Յուհան Պարտս

	Յուհան Պարտս; էստ․՝ Juhan Parts
Դրոշ	Էստոնիայի վարչապետ
10 ապրիլի, 2013 - 24 մարտի, 2005 (պաշտոնակատար՝ 13 ապրիլի, 2005)
Նախորդող	Սիյմ Կալլաս
Հաջորդող	Անդրուս Անսիպ
Դրոշ	Էստոնիայի տնտեսական հարցերի և հաղորդակցության նախարար
4 ապրիլի, 2007 - 26 մարտի, 2014
Նախորդող	Էդգար Սավիսաար
Հաջորդող	Ուրվե Պալո
Կուսակցություն՝	Res Publica կուսակցություն և Հայրենիքի
Կրթություն՝	Տարտուի համալսարան և Գուստավ Ադոլֆի գիմնազիա
Մասնագիտություն՝	քաղաքական գործիչ և փաստաբան
Ծննդյան օր	օգոստոսի 27, 1966 (57 տարեկան)
Ծննդավայր	Տալլին, Էստոնական ԽՍՀ, ԽՍՀՄ
Քաղաքացիություն	Էստոնիա
Պարգևներ	և
Juhan Parts

Յուհան Պարտս (էստ․՝ Juhan Parts, օգոստոսի 27, 1966(1966-08-27)^[2]^[3], Տալլին, Էստոնական ԽՍՀ, ԽՍՀՄ), էստոնացի պետական գործիչ, Էստոնիայի տնտեսական հարցերի և հաղորդակցության նախկին նախարար, Էստոնիայի նախկին վարչապետ։ Հայրենիքի և Res Publica միություն կուսակցության անդամ։

Կենսագրություն խմբագրել

Յուհան Պարտսը ծնվել է 1966 թվականի օգոստոսի 27-ին Տալլինում։ Ավարտել է Տալլինի № 1 միջնակարգ դպրոցը։ Սովորել է Տարտուի համալսարանում, որտեղ ուսումնասիրել է իրավունք։

Բարձրագույն կրթությունն ավարտելուց հետո Յուհան Պարտսն աշխատանքի է ընդունվել արդարադատության նախարարությունում։ Շուտով համբավ է ձեռք բերել որպես անձ, ով ձգտում է բարեփոխումներ կատարել։ 1998 թվականի գարնանը նախարար Միհկել Օվիյրի կողմից նշանակվել է Գլխավոր վերահսկիչ՝ այդ պաշտոնում մնալով մինչև 2002 թվականը։ Այդ ընթացքում նա հաճախ է քննադատել իշխող կառավարությանն ու դարձել է ամենամեծ ժողովրդականություն վայելող էստոնացի քաղաքական գործիչներից մեկը։

Իր քաղաքական կարիերան Յուհան Պյատսն սկսել է նոր կազմավորված Res Publica կուսակցության հետ, որի նախագահն էր ինքը։ Կուսակցության ստեղծման ժամանակ հայտարարվել է, որ դա գաղափարախոսություններից ազատ երիտասարդ պրագմատիկների կուսակցություն է, որ հակված է դեպի լիբերալ-տնտեսագիտական հայացքները։ Res Publica կուսակցության նախընտրական ծրագրի կենտրոնական կետերից մեկը եղել է հանցագործության ու կաշառակերության դեմ պայքարի խոստումը։

2003 թվականին Ռիյգիկոգուի ընտրությունների ժամանակ Պարտսի կուսակցությունն հավաքել է անսպասելի շատ ձայներն ու ձևավորել կառավարական նոր կոալիցիա, իսկ Պարտսը նշանակվել է վարչապետ։ Նոր կառավարությունն իր աշխատանքն սկսել է 2003 թվականի ապրիլի 10-ին։

2005 թվականի մարտի 24-ին Յուհան Պարտսը հրաժարական է տվել, որովհետև Ռիյգիկոգուն անվստահություն էր հայտնել արդարադատության նախարար Կեն-Մարտի Վախերին։ Վերջինս սահմանել էր հատում կարգ, ըստ որի ամեն տարի Էստոնիայի նահանգներից յուրաքանչյուրում պատասխանատվության պիտի ենթարկվեին որոշակի թվթվ պետական ծառայողներ (դա արվել է կոռուպցիայի դեմ պայքարելու համար), ինչը շատերը համարել են ստալինիզմի դրսևորում։ Փաստաթուղթը հավանության էր արժանացել Պարտսի կողմից։

Յուհան Պարտսի պաշտոնավարման ժամկետն ավարտվել է 2005 թվականի ապրիլի 13-ին, երբ Ռիյգիկոգուն վարչապետի պաշտոնի համար հաստատել է Անդրուս Անսիպի թեկնածությունը։

Res Publica և «Հայրենիքի միություն» կուսակցությունների միավորման արդյունքում 2006 թվականին ձևավորվում է «Հայրենիքի և Res Publica միություն» կուսակցությունը, որի անդամ է դառնում Յուհան Պարտսը։

2007 թվականի ապրիլի 4-ից մինչև մարտի 2014 թվականի մարտի 26-ը Յուհան Պարտսն զբաղեցրել է Էստոնիայի տնտեսական հարցերի և հաղորդակցության նախարարի պաշտոնը^[7]^[8]։

Յուհան Պարտսն ամուսնացած է եղել դատավոր Մերլե Պարտսի հետ։ Նրանք ունեն երկու երեխա՝ Տոոմաս-Հենդրիկն ու Պիլլե-Ռիյնը։ Ներկայումս նրա կինն է փաստաբան Դեյզի Տաուկը, ով Պարտսից փոքր է տասը տարով։

Ծանոթագրություններ խմբագրել

↑ ^1,0 ^1,1 ^1,2 ^1,3 Juhan Parts — Centre of Registers and Information Systems.
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 Munzinger Personen (գերմ.)
↑ https://www.quirinale.it/onorificenze/insigniti/137389
↑ http://www.ordens.presidencia.pt/?idc=154&list=1
↑ http://www.ordens.presidencia.pt/?idc=154
↑ «Юхан Партс. Экс-министр экономики Эстонии». NewsBalt. Արխիվացված է օրիգինալից 2015 թ․ փետրվարի 25-ին. Վերցված է 2015 թ․ փետրվարի 25-ին.
↑ «Президент Тоомас Хендрик Ильвес утвердил новое правительство». DELFI. 2014 թ․ մարտի 26. Վերցված է 2015 թ․ փետրվարի 25-ին.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Յուհան Պարտս» հոդվածին։

[_a5f11134663533d1-1] 1,0 ^1,1 ^1,2 ^1,3 Juhan Parts — Centre of Registers and Information Systems.

[_ce0d55cf539e9991-2] 2,0 ^2,1 Բրոքհաուզի հանրագիտարան (գերմ.)

[_b383e78f550dc335-3] 3,0 ^3,1 Munzinger Personen (գերմ.)

[_d25fc4430169f827-4] ttps://www.quirinale.it/onorificenze/insigniti/137389

[_2605773f5b1c78bb-5] ttp://www.ordens.presidencia.pt/?idc=154&list=1

[_a545ddc36cf5517f-6] ttp://www.ordens.presidencia.pt/?idc=154

[balt-7] «Юхан Партс. Экс-министр экономики Эстонии». NewsBalt. Արխիվացված է օրիգինալից 2015 թ․ փետրվարի 25-ին. Վերցված է 2015 թ․ փետրվարի 25-ին.

[delfi2-8] «Президент Тоомас Хендрик Ильвес утвердил новое правительство». DELFI. 2014 թ․ մարտի 26. Վերցված է 2015 թ․ փետրվարի 25-ին.

[2]

[3]

[1]

[4]

[5]

[6]

[7]

[8]