Շերրի Հիլլ
Շերրի Հիլլ (անգլ.՝ Sherri Hill, 1949, Օկլահոմա, ԱՄՆ), հագուստի ամերիկացի դիզայներ և գործարար, որը ստեղծում է երեկոյան զգեստներ։
| Շերրի Հիլլ | |
|---|---|
 | |
| Ծնվել է | 1949 |
| Ծննդավայր | Օկլահոմա, ԱՄՆ |
| Մասնագիտություն | նորաձևության դիզայներ |
| Կայք | sherrihill.com |
Վաղ տարիներ
խմբագրելՇերրի Հիլը (ծննդյան անունը՝ Շերրի Բրանում)[1] Ջեյմս և Ռոբերտա Բրանումների 5 երեխաներից մեկն է և ծնվել ու մեծացել է Օկլահոմայի Մինկո փոքր քաղաքում[2]։ Հիլլի ծնողներն ունեին սեփական խանութ, որտեղ վաճառում էին ամեն ինչ՝ սկսած կտորեղենից ու հագուստից մինչև շամպուններ, քաղցրավենիք և գրենական պիտույքներ․ ութ տարեկանում նա իր մեծ քրոջ հետ աշխատում էր իրենց խանութում։ Խանութում վաճառվող գունավոր կտորները հետաքրքրություն են առաջացնում նորաձևության նկատմամբ, և նա հնարավորություն է ստանում «հագցնել» խանութի պատուհանում տեղադրված չորս մանեքեններին[1]։
Երբ Հիլլը հագուստի դիզայն է սովորել Օկլահոմայի համալսարանում, նրա ընտանիքը խանութներ է բացել Օկլահոմա և Նորման քաղաքներում, որտեղ սկսել են վաճառել կանացի հագուստներ և երեկոյան զգեստներ[3]։ Այս ընթացքում նա սկսել է ստեղծել երեկոյան զգեստների իր շարքը։
Կարիերա
խմբագրելՀամալսարանից հետո Հիլլն աշխատել է երեկոյան զգեստների բիզնեսի ոլորտի տարբեր գործարաններում։ Նա սկսել է ճանաչում ձեռք բերել այն ժամանակ, երբ իր ստեղծած հագուստները կրող աղջիկները հաղթել են Միսս Ամերիկա, Միսս ԱՄՆ, Միսս Տիեզերք մրցույթներում[4]։ Գեղեցկության մրցույթների հագուստները ձևավորելու հետ մեկտեղ, Հիլլը տասներկու տարի աշխատել է Jovani Fashion բրենդի համար՝ օգնելով ապրանքանիշի կայացմանը։ Հիլը 2008 թվականին հեռացել է Ջովանի ընկերությունից, որպեսզի սկսի ստեղծել երեկոյան զգեստների իր շարքը Sherri Hill, Inc անվան ներքո, որը ներկայում ունի 800-ից ավելի խանութ[5]։
Տարբեր աստղեր, որոնց թվում են Սելենա Գոմեսն, Քերրի Անդերվուդը, Միրանդա Լամբերտը, Զենդայան, Արիանա Գրանդեն, Գաբբի Դոուգլասը, Fifth Harmony-ն, Բելա Թորնը, Թամար Բրեքստոն և Ռայան Նյումանը, հագել են Հիլի ստեղծած զգեստները կարմիր գորգի վրա, բարեգործական և հասարակական միջոցառումների ժամանակ։ Շերրի Հիլլի ձևավորած հագուստներից մեկը Սելենա Գոմեսը հագել է 2011 թվականի իր համերգի ժամանակ[6]։ Քենդալ Ջենները և Նիկոլ Պոլիցցին նույնպես Շերրի երկրպագուներ են[6]։
2014 թվականի Google որոնման ամենամյա արդյունքների համաձայն՝ Շերրի Հիլը ունեցել է ամենալավ արդյունքը նորաձևության դիզայներների շարքում[7][8]։
Նյու Յորքի նորաձևության շաբաթը
խմբագրել2011 թվականին Շերրի Հիլլը կատարել է իր նորամուտը Նյու Յորքի նորաձևության շաբաթում Թրամփ աշտարակում։ Դա եղել է Քենդալ Ջենների[9] առաջին շոուն, որով սկիզբ է առել նրա կարիերան Նյու Յորքի նորաձության շաբաթում։ Քենդալի հայտնի քույրերը՝ Քիմ Քարդաշյանը և Քորթնի Քարդաշյանը, շոուի ժամանակ նստած էին առաջին շարքում[10]։ Շոուից հետո Քենդալն իր էջում գրել է․ «Օ՜, տեր Աստված, հենց նոր ավարտվեց իմ առաջին ցուցադրությունը Շերրի Հիլլի համար» (անգլ.՝ "OMGGGG just finished my first ever runway show for @sherrihill!!! #amazing #imaddictedtorunway!"[11])։
Համաշխարհային ճանաչում ունեցող մոդել Կարմեն Դել'Օրեֆիչե 2011 թվականին մասնակցել է Շերրի Հիլլի ցուցադրությանը, ինչպես Միսս Չինաստան-2011 Լուո Զիլինը և Միսս ԱՄՆ-2011 Ալիսա Կամպանելլան։
2012 թվականի սեպտեմբերին Հիլլը ներկայացրել է Գարուն-2013 հավաքածուն Նյու Յորքի նորաձևության շաբաթում Թրամպ աշտարակում, որին մասնակցել են Քենդալ, Քայլի Ջեններները[12] և Միսս տիեզերք-2008 Դայանա Մենդոզան։
2013 թվականին Նյու Յյորքի նորաձևության շաբաթում Շերրի Հիլլը կազմակերպել «Շերրի Հիլլի երեկոն» Թրամփ աշտարակում[13]։ Հիլլը ներկայացրել է իր հավաքածուն մի շարք աստղերի[14] ներկայությամբ, որոնց թվում էր Դաք ընտանիքը[13]։ Վիլլի Ռոբերթսոնի 16-ամյա դուստրը՝ Սեդի Ռոբերթսոնը, մասնակցել է 'Sadie Robertson Live Original' ցուցադրությանը[15]։
2016 թվականի փետրվարին Նյու Յորքի նորաձևության շաբաթվա ընթացքում Շերրի Հիլլի ցուցադրությունն անցկացվել է Գոթհամ սրահում Սեդի Ռոբերթսոնի և Փիա Ալոնզո Վյուրցբախի մասնակցությամբ։
Հեռուստատեսություն
խմբագրելKeeping Up with the Kardashians (2011) շոուում հանդես է եկել իր դերում (եթերաշրջան 6, էպիզոդ 2)[16]. Քենդալ Ջեներին աշխատանքի են ընդունում Նյու Յորքի նորաձևության շաբաթվա ընթացքում՝ մասնակցելու Շերրի Հիլլի շոուին։
Պայքար կեղծիքների դեմ
խմբագրել2012 թվականի հունիսի 20-ին Հիլլը հրապարակեց իր հաղթանակի մասին լուրը օնլայն կեղծողների դեմ դատում։ Դատը շահելու արդյունքում ստացել է $5,000,000 երկու մեղադրյալներից, որոնք վաճառել էին հարյուրավոր կեղծ հագուստներ Շերրի Հիլլի անունից[17]։ 2012 թվականին Դատը հաղթելուց հետո ընկերությունն աշխատանքի է ընդունել մարդկանց, որոնք պետք է զբաղվեին համացանցում հեղինակային իրավունքների պահպանման հարցով[18]։
2013 թվականին Շերրի Հիլլի ընկերությունը մասնակցել է The Today Show-ին[19]՝ ներկայացնելով իրենց փորձը ապրանքների կեղծման և Շերրի Հիլլի անունից կեղծ զգեստների վաճառքով զբաղվող անձանց դեմ պայքարում։
2015 թվականին մայիսին Sherri Hill, Inc. ներկայացվել է "Inside Edition" շոուում[20], որտեղ քննարկվել է պայքարն ընդդեմ դիզայներական ապրանքների կեղծման։
Ծանոթագրություն
խմբագրել- ↑ 1,0 1,1 Neill, Michael (1988 թ․ սեպտեմբերի 12). «Doing Everything in the Correct Sequins, Two Oklahoma Sisters Design Hits for Misses». People magazine. Արխիվացված է օրիգինալից 2016 թ․ մարտի 10-ին. Վերցված է 2013 թ․ հուլիսի 9-ին.
- ↑ «MTV Style | Sherri Hill Exclusive Interview». Վերցված է 2013 թ․ հուլիսի 9-ին.
- ↑ McDonnell, Brandy. «Oklahoma designer Sherri Hill dresses Carrie Underwood, Miranda Lambert, "Snooki" Polizzi and more». newsok.com. Վերցված է 2013 թ․ հուլիսի 9-ին.
- ↑ «2012 MISS USA: opening number-Sherri Hill Fashion». Miss USA. Արխիվացված է օրիգինալից 2016 թ․ մարտի 3-ին. Վերցված է 2013 թ․ հուլիսի 9-ին.
- ↑ http://www.sherrihill.com/prom-dress-shops.php%7Cpublisher=Sherri(չաշխատող հղում) Hill, Inc.|accessdate=5 July 2012
- ↑ 6,0 6,1 Hochberg, Emily. «Selena Gomez Or Kendall Jenner: Who Wore Sherri Hill Best?». Արխիվացված է օրիգինալից 2015 թ․ սեպտեմբերի 6-ին. Վերցված է 2013 թ․ հուլիսի 8-ին.
- ↑ Lockwood, Lisa (2014 թ․ դեկտեմբերի 16). «Google Publishes Annual "Year in Search" Results». Women's Wear Daily. Վերցված է 2015 թ․ ապրիլի 15-ին.
- ↑ «Google Year in Search 2014». Google. Վերցված է 2015 թ․ ապրիլի 15-ին.
- ↑ Watts, Jenisha. «Another Day, Another Jenner: Kendall Hits the Catwalk for Sherri Hill». Արխիվացված է օրիգինալից 2013 թ․ մայիսի 24-ին. Վերցված է 2013 թ․ հուլիսի 8-ին.
- ↑ Gibson, Cristina (2011 թ․ սեպտեմբերի 15). «See Kendall Jenner's Runway Modeling Debut!». Eonline. Վերցված է 2015 թ․ ապրիլի 15-ին.
- ↑ Jenner, Kendall (2011 թ․ սեպտեմբերի 14). =April 15, 2015 «Kendall Jenner». Twitter.
{{cite web}}: Check|url=value (օգնություն) - ↑ Adams, Rebecca (2012 թ․ սեպտեմբերի 8). «Kendall And Kylie Jenner Model In Sherri Hill Spring 2013 Runway Show». Huffington Post. Վերցված է 2013 թ․ հուլիսի 8-ին.
- ↑ 13,0 13,1 Finn, Natalie. «Duck Dynasty's Sadie Robertson Makes New York Fashion Week Debut—Catch Up With the Family Backstage!». E! Online. Վերցված է 2013 թ․ նոյեմբերի 7-ին.
- ↑ Shipley, Kelci. «Emmy Rossum, Kat Graham, Nick Jonas And More Celebs At Fashion Week». MTV Style. Արխիվացված է օրիգինալից 2015 թ․ սեպտեմբերի 5-ին. Վերցված է 2013 թ․ նոյեմբերի 7-ին.
- ↑ Sieczkowski, Cavan (2013 թ․ սեպտեմբերի 11). «'Duck Dynasty' Daughter Sadie Robertson Walks The Runway At New York Fashion Week». Huffington Post. Վերցված է 2013 թ․ նոյեմբերի 7-ին.
- ↑ «Kardashians: Modeling Mayhem». YouTube. Վերցված է 2013 թ․ դեկտեմբերի 24-ին.
- ↑ Gioconda Law Group PLLC. «Dress Designer Sherri Hill Wins $5M Judgment Against Online Counterfeiters in Lawsuit Brought by The Gioconda Law Group PLLC (press release)». Վերցված է 2013 թ․ հուլիսի 8-ին.
- ↑ Davis, Josh. «Scammers target promgoers with fake designer dresses». Վերցված է 2013 թ․ հուլիսի 8-ին.
- ↑ Rossen, Jeff. «Rossen Reports: Scammers target promgoers with fake designer dresses». Վերցված է 2013 թ․ հուլիսի 8-ին.
- ↑ «Prom Dress Knock Offs Break Teen Hearts with Shoddy Quality». Արխիվացված է օրիգինալից 2017 թ․ հուլիսի 24-ին. Վերցված է 2015 թ․ մայիսի 12-ին.