Պատրիսիա Քենեդի
Պատրիսիա Քենեդի (անգլ.՝ Patricia Helen "Pat" Kennedy Lawford, մայիսի 6, 1924[1][2], Բրուքլայն, Մասաչուսեթս - սեպտեմբերի 17, 2006[3][1][2], Նյու Յորք շրջան, Նյու Յորք, Նյու Յորք, ԱՄՆ), ամերիկացի կինոդերասանուհի, Ջոզեֆ Քենեդիի և Ռոզա Քենեդիի 9 երեխաներից 6-րդը։ Հայտնի էր իր մեկենասական գործունեությամբ։ Եղել է գրականագիտության ազգային կոմիտեի համահիմնադիրը (անգլ.՝ National Committee for the Literary Arts), ինչպես նաև հսկել է Ջոն Ֆ. Քենեդիի նախագահական գրադարան-թանգարանը։
| Պատրիսիա Քենեդի | |
| |
| Կրթություն՝ | Rosemont College? (1945) |
|---|---|
| Մասնագիտություն՝ | դերասանուհի, կինոպրոդյուսեր և բարձրաշխարհիկ հեղինակություն |
| Դավանանք | կաթոլիկություն |
| Ծննդյան օր | մայիսի 6, 1924[1][2] |
| Ծննդավայր | Բրուքլայն, Մասաչուսեթս |
| Վախճանի օր | սեպտեմբերի 17, 2006[3][1][2] (82 տարեկան) |
| Վախճանի վայր | Նյու Յորք շրջան, Նյու Յորք, Նյու Յորք, ԱՄՆ |
| Թաղված | Southampton Cemetery |
| Դինաստիա | Քենեդիների ընտանիքը |
| Քաղաքացիություն |  ԱՄՆ
|
| Ի ծնե անուն | անգլ.՝ Patricia Helen Kennedy |
| Հայր | Ժոզեֆ Քենեդի[4] |
| Մայր | Ռոզա Քենեդի[4] |
| Ամուսին | Փիթեր Լոֆորդ[4] |
| Զավակներ | Քրիստոֆեր Լոուֆորդ[2], Sydney Lawford?[2], Victoria Lawford?[2] և Robin Lawford?[2] |
Կենսագրություն խմբագրել
Պատրիսիա Հելեն Քենեդին ծնվել է 1924 թվականի մայիսի 6-ին Բրուքլինում, Մասաչուսեթս նահանգում։ Նրա ծնողներն էին Ջոզեֆ Պատրիկ Քենեդին (ավագ) և Ռոզա Էլիզաբեթ Քենեդին (Ֆիցջերալդ)։ Այն ժամանակ, երբ ընտանիքի հայրը գտնվում էր Լոնդոնում դիվանագիտական աշխատանքի մեջ, Պատրիսիան իր քույրերի՝ Յունիսի և Ջինի հետ այցելում էր տեղի «Sacred Heart» գիշերօթիկ դպրոց։ Այն բանից հետո, երբ ընտանիքը վերադարձել է ԱՄՆ, նա Մանհեթենի «Maplehurst school»-ում սովորելու է մեկնել։ 1945 թվականին ավարտել է Փենսիլվանիայի Ռոզմոնտի քոլեջը։ Խորհրդակցելով հոր հետ և ստանալով նրա աջակցությունը՝ որոշում է կայացրել տեղափոխվել Հոլիվուդ և աշխատել որպես պրոդյուսեր։ Նրա առաջին պաշտոնը նոր տեղում է դարձել ռադիոհաղորդումների պրոդյուսերի օգնականի աշխատանքը[5]։ Քենեդիի կրոնականությունը խոչընդոտ է դարձել նրա նպատակներին հասնելու ճանապարհին, քանի որ հոլիվուդյան կինոարդյունաբերությունը շահագրգռված չի եղել ֆիլմերի կրոնական թեմատիկայով[6]։
1940 թվականին նրա քույրը՝ Յունիսը, հայրենասեր էր իր ընկերոջ և բրիտանացի դերասան Փիթեր Լոուֆորդի հետ։ Դրանից հետո նրանց հանդիպումները տեղի են ունեցել տարին մի քանի անգամ, քանի դեռ զույգը 1954 թվականի փետրվարին չի հայտարարել նշանադրության մասին։ Հարսանիքը տեղի է ունեցել 1954 թվականի ապրիլի 24-ին Նյու Յորքում։ Ամուսինները չորս երեխա են ունեցել՝ Քրիսը, Սիդնին, Վիկտորիան և Ռոբինը[7]։ Ժամանակի ընթացքում Պատրիսիայի և Փիթերի հարաբերություններում լարվածություն է առաջացել, ինչը պայմանավորված էր Քենեդիի ընտանիքի կաթոլիկ դաստիարակությամբ։ 1963 թվականին, երբ սպանվեց նրա եղբայր Ջոն Քենեդին, և հենց Փեթի մոտ ալկոհոլային կախվածություն առաջացավ[5]։
1966 թվականի փետրվարին Պատրիսիան և Փիթերը պաշտոնապես հայտարարեցին 11 տարի ամուսնությունից հետո հարաբերությունները խզելու մասին։ Այսպիսով, չնայած կաթոլիկ եկեղեցու ապահարզանի դատապարտմանը, այն դարձել է Քենեդիի ընտանիքից առաջինը, որը համարձակվել է նման քայլի դիմել։ Ավելին, որպեսզի շրջանցեն Նյու Յորքի նահանգի ամուսնալուծության մասին օրենքի դրույթները, Պատրիսիան ստիպված է եղել Անշարժ գույք գնել Այդահո նահանգում և ժամանակավորապես տեղափոխվել այնտեղ[8]։
Դրանից հետո Պատրիսիան տեղափոխվել է Մանհեթեն և, ի տարբերություն Պիտերի, այլևս չի ամուսնացել։ Ամուսնալուծությունից հետո նա երկար ժամանակ պայքարել է ալկոհոլային կախվածության և լեզվի չարորակ ուռուցքի դեմ։ Այն բանից հետո, երբ Պատրիսիան ուղղվել է, նա աշխատել է թմրակախվածության պայքարի ազգային կենտրոնում, եղել է գրականագիտության ազգային կոմիտեի համահիմնադիրը (անգլ.՝ National Committee for the Literary Arts), ինչպես նաև հսկել է Ջոն Ֆ. Քենեդիի նախագահական գրադարան-թանգարանը։ 2003 թվականին նրա մոտ ախտորոշվել է կոկորդի քաղցկեղ, սակայն նա որոշում է կայացրել հրաժարվել բուժումից[9]։ 2006 թվականին Պատրիսիա Քենեդի Լոուֆորդը մահացել է Նյու Յորքի իր տանը թոքաբորբից։ Հուղարկավորվել է Նյու Յորքի Սաութհեմփթոն քաղաքի տեղական գերեզմանատանը[5]։
Ծանոթագրություններ խմբագրել
- ↑ 1,0 1,1 1,2 1,3 1,4 Internet Movie Database — 1990.
- ↑ 2,0 2,1 2,2 2,3 2,4 2,5 2,6 2,7 2,8 Lundy D. R. The Peerage
- ↑ 3,0 3,1 3,2 http://www.nytimes.com/2006/09/18/us/18lawford.html
- ↑ 4,0 4,1 4,2 Kindred Britain
- ↑ 5,0 5,1 5,2 Kruß A. «Patricia "Pat" Helen Kennedy Lawford». John F. Kennedy (գերմաներեն). John-f-kennedy.info. Վերցված է 2017 թ․ նոյեմբերի 1-ին.
- ↑ «Patricia Kennedy Lawford». The Telegraph (անգլերեն). 2006 թ․ սեպտեմբերի 18. 0307-1235. Վերցված է 2017 թ․ նոյեմբերի 1-ին.
- ↑ Siracusa J. M. Encyclopedia of the Kennedys: The People and Events That Shaped America [3 volumes: The People and Events That Shaped America]. — ABC-CLIO, 2012. — С. 462. — 1204 с. — ISBN 9781598845396
- ↑ Jacobs, A (2006 թ․ սեպտեմբերի 18). «Patricia Kennedy Lawford Dies at 82». The New York Times (անգլերեն). 0362-4331. Վերցված է 2017 թ․ նոյեմբերի 1-ին.
- ↑ Taraborrelli J. R. After Camelot: A Personal History of the Kennedy Family--1968 to the Present. — Grand Central Publishing, 2012. — 632 с. — ISBN 9780446584432
 | Վիքիպահեստն ունի նյութեր, որոնք վերաբերում են «Պատրիսիա Քենեդի» հոդվածին։ |