Չինար Իսոյան
- Վիքիպեդիայում կան հոդվածներ Իսոյան ազգանունով այլ մարդկանց մասին։
Չինար Մամիկոնի Իսոյան (դեկտեմբերի 29, 1987, Երևան, Հայկական ԽՍՀ, ԽՍՀՄ), հայ փոփ երգչուհի, դաշնակահարուհի, հեռուստահաղորդավար, կոմպոզիտոր։
| Չինար Իսոյան | |
|---|---|
 | |
| Ծնվել է | դեկտեմբերի 29, 1987 (36 տարեկան) Երևան, Հայկական ԽՍՀ, ԽՍՀՄ |
| Երկիր |  Հայաստան և  Ռուսաստան |
| Ժանրեր | ջազ և փոփ |
| Մասնագիտություն | երգչուհի և դաշնակահարուհի |
| Գործիքներ | դաշնամուր և վոկալ |
| Կրթություն | Q21278919? և Ռոստովի կոնսերվատորիա (2007) |
| Կայք | chinarisoyan.ru |
Կենսագրություն խմբագրել
Չինար Իսոյանը ծնվել է 1987 թվականին Երևանում, ճարտարապետ Մամիկոն Սարգիսի Իսոյանի և ինժեներ Մանիկ Ստեփանի Իսոյանի (ծննդյան ազգանունը՝ Սոֆոյան) ընտանիքում։ Վաղ հասակից տեղափոխվել է ծնողների հայրենի Դամալա գյուղ, որտեղ անցել է Չինարի մանկությունը։ Ութ տարեկանում նրա ընտանիքը տեղափոխվել է Դոնի Ռոստով։
1995 թվականին Չինարը հաճախել է Դոնի Ռոստովի № 82 դպրոց, 8 տարեկանից սովորել է Պրոկոֆևի անվան թիվ 10 երաժշտական դպրոցում, նախ դաշնամուրի դասարանում, ապա`ակադեմիական վոկալ (օպերային երգեցողություն), հետագայում` կոմպոզիցիա և ջազ երաժշտություն։ Երաժշտական դպրոցում սովորելու տարիներին մասնակցել է մարզային, համառուսական և միջազգային մրցույթների։ 2002 թվականին Մոսկվայի մեծ բեմում առաջին անգամ կատարել է Անուշի արիան՝ Արմեն Տիգրանյանի «Անուշ» օպերայից[1]։
2003 թվականին ընդունվել է Ռոստովի արվեստի դպրոցի դաշնամուրի դասարան, որն ավարտել է 2007 թվականին։ Նույն թվականին սկսվել է երգչուհու երաժշտական կարիերան Ստեփանակերտում կայացած «Ընծա-2007» երիտասարդ կատարողների մրցույթում։
2007 թվականին երաժշտական դպրոցում դասավանդել է դաշնամուր։ 2007 թվականին բյուջետային հիմունքներով ընդունվել է կոնսերվատորիայի «Երաժշտական արտադրությունը շոու բիզնեսի ոլորտում» ֆակուլտետ։ 2012 թվականին ավարտել է կոնսերվատորիան։ 2013 թվականին մասնակցել է «Հայաստանի ձայնը 2» նախագծին։
Հյուրախաղերով հանդես է գալիս Ռուսաստանում, Հայաստանում, Հունաստանում։
Կրթություն խմբագրել
- Ռոստովի արվեստի պետական քոլեջ, դաշնամուրի դասարան, 2007
- Ռոստովի Ս. Վ. Ռախմանինովի անվան պետական կոնսերվատորիա, 2012
- Մոսկվայի «Օստանկինո» հեռուստատեսության և ռադիոյի հեռարձակման ինստիտուտ, 2016
Սկավառակագրություն խմբագրել
- "Игра жизни", 2012
Ծանոթագրություններ խմբագրել
- ↑ ««Ցանկանում եմ, որ հրաշքներ լինեն այն մարդկանց հետ, որոնք դրանց չեն հավատում». Չինար Իսոյան (ֆոտո)». Վերցված է 2018 թ․ մայիսի 30-ին.
Արտաքին հղումներ խմբագրել
- Պաշտոնական կայք Արխիվացված 2018-05-31 Wayback Machine