Նորբերտ Հոֆեր
Նորբերտ Հոֆեր (գերմ.՝ Norbert Hofer, մարտի 2, 1971[2][1][3][…], Vorau, Hartberg-Fürstenfeld District, Շտիրիա, Ավստրիա[2][1]), ավստրիացի քաղաքական գործիչ, ուլտրաաջ քաղաքական կուսակցության անդամ Ավստրիայի ազատության կուսակցությունից (FPÖ): Ավստրիայի նախագահի թեկնածու 2016 թվականի ընտրություններում, գործող նախագահի պաշտոնաթողությունից հետո՝ նախագահի երեք պաշտոնավարողներից մեկը։
| Նորբերտ Հոֆեր | |
| |
| Կուսակցություն՝ | Ավստրիական ազատություն կուսակցություն[1] |
|---|---|
| Կրթություն՝ | Bundesgymnasium Oberschützen? (1983)[1] և Q23689709? (1990)[1] |
| Մասնագիտություն՝ | քաղաքական գործիչ, systems engineer և ճարտարագետ |
| Ծննդյան օր | մարտի 2, 1971[2][1][3][…] (53 տարեկան) |
| Ծննդավայր | Vorau, Hartberg-Fürstenfeld District, Շտիրիա, Ավստրիա[2][1] |
| Քաղաքացիություն |  Ավստրիա
|
| Կայք՝ | norberthofer.at |
| Պարգևներ |
 |
Կենսագրություն խմբագրել
1990 թվականին ավարտել է Այզենշտադ քաղաքի տեխնոլոգիական ուսումնարանի ավիացիոն տեխնոլոգիաների բաժինը (HTBLA Eisenstadt)։ 1994 թվականին աշխատել է Lauda Air ավիաընկերությունում։ 1996-2007 թվականներին Հոֆերը եղել է Բուրգենլանդի Ազատության կուսակցության քարտուղար, 2006 թվականներին՝ նախագահի տեղակալ։ 1997-2007 թվականներին նա Այզենշտադ քաղաքի խորհրդի անդամ էր։
2006 թվականին առաջին անգամ ստացել է Ազգային խորհրդի անդամի մանդատը, վերընտրվել է 2008 և 2013 թվականներին։ 2013 թվականին նա դարձել Է Ավստրիայի խորհրդարանի փոխխոսնակ։
2016 թվականին Հոֆերը եղել է Ավստրիայի նախագահի պաշտոնի Ազատության կուսակցության թեկնածուն։ Ապրիլի 24-ին կայացած ընտրությունների առաջին փուլում նա հավաքել է ձայների 35,05 %-ը՝ այդպիսով դառնալով առաջին փուլի հաղթոը ձայների մեծ տարբերությամբ, առաջին փուլում երկրորդ տեղը զբաղեցրել է անկախ թեկնածու, Կանաչների կուսակցության նախկին առաջնորդ Ալեքսանդր Վան դել Բելենը (21,34 %)։ Այս արդյունքը սենսացիա է առաջացրել. Ավստրիայի հետպատերազմյան պատմության մեջ առաջին անգամ նախագահի իրական թեկնածուն Ազատության կուսակցության քաղաքական գործիչն է, ավելին՝ երկրորդ փուլում առաջին անգամ չեն լինի Ավստրիայի «հիմնական» կուսակցությունների՝ սոցիալ-դեմոկրատական (SPÖ) և ժողովրդական կուսակցության (ÖVP) թեկնածուներ։ Երկրորդ փուլը կայացել է 2016 թվականի մայիսի 22-ին։ Հոֆերը ստացել է ընտրողների ձայների 49,7 %-ը, մինչդեռ նրա մրցակից Ալեքսանդր Վան դեր Բելենը՝ 50,3 %-ը։
2016 թվականի հուլիսի 1-ին Ավստրիայի Սահմանադրական դատարանը չեղյալ է հայտարարել նախագահական ընտրությունների երկրորդ փուլի արդյունքները 117 ընտրական կոլեգիայից 94-ում հայտնաբերված խախտումների պատճառով։ Տեղափոխության պատճառով նոր քվեարկությունը տեղի է ունեցել 2016 թվականի դեկտեմբերի 4-ին, որի արդյունքում հաղթել է Ալեքսանդր Վան դել Բելեն՝ հավաքելով ձայների 53,69 %-ը։
2016 թվականի հուլիսի 8-ից մինչև 2017 թվականի հունվարի 26-ը կատարել է Ավստրիայի նախագահի պարտականությունները՝ Դորիս Բուրեսի և Կարլհայնց Կոպֆի հետ համատեղ։
Ծանոթագրություններ խմբագրել
Արտաքին հղումներ խմբագրել
- Նորբերտ Հոֆերի պաշտոնական կայքը (գերմ.)
- ORF հեռուստաընկերության ռեպորտաժը՝ Նորբերտ Հոֆերի մասին ՅուԹյուբում
- Dossier Norbert Hofer auf meineabgeordneten.at (գերմ.)
 | Վիքիպահեստն ունի նյութեր, որոնք վերաբերում են «Նորբերտ Հոֆեր» հոդվածին։ |