Շուշաննա
Շուշաննա (Շուշան Պարգևի Մարտիրոսյան-Վարդանյան, նոյեմբերի 18, 1968, Երևան, Հայկական ԽՍՀ, ԽՍՀՄ), հայ ջութակահարուհի, երգչուհի։
| Շուշաննա | |
|---|---|
| Ծնվել է | նոյեմբերի 18, 1968 (55 տարեկան) Երևան, Հայկական ԽՍՀ, ԽՍՀՄ |
| Երկիր | .svg){kind=small} Հայկական ԽՍՀ և .svg){kind=small} Ֆրանսիա |
| Մասնագիտություն | ջութակահարուհի |
Կենսագրություն խմբագրել
Շուշան Մարտիրոսյանը ծնվել է 1968 թվականի նոյեմբերի 18-ին Երևանում։ Սովորել է Երևանի Պյոտր Չայկովսկու անվան երաժշտական դպրոցում, միաժամանակ նվագել ջութակահարների «Ունիսոն» անսամբլում։
1978 թվականին ընտանիքի հետ տեղափոխվել է Մարսել։ 14 տարեկանում արժանացել է Մարսելի կոնսերվատորիայի 1-ին մրցանակի, 17 տարեկանում՝ ոսկե մեդալի։ Երեք տարի սովորել է Ժան Տեր-Մերկերյանի դասարանում, ապա կատարելագործվել Փարիզի կոնսերվատորիայում (ղեկ.՝ Դ. Էրլի)։
1985-1987 թվականներին դասավանդել է Առլի երաժշտական դպրոցում։
1989 թվականին մասնակցել է Շ. Ազնավուրի «Քեզ համար, Հայաստան» երգի ձայնագրմանը։
Մենահամերգներով հանդես է եկել Ֆրանսիայում, Բելգիայում, Ռուսաստանում, ԱՄՆ-ում, Հայաստանում (1990, ջութակահար Կարապետ Հայրապետյանի հետ զուգանվագով՝ Երևանում, Գյումրիում, Ամասիայում)։ Համագործակցել է երաժիշտներ Ժ. Պ. Լանգի, Ֆ. Բեռնեիմի, Ֆ. Լեի, Ս. Ասուսի և ուրիշների հետ։
Թողարկել է «Իմ ջութակի լարերը» (1987), «Շրջել երկրագունդը» (1988) ձայնասկավառակները, ձայնագրել ալբոմ (13 ստեղծագործություն, 2000)։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|