Բացել գլխավոր ցանկը

Ուոտ Թայլերի ապստամբություն 1381, հակաֆեոդ․ գյուղացիական խոշոր ապստամբություն միջնադարյան Անգլիայում։ Բռնկել է ապրանքադրամական հարաբերությունների զարգացմամբ գյուղացիական լայն շրջանների տնտեսական վիճակի վատթարացման, վարձու աշխատանքի ընդլայնման և դաժան «բանվորական օրենսդրության» կիրառման, Ֆրանսիայի դեմ Հարյուրամյա պատերազմ 1337-1453 թվականի աղետալի հետևանքների, ինչպես նաև 1348-1349 թվականին Անգլիայում տարածված ժանտախտի համաճարակի հետևանքով։ Ապստամբությունն սկսվեց 1381 թվականի մայիսին, հարավարևելյան էսսեքս և Քենտ կոմսություններում և արագորեն տարածվեց երկրի մեծ մասում։ Ապստամբության գլուխ կանգնեցին գյուղական արհեստավոր Ուոտ Թայլերը (որի անունով էլ անվանվում է ապստամբությունը) և «ընչազուրկ քահանա» Ջոն Րոչը։ Հունիսի 14-ին Լոնդոնի Սայլ էնդ արվարձանում տեղի ունեցավ գյուղացիների հանդիպումը թագավոր Ռիչարդ II-ի հետ, որին ներկայացրին իրենց պահանջները (Մայլենդյան ծրագիր)։ Նրանք պահանջում էին ճորտատիրական իրավունքի և կոռի վերացում, կայուն, ոչ մեծ դրամական ռենտայի սահմանում, առևտրի ազատություն և ներում ապստամբներին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png