Յուրա Հովսեփյան
Յուրա Հովսեփյան (մարտի 25, 1956, Արտաշատ, Հայկական ԽՍՀ, ԽՍՀՄ - ապրիլի 16, 2011, Երևան, Հայաստան), պատմաբան, պատմական գիտությունների թեկնածու, դոցենտ։
Յուրա Հովսեփյան | |
---|---|
Ծնվել է | 1956 մայիսի 25 |
Ծննդավայր | Արտաշատ |
Մահացել է | 2011 թվականի ապրիլի 16 |
Մահվան վայր | Երևան |
Քաղաքացիություն | Հայաստան |
Ազգություն | հայ |
Կրթություն | Երևանի պետական համալսարան |
Գիտական աստիճան | պատմական գիտությունների թեկնածու |
Մասնագիտություն | պատմաբան |
Աշխատանք | դասախոս Երևանի պետական համալսարանում |
Աշխատավայր | Երևանի պետական համալսարան |
Կենսագրություն խմբագրել
Ծնվել է 1956 թ. մայիսի 25-ին Արտաշատում։ 1973 թվականին ավարտել է Արտաշատի թիվ 4 միջնակարգ դպրոցը։ 1973-1974 թվականներին աշխատել է Արտաշատի կապի հանգույցում։ 1974-1976 թվականներին ծառայել է խորհրդային բանակում։ 1977-1982 թվականներին ուսանել է Երևանի պետական համալսարանի Պատմության ֆակուլտետում, 1982-1985 թվականներին ուսումը շարունակել է ԵՊՀ Պատմության ֆակուլտետի ասպիրանտուրայում՝ Հայոց պատմություն մասնագիտությամբ։ 1984-2011 թվականներին դասախոսել է ԵՊՀ Պատմության ֆակուլտետում։ 1987 թվականին մրցույթային կարգով ընտրվել է ԵՊՀ Պատմության ֆակուլտետի Հայոց պատմության ամբիոնի ասիստենտ։ 1989 թվականին պաշտպանել է թեկնածուական ատենախոսություն «Ռազմական Կոմունիզմի քաղաքականության կենսագործումը Հայաստանում (պատմություն, պատմագրություն)» թեմայով։ 1993 թվականին նրան շնորհվել է դոցենտի գիտական կոչում։ 1988-2008 թվականներին եղել է ԵՊՀ Պատմության ֆակուլտետի Արհբյուրոյի նախագահ։ Տարիներ շարունակ եղել է Երևանի պատմության թանգարանի գիտական խորհրդի անդամ։ 2006 թվականին ղեկավարել է թեստային առաջադրանքներ մշակող խմբի աշխատանքները։ Հանկարծամահ է եղել սրտի կաթվածից 2011 թ. ապրիլի 16-ին, Երևանի իր տանը աշակերտների հետ մասնավոր պարապմունքի ժամանակ։ Երկու տասնյակից ավելի գիտական և գիտամեթոդական հոդվածների հեղինակ է։ Համահեղինակ է հինգ դասագրքերի։
Գրականություն խմբագրել
- Երևանի պետական համալսարանի 90-ամյա պատմության ֆակուլտետը, խմբ. Էդիկ Գ. Մինասյան, Երևան, 2009, էջ 236։