Չար տղան (պատմվածք)

Չար տղան (ռուս.՝ Злой мальчик), Անտոն Չեխովի պատմվածքներից։ Գրվել է 1883 թվականին։ Տպագրվել է 1883 թվականին հուլիսի 23-ին «Օսկոլկի» ամսագրի 30-րդ համարում «Գարշելի տղան» վերնագրով և Անտոշա Չեխոնտե մակագրությամբ։

Չար տղան ռուս.՝ Злой мальчик
Տեսակ	գրական ստեղծագործություն
Ձև	պատմվածք
Հեղինակ	Անտոն Չեխով
Բնագիր լեզու	ռուսերեն
Գրվել է	1883
Հրատարակվել է	հուլիսի 23 (օգոստոսի 4), 1883

Հրապարակումներ

Ա. Պ. Չեխովի «Չար տղան» պատմվածքը գրվել է 1883 թվականին, առաջին անգամ հրապարակվել է 1883 թվականին «Օսկոլկի» ամսագրի № 30-ում հուլիսի 23-ին «Գարշելի տղան» վերնագրով (Պատմվածք փոքրիկ հովեկների համար), Ա. Չեխոտե ստորագրությամբ, ընդգրկվել է նաև Ադոլֆ Մարքսի հրապարակումներում։

Իր ստեղծագործությունների ժողովածուի համար Չեխովը կրճատել է պատմվածքը, հանելով տղայի կողմից մուրաբայի գողության և ճաշի տեսարանները։ Չեխովի կենդանության օրոք պատմվածքը թարգմանվել է բուլղարերեն, գերմաներեն, սերբախորվաթերեն, չեխերեն և շվեդերեն։

Քննադատություն

Նկարագրելով պատմությունը, քննադատ Լեոնիդ Օբոլենսկին նշել է այն տեսարանները, որոնք ցույց էին տալիս խայտառակությունը և ընտանեկան կյանքի քմահաճությունը։

Սյուժե

Պատմվածքի գործողությունը տեղի է ունենում ամռանը ամառանոցում։ Երիտասարդներ Իվան Իվանիչ Լապկինը և Աննա Սեմյոնովնա Զաբլիցկայան զբոսնում էին և գետի ափին ձուկ էին որսում։ Շուրջը ոչ ոք չկար և Լապկինը խոստովանեց աղջկան։

«Տեսնելով ձեզ, ես առաջին անգամ սիրեցի, սիրեցի կրքոտ»։

Սիրո խոստովանության հետ միաժամանակ նա աղջկան խորհուրդներ տվեց, թե ինչպես պետք է ճիշտ բռնել և քաշել կարթը։ Հանկարծ Աննա Սեմյոնովնան շարժվեց, ձուկը հետ ընկավ ջուրը, և Լապկինը պատահաբար բռնեց Աննայի ձեռքը և համբուրեց։ Նա հետ գնաց, սակայն արդեն ուշ էր։ Այդ ամենը նկատեց Աննա Սեմյոնովնայի եղբայրը՝ Կոլյան։ Նա այդ ամենը տեսնելով «հեգնական ժպտաց»։

Մեկ ռուբլու դիմաց տղան խոստացավ ոչ ոքի չասել տեսածի մասին։ Ռուբլին նա ստացավ, հետո նաև ստացավ Լապկինից ներկեր և գնդակ։ Այս ամենը նրա դուրը շատ եկավ, և նա սկսեց պարբերաբար հետևել երիտասարդներին։ «Նա սպառնում էր ասել բոլորին և դրա դիմաց նվերներ էր ստանում, սակայն այդ ամենով չէր բավարարվում։ Վերջիվերջո նա սկսեց խոսել գրպանի ժամացույցի մասին։ Եվ նա ստիպված դա էլ տվեց։

Այդ աշնանը Լապկինը Աննա Սեմյոնովնային առաջարկություն արեց, որից հետո նրանք փնտրեցին Կոլյային և կատարած արարքների համար քաշեցին նրա ականջները։

Գրականություն

• Чехов А. П. Злой мальчик// Чехов А. П. Полное собрание сочинений и писем: В 30 т. Сочинения: В 18 т. / АН СССР. Ин-т мировой лит. им. А. М. Горького. — М.: Наука, 1974—1982.

Արտաքին հղումներ

• Անտոն Չեխով «Չար տղան»։ Բնօրինակ ռուսերեն տեքստ
• Անտոն Չեխովի «Չար տղան» պատմվածքի էկրանավորում