Յալթա - Գորկա (ճոպանուղի)

«Յալթա - Գորկա» ճոպանուղի (փոքր ճոպանուղի, ռուս.՝ Канатная дорога «Ялта — Горка», Малая канатная дорога), Մեծ Յալթայի (Ղրիմ) ճոպանուղու գործող երեք գծերից մեկը։

«Յալթա - Գորկա» ճոպանուղի Канатная дорога «Ялта — Горка»
Ընդհանուր տեղեկություններ
Տիպ	ճոպանուղի
Կարգավիճակ	գործող
Կայարաններ	Յալթա Դարսան բլուր
Կայարանների թիվ	2
Բացված	1967
Տեխնիկական տվյալներ
Գծի երկարություն	600 մ

Ճոպանուղին բաց է ամեն օր ժամը 10-18-ին։

Նկարագրություն

Ճոպանուղու բացումը տեղի է ունեցել 1967 թվականին։ Մուտքը գտնվում է Յալթայի կենտրոնում, «Տավրիդա» հյուրանոցի շենքի հարևանությամբ (ձախ կողմից), վերին կայարանը գտնվում է Դարսան բլրի վրա։ Ճոպանուղու երկարությունը 600 մ է, բարձրությունների տարբերությունը՝ 120 մ, ճանապարհորդության տևողությունը` 12 րոպե։ Յուրաքանչյուր խցիկ նախատեսված է երկու ուղևորի համար, խցիկ պետք է մտնել ընթացքում։ Ճոպանուղին երթևեկում է շրջանաձև և առանց կանգառների։

Երթուղին անցնում է Ալեքսանդր Նևսկու տաճարի ոսկեզօծ գմբեթների, Յալթայի Ա. Պ. Չեխովի անվան գիմնազիայի շենքի, տարբեր հյուրանոցների գեղեցիկ ճակատների և պարզապես յալթացիների բակերի վրայով։ «Գորկան» Դարսան բլուրն է, որտեղից բացվում է քաղաքի հիանալի տեսարանը։

Իջնելով հարևան Փառքի բլուր, կարելի է դիտել Հավերժական կրակով հուշահամալիրը, որը կառուցվել է Ռուսաստանի քաղաքացիական և Հայրենական մեծ պատերազմների ժամանակ ընկած հերոսների պատվին։ Հուշարձանի հեղինակներն են ճարտարապետներ Վ. Ա. Պետերբուրժցևը, Ա. Վ. Ստեպանովը, Ա. Ա. Պոպովը։ Այն բացվել է 1967 թվականին, Հոկտեմբերյան հեղափոխության 50-ամյակի առթիվ։ Հավերժական կրակը վառվել է 1967 թվականի նոյեմբերի 6-ին Սևաստոպոլի Մալախովյան բլրի Հավերժական կրակի բոցից։ Ներկայում Հավերժական կրակը չի գործում։

Ճոպանուղին կինոյում

• «Ասսա» (1987), ռեժիսոր՝ Սերգեյ Սոլովյով
• «Հպում» (1992), ռեժիսոր՝ Ալբերտ Սարգսի Մկրտչյան

Պատկերասրահ

• 
• 
• 
• 
• 
• 
• 

Արտաքին հղումներ

• Канатная дорога, Ялта Արխիվացված 2017-12-09 Wayback Machine
• Ялта. Канатные дороги
• Канатная дорога Ялта-Горка (холм Дарсан)