Ջինիս

Ջինիս, գյուղ Արևմտյան Հայաստանում, Էրզրումի վիլայեթի Էրզրումի գավառում։ Գտնվում էր Էրզրում քաղաքից 14 կմ հարավ-արևելք, Ջինիս գետակի ձախ ափին։

Գյուղ
Ջինիս
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառ	Էրզրումի գավառ
Այլ անվանումներ	Ճենիս, Ճինիս, Ջենիս, Ջեննես, Ջեննիս, Ջինիզ, Ջիննիս, Ջինսր
Պաշտոնական լեզու	Հայերեն, այլ
Ազգային կազմ	Հայեր (մինչև Մեծ եղեռնը), թուրքեր
Կրոնական կազմ	Քրիստոնյա (մինչև Մեծ եղեռնը), այլ
Ժամային գոտի	UTC+3

Պատմություն

1870-ական թվականներին հայ բնակչության մի մասը գաղթել է ու հաստատվել է Ախալքալաքի շրջանի Արակովա, Սաթխա և Ծալկայի շրջանների հայկական Ջինիս գյուղերում։ Մնացած հայությունը թուրքերի կողմից տեղում կոտորվել է 1915 թվականի Մեծ եղեռնի ժամանակ։

Բնակչություն

1872-1873 թվականներին ուներ 19 տուն հայ և 50 տուն թուրք, 1878 թվականին՝ համապատասխանաբար 30 տուն և 56 տուն, իսկ 1909 թվականին՝ 65 տուն և 140 տուն բնակիչ։

Տնտեսություն

Բնակչության հիմնական զբաղմունքը անասնապահություն, հողագործություն և արհեստներն էր։

Պատմամշակութային կառույցներ

Ջինիսն ուներ Ս. Գևորգ անունով եկեղեցի։

Կրթություն

Եկեղեցուն կից գործում էր հայկական վարժարան, որն ուներ 15-20 աշակերտ։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Էրզրումի նահանգի հայաբնակ բնակավայրեր