Յոժեֆ Շակովիչ
Յոժեֆ Շակովիչ (հունգ.՝ József Sákovics, հուլիսի 26, 1927, Բուդապեշտ, Հունգարիայի Թագավորություն - հունվարի 2, 2009[1], Բուդապեշտ, Հունգարիա[1]), հունգարացի սուսերով և վարժասուսերով սուսերամարտիկ։ Օլիմպիական խաղերի եռակի մեդալակիր (1952, 1956), ինչպես նաև 1960 թվականի Օլիմպիական խաղերի մասնակից[3]։ Աշխարհի կրկնակի չեմպիոն (1953-անհատական սուսեր, 1959-թիմային սուսեր)[4]։ 11 անգամ դարձել է Հունգարիայի չեմպիոն (1947, 1949, 1950, 1954, 1955, 1957, 1958, 1959, 1960):
| Յոժեֆ Շակովիչ | |
|---|---|
| Ծնվել է | հուլիսի 26, 1927 |
| Ծննդավայր | Բուդապեշտ, Հունգարիայի Թագավորություն |
| Մահացել է | հունվարի 2, 2009[1] (81 տարեկան) |
| Մահվան վայր | Բուդապեշտ, Հունգարիա[1] |
| Քաղաքացիություն | .svg){kind=small} Հունգարիա |
| Մասնագիտություն | սուսերամարտիկ, մարզիչ և auto mechanic |
| Ամուսին | Lídia Sákovicsné Dömölky?[2] |
Կենսագրություն և գործունեություն խմբագրել
Յոժեֆն առաջին տիտղոսը նվաճել է 1947 թվականին՝ հաղթելով Հունգարիայի առաջնությունում։
Յոժեֆը ամուսնացած է եղել սուսերամարտիկ Լիդիա Դեմելկու հետ։ 1956 թվականի Օլիմպիադայից հետո նրանք տեղափոխվել են ԱՄՆ, բայց 1957 թվականին զույգը վերադարձել է Հունգարիա։
Յոզեֆը մարզական կարիերան ավարտելուց հետո աշխատել է որպես Հունգարիայի սուսերամարտի հավաքականի (1963—1968, 1979—1980), Իսպանիայի հավաքականի (1970—1972), ինչպես նաև «Orvosegyetemi Sport Club» (1974—1986) և «Budapest Sport Egyesület» (1987) ակումբների մարզիչ։ 1996 թվականին իր կնոջ հետ մեկ տարի անցկացրել է ԱՄՆ-ում՝ որպես Հարվարդի սուսերամարտիկների հավաքականի հրավիրյալ մարզիչներ։
Մահացել է 2009 թվականի հունվարի 2-ին Բուդապեշտում[5]։ 2014 թվականին Սուսերամարտի աշխարհի գավաթի փուլերից մեկը անվանվել է նրա հիշատակին։
Այլ արդյունքներ խմբագրել
| Տարի | Մրցումներ | Վայր | Կարգ | Տեղ |
|---|---|---|---|---|
| 1952 | Օլիմպիական խաղեր | Հելսինկի, Ֆինլանդիա | թիմային վարժասուսեր | 3 |
| սուսեր | 5 | |||
| թիմային սուսեր | 5 | |||
| 1953 | Աշխարհի առաջնություն | Բրյուսել, Բելգիա | սուսեր | 1 |
| թիմային վարժասուսեր | 3 | |||
| 1955 | Աշխարհի առաջնություն | Հռոմ, Իտալիա | թիմային սուսեր | 3 |
| 1956 | Օլիմպիական խաղեր | Մելբուրն, Ավստրալիա | թիմային վարժասուսեր | 3 |
| սուսեր | 8 (q) | |||
| թիմային սուսեր | 2 | |||
| 1959 | Աշխարհի առաջնություն | Բուդապեշտ, հունգարիա | թիմային սուսեր | 1 |
| 1960 | Օլիմպիական խաղեր | Հռոմ, Իտալիա | թիմային վարժասուսեր | 4 |
| սուսեր | 4 | |||
| թիմային սուսեր | 4 | |||
| 1962 | Աշխարհի առաջնություն | Բուենոս Այրես, Արգենտինա | թիմային վարժասուսեր | 2 |