Չարիբաշ

Չարիբաշ, գյուղ Արևմտյան Հայաստանում, Էրզրումի վիլայեթի Քղիի գավառակում։ Գտնվում էր Քղի գյուղաքաղաքից 14 կմ հարավ-արևելք, Փերի գետի ձախակողմյան Օրոր վտակի աջ ափին։

Գյուղ
Չարիբաշ
Վարչական տարածք	Արևմտյան Հայաստան
Վիլայեթ	Էրզրումի գավառԷրզրումի գավառ
Գավառակ	Քղիի գավառակ
Այլ անվանումներ	Չարիպաշ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Ժամային գոտի	UTC+3

Պատմություն

Գյուղն ավերվել է 1915 թվականի Մեծ եղեռնի ժամանակ։

Բնակչություն

1872-1873 թվականներին ուներ 12 տուն հայ և 18 տուն թուրք, իսկ 1909 թվականին՝ 15 տուն հայ և 3 տուն թուրք բնակիչ։ XX դարի սկզբին ուներ 350 բնակիչ։

Տնտեսություն

Բնակչության հիմնական զբաղմունքը անասնապահությունն ու երկրագործությունն էր։

Պատմամշակութային կառույցներ

Չարիբաշն ուներ Ս. Հակոբ անունով եկեղեցի, որը կառուցված էր 1229 թվականին։

Կրթություն

Գյուղն ուներ հայկական վարժարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն