆ Դանթե կրտսերը ծնվել է 1946 թվականի նոյեմբերի 28-ին Նյու Ջերսի նահանգի Մորիսթաուն քաղաքում։ Նրա հայրը եղել է պրոֆեսիոնալ գոլֆ խաղացող[5]։ Ջո Դանթեն իր կարիերան կինոյում սկսել է Ռոջեր Կորմանի հետ աշխատանքով։ Մոնտաժել է բազմաթիվ ֆիլմեր, մասնավորապես Ռոն Հովարդի «Մեծ ավտոմեքենայի գողություն» ֆիլմը, այնուհետև Ալան Արկուշի հետ նկարահանել է «Հոլիվուդ բուլվար» ֆիլմը։ Առաջին նախագիծը, որը ամբողջովին դրված էր Դանթեի ուսերին, դարձել է 1978 թվականի «Պիրանիա» սարսափ ֆիլմը։ Այնուհետև հաջորդել է «Ոռնոց» թրիլլերը։ Ֆիլմերը գրավել են Սթիվեն Սփիլբերգի ուշադրությունը, ում համար Դանթեն նկարահանել է «Մթնշաղի գոտի» ֆիլմի երրորդ մասը[6]։ Այնուհետև հաջորդել են «Գրեմլիններ» և «Գրեմլիններ 2․ Նոր խմբաքանակ» ֆիլմերը։ Բացի այդ, Դանթեն Սփիլբերգի հետ աշխատել է «Ներքին տիեզերք» պատկերի վրա։ Դանթեի ֆիլմերի համար այցեքարտ են դարձել հատուկ էֆեկտները, ինչպես նաև այլ ֆիլմերին արված կատակ-հղումները[6]։

1990-ական թվականների սկզբին Ջո Դանթեն Paramount Pictures կինոընկերության կողմից հաստատվել է որպես «Տեսիլք» ֆիլմի ռեժիսոր։

Դանթեն Ջեֆրի Բոումի հետ գրել է սցենարի սևագիր տարբերակը, սակայն այն բանից հետո, երբ ընկերությունը ֆիլմի նկարահանումները հետաձգել է մեկ տարով, Դանթեն թողել է նախագիծը և ավելի ուշ տիտրերում նշվել է միայն որպես բազմաթիվ գործադիր պրոդյուսերներից մեկը[6]։

ՖիլմագրությունԽմբագրել

ՌեժիսորԽմբագրել

  • 1978՝ Պիրանիա
  • 1979՝ Ռոքնռոլի դպրոց
  • 1981՝ Ոռնոց
  • 1982՝ Ոստիկանական ջոկատ
  • 1983՝ Մթնշաղի գոտի
  • 1984՝ Գրեմլիններ
  • 1985՝ Հետազոտողներ
  • 1986՝ Զարմանալի պատմություններ (Էպիզոդներ Բու և Գրիբլ)
  • 1987՝ Ներքին տիեզերք
  • 1987՝ Ամազոնուհիները լուսնի վրա
  • 1990՝ Գրեմլիններ 2․ Նոր խմբաքանակ
  • 1991—1992՝ Առեղծվածային քաղաք Էյրին Ինդիանայում
  • 1993՝ Ցերեկային ցուցահերթ
  • 1994՝ Դուստրերը փախուստի մեջ
  • 1997՝ Երկրորդ քաղաքացիական պատերազմ
  • 1998՝ Զորապետ։ Ճակատամարտը Գալակտիկայի համար
  • 1998՝ Զինվորիկներ
  • 2003՝ Լունի Թյունզ։ Կրկին գործի մեջ
  • 2005՝ Սարսափների վարպետներ (Էպիզոդ Վերադարձ տուն)
  • 2006՝ Թակարդում բռնված
  • 2007՝ Երկրի ամենամեծ շոուն
  • 2007՝ C.S.I.. Հանցագործության վայրը Նյու Յորք
  • 2009՝ Դարպասներ 3D
  • 2012-2014՝ Հավայաններ 5.0

ԳրականությունԽմբագրել

  • Joe Dante :

[անգլ.] / Edited by Nil Baskar and Gabe Klinger. — Columbia University Press, 2013. — 256 p. — ISBN 978-3-901644-52-8.

ԾանոթագրություններԽմբագրել

  1. 1,0 1,1 filmportal.de — 2005.
  2. 2,0 2,1 Internet Speculative Fiction Database — 1995.
  3. 3,0 3,1 Munzinger Personen (գերմ.)
  4. 4,0 4,1 4,2 German National Library, Berlin State Library, Bavarian State Library, Austrian National Library Record #120895927 // Gemeinsame Normdatei — 2012—2016.
  5. Joe Dante interview: Meet a matinee idol
  6. 6,0 6,1 6,2 Simon Brew (2008-02-21)։ «The Den of Geek interview: Joe Dante»։ Den of Geek (անգլերեն)։ Dennis Publishing Limited։ Վերցված է 2015-06-29