Բաղնիք (Էրզրումի գավառ)

Անվան այլ կիրառումների համար տե՛ս՝ Բաղնիք (այլ կիրառումներ)

Բաղնիք, գյուղ Բարձր Հայքի Կարին գավառում, իսկ ապա գյուղ Արևմտյան Հայաստանում, Էրզրումի վիլայեթի Էրզրումի գավառում։ Գտնվում էր Էրզրում քաղաքից 13 կմ հյուսիս, Արևմտյան Եփրատի աջ կողմում, լեռների ստորոտին։

Գյուղ
Բաղնիք
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառ	Էրզրումի գավառ
Այլ անվանումներ	Ումուդում, Ումուտում, Օմուդում
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը), թուրքեր
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	բաղնիքեցի
Ժամային գոտի	UTC+3
Բաղնիք (Էրզրումի գավառ) (Աշխարհ)

Թուրքերը գյուղը կոչում էին Ումուդում։

Պատմություն

Հայերը տեղահանվել են Մեծ եղեռնի տարիներին, նրանց մի մասը զոհվել է, փրկվածները տարագրվել են օտար երկրներ։

Բնակչություն

1880 թվականին գյուղն ուներ 804 բնակիչ, որից հայեր՝ 644 անձ։ XX դարի սկզբին ուներ 100 տուն բնակիչ, որից 60-ը՝ հայ, մնացածը՝ թուրք։

Տնտեսություն

Զբաղվում էին երկրագործությամբ և անասնապահությամբ։

Պատմամշակութային կառույցներ

Գյուղն ուներ Ս․ Հակոբ անունով հայկական գետնափոր և անշուք եկեղեցի։

Կրթություն

XIX դարի վերջին գյուղում գործում էր դպրոց։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 256)։