Նիկոլայ Աֆրամեև
Նիկոլայ Սերգեևիչ Աֆրամեև (ռուս.՝ Николай Сергеевич Афрамеев, 1894, Վյազմա, Սմոլենսկի գավառ, Ռուսական կայսրություն), ռուս խորհրդային արձակագիր, գրական ֆունկցիոներ։
Նիկոլայ Աֆրամեև | |
---|---|
Ծնվել է | 1894 |
Ծննդավայր | Վյազմա, Սմոլենսկի գավառ, Ռուսական կայսրություն |
Մասնագիտություն | գրող |
Քաղաքացիություն | ԽՍՀՄ |
Կենսագրություն խմբագրել
Ծնվել է 1894 թվականին երկաթուղային մեքենավարի ընտանիքում։ Ավարտել է Վյազմայի վարժարանը (1912), ընդունվել է Մոսկվայի համալսարանի բժշկական ֆակուլտետ։ 1913 թվականին տեղափոխվել է իրավագիտության ֆակուլտետ, սակայն շուտով կալանավորվել է գործադուլի կոչ անելու համար։ Որոշ ժամանակ ապրել է Վյազմայում, Առաջին համաշխարհային պատերազմի սկսվելուց հետո տեղափոխվել է Մոսկվա։ Աշխատել է որպես գթասրտության եղբայր տիֆային հիվանդանոցում, ապա Քաղաքների միության տրանսպորտային բաժնում (որտեղ ընկերացել է Իվան Երոշինի հետ) և Մոսկվայի խորհրդի տրանսպորտային բաժնում։ 1919 թվականին գործուղվել է Սիմբիրսկ, որտեղ աշխատել է որպես պարենգործակալ, ապա նահանգային պարենային կոմիտեում և նահանգային միությունում։
1921 թվականին վերադարձել է Մոսկվա, աշխատել Ցենտրոսոյուզում։ 1922 թվականի գարնանը միացել է «Твори!» պրոլետարական գրական խմբին, նույն տարվա աշնանը խմբի մասնակիցների մեծ մասի հետ ընդունվել է ԲԳԳԻ, որն ավարտել է 1925 թվականին։ 1924 թվականին ընդունվել է «Кузница» (հայ․՝ «Դարբնոց») խումբ։
1927 թվականից շատ է զբաղվել գրական-կազմակերպչական գործունեությամբ՝ սկզբում ՄԳևԿԴՄ-ում, ապա «Դարբնոցի» և Լիտֆոնդի քարտուղարությունում։ Եղել է «Մալեևկա» ստեղծագործական տան կազմակերպիչներից մեկը։ 1934 թվականին դարձել է Խորհրդային գրողների միության անդամ։
1941 թվականի հուլիսին ընդգրկվել է ժողովրդական աշխարհազորայինների մեջ, ծառայել «Գրողների վաշտում»[1]։ Անհետ կորել է 1942 թվականի մարտին։
Ստեղծագործություն խմբագրել
Առաջին բանաստեղծությունը տպագրվել է 1917 թվականին «Դերևենսկայա պրավդա» թերթում, հաջորդ տարիներին պարբերականում հայտնվել են ևս մի քանիսը։ Պրոֆեսիոնալա մակարդակում զբաղվելով գրականությամբ՝ բանաստեղծություններ այլևս չի գրել, անցել է արձակի։ 1932 թվականից հետո չի տպագրվել։ Մաքսիմ Գորկու «Մալվա» պատմվածքի և «Մայրը» (1940) վիպակի հիման վրա գրել է ռադիոյի բեմադրություններ։
Գրքեր խմբագրել
- Слободка и другие рассказы. Л., 1925
- Беспокойные (повесть). М., 1927
- Заноза (повести и рассказы). М., 1930[2]
- Славные дни. М., 1932
Ծանոթագրություններ խմբագրել
- ↑ Рунин Б. Писательская рота // Новый мир : журнал. — 1985. — № 3.
- ↑ Афрамеев Н. Заноза. Повести и рассказы. Обложка работы А.А. Полозовой. М., Издательство «Федерация», 1930.
Գրականություն խմբագրել
- Краткая автобиография // Строка, оборванная пулей. М., 1976, с. 71—73
- Писатели Москвы — участники Великой Отечественной войны. М., 1997