Շտինա Վերենֆելս
Շտինա Վերենֆելս (գերմ.՝ Stina Werenfels, 1964[1], Բազել, Շվեյցարիա), շվեյցարացի ռեժիսոր, սցենարիստ։
 Stina Werenfels | |
|---|---|
| Ծնվել է | 1964 |
| Ծննդավայր | Բազել |
| Քաղաքացիություն |  Շվեյցարիա |
| Ազգություն | շվեյցարացի |
| Մասնագիտացում | կինոռեժիսոր և սցենարիստ |
| Պարգևներ | |
| IMDb | ID 0921262 |
Կենսագրություն
խմբագրելՇտինա Վերենֆելսը ծնվել է Շվեյցարիայի Բազել քաղաքում։ Մանկությունն անցել է ԱՄՆ-ում, Իսպանիայում և Հունաստանում։ 1983 թվականին ավարտել է միջնակարգ դպրոցը Ցյուրիխում։ Ուսումնասիրել է դեղագիտություն և 1991 թվականին կրթությունը շարունակել է Նյու Յորքի համալսարանի Թիշ գեղարվեստի դպրոցում, որտեղ հաճախել է Սփայք Լիի, Արթուր Փենի և Մարքեթա Քիմբրելի վարպետության դասերին[2]։
Ուսումն ավարտել է «Դրվագներ Ստորին Իսթ Սայդից» (1994) մրցանակակիր կարճամետրաժ վավերագրական ֆիլմով, որը պատմում է նյույորքյան թաղամասից հրեական մշակույթի անհետացման մասին։ Շվեյցարիայում նկարահանել է «Հրուշակեղեն, ցավ և քաղաքականություն» (1998) ֆիլմը, որի համար արժանացել է Շվեյցարիայի կինոմրցանակին։ Նրա «Հետցնցում» առաջին խաղարկային ֆիլմը (2006), որի պրեմիերան կայացել է Բեռլինալեի «Համայնապատկեր» ծրագրում, արժանացել է մի քանի մրցանակի։ 2015 թվականին Վերենֆելսի «Դորա կամ մեր ծնողների սեռական նեվրոզները» ֆիլմը ներկայացվել է «Ոսկե ծիրան» կինոփառատոնի «Խաղարկային ֆիլմերի մրցույթ» ծրագրում[3]։
Շտինա Վերենֆելսը Ցյուրիխի գեղարվեստի համալսարանում (ZHdK) դասավանդում է կինոդրամատուրգիա, ռեժիսուրա և կինոդերասանի արվեստ[4]։
Ընտանիք
խմբագրելԱմուսնացած է շվեյցարացի պրոդյուսեր, կինոռեժիսոր Սամիրի հետ։ Զույգը բնակվում է Ցյուրիխում։
Ֆիլմեր
խմբագրել| Տարի | Ֆիլմ | Դեր |
|---|---|---|
| 1994 | Դրվագներ Ստորին Իսթ Սայդից | Ռեժիսոր |
| 1998 | Հրուշակեղեն, ցավ և քաղաքականություն | Ռեժիսոր, սցենարիստ |
| 1999 | Շվեյցարարացու ինքնություն | Ռեժիսոր, սցենարիստ |
| 2006 | Հետցնցում | Ռեժիսոր, սցենարիստ |
| 2015 | Դորա կամ մեր ծնողների սեռական նեվրոզները | Ռեժիսոր, սցենարիստ |
Հեռուստատեսություն
խմբագրել| Տարի | Ֆիլմ | Դեր | Ծանոթագրություններ |
|---|---|---|---|
| 2003 | Meier Marilyn | Ռեժիսոր | հեռուստաֆիլմ |
Մրցանակներ, պարգևներ
խմբագրել- Բեռլինալեի «Համայնապատկեր» ծրագրի մրցանակներ «Հետցնցում» խաղարկային ֆիլմի համար (2006)
Ծանոթագրություններ
խմբագրել- ↑ filmportal.de — 2005.
- ↑ «Stina Werenfels». Արխիվացված է օրիգինալից 2016 թ․ մարտի 4-ին. Վերցված է 2015 թ․ նոյեմբերի 1-ին.
- ↑ «Ֆիլմը «Ոսկե ծիրան» կինոփառատոնի «Խաղարկային ֆիլմերի մրցույթ» ծրագրում». Արխիվացված է օրիգինալից 2015 թ․ հուլիսի 12-ին. Վերցված է 2015 թ․ նոյեմբերի 1-ին.
- ↑ «Շտինա Վերենֆելսի կենսագրությունը «Ոսկե ծիրան» կինոփառատոնի կայքում». Արխիվացված է օրիգինալից 2015 թ․ հուլիսի 16-ին. Վերցված է 2015 թ․ նոյեմբերի 1-ին.