Նվարդ Պառնասյան

Նվարդ Ավետիսի Պառնասյան (հունվարի 7, 1930(1930-01-07), Երևան, ԽՍՀՄ - մարտի 21, 1990(1990-03-21), Երևան, Հայկական ԽՍՀ, ԽՍՀՄ), հայ սովետական լեզվաբան։ ԽՄԿԿ անդամ (1952)։ Բանասիրական գիտությունների դոկտոր (1972), պրոֆեսոր (1981)։

Նվարդ Պառնասյան
Ծնվել է	հունվարի 7, 1930(1930-01-07) Երևան, ԽՍՀՄ
Մահացել է	մարտի 21, 1990(1990-03-21) (60 տարեկան) Երևան, Հայկական ԽՍՀ, ԽՍՀՄ
Մասնագիտություն	լեզվաբան
Հաստատություն(ներ)	ՀՀ ԳԱԱ Հրաչյա Աճառյանի անվան լեզվի ինստիտուտ
Ալմա մատեր	Երևանի պետական համալսարան (1951)
Գիտական աստիճան	բանասիրական գիտությունների դոկտոր (1972) և պրոֆեսոր (1981)
Տիրապետում է լեզուներին	հայերեն
Պարգևներ	ՀԽՍՀ պետական մրցանակ
Կուսակցություն	ԽՄԿԿ

Կենսագրություն

Նվարդ Պառնասյանը ծնվել է Երևանում։ 1951 թվականին ավարտել է Երևանի համալսարանի բանասիրական ֆակուլտետը։ 1963 թվականին Հ․ Աճառյանի անվան լեզվի ինստիտուտի ավագ գիտաշխատող, 1979 թվականից՝ տնօրենի տեղակալ։ «Ստորադասական կապակցությունը արդի հայերենի բարդ նախադասություններում» (1961), «Անշաղկապ բարդ նախադասությունները արդի հայերենում» (տես «Լեզվի և ոճի հարցեր», պրակ 2, 1964), «Շարահյուսական համանիշները ժամանակակից հայերենում» (1970), «Ձևաբանական և բառաքերականական համանիշները ժամանակակից հայերենում» (տես «Հայոց լեզվի կառուցվածքը», 1975), «Քերականական համանունները ժամանակակից հայերենում» (1979) մենագրություններում Պառնասյանը քննել է ժամանակակից հայերենի շարահյուսության բազմաբնույթ հարցեր։ Մասնակցել է քառահատոր «Ժամանակակից հայերենի բացատրական բառարան»-ի կազմմանն (հ․ 1, 1969) ու խմբագրմանը (հ․ 2, 1972), գրել «Ժամանակակից հայոց լեզու» (1974 -1979) եռահատոր աշխատության «Բայ» (հ․ 2, 1974), «Բառակապակցություն» և «Բարդ ստորադասական նախադասություն» (հ․ 3, 1976) գլուխները։

Մահացել է Երևանում։

Պարգևներ

• ՀԽՍՀ Պետական մրցանակ (1985)

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 136)։