Պետրոս Աֆրիկյան

Պետրոս Աֆրիկյան (Պետրո Սաչինարի, 1854, Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - 1908), հայ երգիչ։

Պետրոս Աֆրիկյան
Ծնվել է	1854 Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Մահացել է	1908
Մասնագիտություն	երգիչ
Գործիքներ	վոկալ
Կրթություն	Լազարյան ճեմարան, Միլանի կոնսերվատորիա և Մոսկվայի կայսերական համալսարան

Կենսագրություն

Կրթությունն ստացել է Մոսկվայի Լազարյան ճեմարանում, որն ավարտելուց հետո ընդունվել է Մոսկվայի համալսարանի բժշկական ֆակուլտետը։ 1877 թվականին մի իտալացի երգիչ լսել է նրա ձայնը և օգնել երաժշտական կրթություն ստանալ Իտալիայում։ Միլանի կոնսերվատորիան ավարտելուց հետո հանդես է եկել որպես իտալական օպերաների մեներգիչ՝ Սաչինարի ազգանունով։ 1888 թվականին շրջագայել է Ռուսաստանում, մեծ հաջողությամբ հանդես եկել Մոսկվայում, Պետերբուրգում, Օդեսայում և այլ քաղաքներում, նույն թվականին երգել է նաև Թիֆլիսի արքունական թատրոնում։ Համերգներում կատարել է Վերդիի, Բիզեի, Գունոյի, Ռոսինիի, Մոցարտի, Չայկովսկու և այլ կոմպոզիտորների ստեղծագործություններից։

Գրել է «Արաքսի արտասուքը» երգի երաժշտությունը։

1890-ականների վերջերից, կոկորդի անբուժելի հիվանդության պատճառով, թողել է արվեստը և Մոսկվայում զբաղվել բժշկությամբ։