Պիկի երկարաբեղիկ
Պիկի երկարաբեղիկ | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Բզեզներ (Coleoptera) |
Ընտանիք | Երկարաբեղիկներ (Cerambycidae) |
Ցեղ | Phytoecia |
Տեսակ | Պիկի երկարաբեղիկ (P. pici) |
Միջազգային անվանում | |
Phytoecia pici |
Պիկի երկարաբեղիկ (լատին․՝ Phytoecia pici), երկարաբեղիկների ընտանիքին պատկանող միջատ, որը գրանցված է Հայաստանի Կարմիր գրքում։
Նկարագրություն
խմբագրելՁգված, ուռուցիկ և զուգահեռ կողքերով, սև գույնի մարմնով, 10-16 մմ երկարությամբ ոչ խոշոր չափի բզեզ է։ Ունի կարմիր ոտքեր և սևացած ծայրերով միջին ու հետին ազդրեր[1]։
Տարածվածություն
խմբագրելՏարածված է Նախիջևանի Ինքնավար Հանրապետությունում և Հայաստանում՝ Հացավան գյուղի շրջակայք (Կոտայքի մարզ), «Խորովի անտառ» պետական արգելոց և Վայք քաղաքի շրջակայք (Վայոց ձորի մարզ)[1]։
Էկոլոգիա
խմբագրելԱպրում են կիսաանապատներում և ֆրիգանաներում, թռչում են ցերեկը, մայիսի վերջից մինչև հունիսի կեսերը[1]։
Պահպանություն
խմբագրելՍահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Հանդիպում է հազվադեպ և պատահական։
Վտանգ է հանդիսանում ԲՀՊՏ-ներից դուրս անասունների չկարգավորված արածեցման հետևանքով էկոհամակարգերի դեգրադացումը։
Պահպանվում է «Խոսրովի անտառ» պետական արգելոցում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Պիկի երկարաբեղիկ» հոդվածին։ |