Նիկոլայ Գիկալո

	Նիկոլայ Գիկալո
Կուսակցություն՝	ԽՄԿԿ
Մասնագիտություն՝	քաղաքական գործիչ
Ծննդյան օր	մարտի 8 (20), 1897
Ծննդավայր	Օդեսա, Խերսոնի նահանգ, Ռուսական կայսրություն
Վախճանի օր	ապրիլի 25, 1938 (41 տարեկան)
Վախճանի վայր	Մոսկվա, ԽՍՀՄ
Թաղված	Կոմունարկայի կրակահրապարակ
Քաղաքացիություն	Ռուսական կայսրություն, Ռուսական հանրապետություն, ՌԽՖՍՀ և ԽՍՀՄ
Պարգևներ	և
Nikolai Gikalo

Նիկոլայ Գիկալո (ռուս.՝ Никола́й Фёдорович Гика́ло, մարտի 8 (20), 1897, Օդեսա, Խերսոնի նահանգ, Ռուսական կայսրություն - ապրիլի 25, 1938(1938-04-25), Մոսկվա, ԽՍՀՄ), խորհրդային պետական և կուսակցական գործիչ, Քաղաքացիական պատերազմի մասնակից։ Կոմկուսի անդամ (1917)։ Մտել է ԽՍՀՄ ՆԳԺԿ-ի հատուկ եռյակի կազմի մեջ։

Կենսագրություն

Ազգությամբ ուկրաինացի է։ 1915 թվականին ավարտել է Թբիլիսիի ռազմա-բուժական դպրոցը։ Առաջին համաշխարհային պատերազմի մասնակից է, պարգևատրվել է Գեորգիևյան խաչով։ 1918-1927 թվականներին Կովկասում կատարել է Կուսակցական աշխատանք։ 1927-1928 թվականներին եղել է ՀամԿ(բ)Կ Կենտկոմի Միջինասիական բյուրոյի անդամ, 1929-1930 թվականներին` Ուզբեկստանի Կ(բ)Կ Կենտկոմի քարտուղար, այնուհետև` Ադրբեջանի Կ(բ)Կ Կենտկոմի քարտուղար (1929 թվականի օգոստոսի 5-ից մինչև 1930 թվականի օգոստոս)։ 1930-1931 թվականներին ՀամԿ(բ)Կ Կենտկոմի կազմբաշխման բաժնի վարիչի տեղակալ, 1931 թվականից` ՀամԿ(բ)Կ ՄՔԿ Մոսկովյան կոմիտեի քարտուղար, 1932 թվականի հունվարի 29-ից մինչև 1937 թվականի մարտի 18-ը` Բելառուսիայի Կոմկուսի Կենտկոմի առաջին քարտուղար, 1937 թվականից` ՈւԿ(բ)Կ Խարկովի մարզկոմի և քաղկոմի առաջին քարտուղար^[1]^[2]։ Այդ ժամանակահատվածը նշանավոր է նրանով, որ նա մտնում է ԽՍՀՄ ՆԳԺԿ հրաման № 00447 30.07.1937 թ. հրամանով ստեղծված եռյակների կազմի մեջ և ակտիվորեն մասնակցում ստալինյան ճնշումներին։ ՀամԿ(բ)Կ Կենտրոնական վերստուգիչ հանձնաժողովի անդամ (1930-1934)։ ՀամԿ(բ)Կ կենտկոմի անդամության թեկնածու (1934-1937)։

Ավարտական փուլ

1937 թվականի հոկտեմբերի 11-ին ձերբակալվել է։ 1938 թվականի ապրիլի 25-ին ԽՍՀՄ Գերագույն Դատարանի Ռազմական Կոլեգիայի որոշմամբ դատապարտվում է մահապատժի և նույն օրը գնդակահարվում։ 1955 թվականի սեպտեմբերի 2-ին հետմահու արդարացվում է կուսակցական կարգով ԽՄԿԿ Կենտկոմին կից վերահսկիչ կոմիտեի կողմից (КПК при ЦК КПСС):

Պարգևներ

Լենինի շքանշան
Կարմիր դրոշի շքանշան

Ընտանիք

Կինը` Չիժովա Նատալյա Եվգենևնա (1897-1968)

Հիշատակ

Գրոզնի քաղաքում Ժողովուրդների Բարեկամության հրապարակում տեղադրվել է Ն. Գիկալոյի, Գ. Արխիևի, Ա Շերիպովի քանդակների կոմպոզիցիան^[3]
Գիկալոյի անունով փողոց կա Գրոզնիում
Ն. Վ. Գիկալոյի պատվին Գրոզնիի շրջանում անվանակոչվել է Գիկալո (Գիկալովսկ) ավանը
Հյուսիսային Օսեթիայում` Վլադիկավկազում, Գիկալոի անվամբ փողոց կա
Բելառուսում` Մինսկ քաղաքում, Գիկալոյի անվամբ փողոց կա

Գրականություն

Морозова О. М. Николай Федорович Гикало // Вопросы истории. 2011. № 9. С. 37-57.

Ծանոթագրություններ

↑ Составы троек в 1937−1938 годах // Сайт Nkvd.memo.ru
↑ Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева
↑ Об утверждении Перечня памятников культуры и истории, расположенных на территории Чеченской республики, стоявших ранее на государственном учёте Արխիվացված 2016-03-04 Wayback Machine, Постановление правительства Чеченской Республики от 9.11.2010, стр. 1

Արտաքին հղումներ

Կենսագրական [1], [2], [3]

[1] Составы троек в 1937−1938 годах // Сайт Nkvd.memo.ru

[2] Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева

[3] Об утверждении Перечня памятников культуры и истории, расположенных на территории Чеченской республики, стоявших ранее на государственном учёте Արխիվացված 2016-03-04 Wayback Machine, Постановление правительства Чеченской Республики от 9.11.2010, стр. 1

[1]

[2]

[3]