Մուհամեդ Նագի

Մուհամեդ Նագի (արաբ․՝ محمد ناجى‎‎, հունվարի 27, 1888(1888-01-27) կամ հունվարի 17, 1888(1888-01-17), Ալեքսանդրիա, Եգիպտոս - ապրիլի 5, 1956(1956-04-05), Կահիրե, Եգիպտոս և Ալեքսանդրիա, Եգիպտոս), եգիպտացի նկարիչ և գրաֆիկ, ռեալիստ, եգիպտական գեղանկարչության հիմնադիրներից մեկը։

Մուհամեդ Նագի
Ծնվել է	հունվարի 27, 1888(1888-01-27) կամ հունվարի 17, 1888(1888-01-17)
Ծննդավայր	Ալեքսանդրիա, Եգիպտոս
Վախճանվել է	ապրիլի 5, 1956(1956-04-05) (68 տարեկան)
Մահվան վայր	Կահիրե, Եգիպտոս և Ալեքսանդրիա, Եգիպտոս
Մասնագիտություն	նկարիչ և գծանկարիչ

Կենսագրություն

Մուհամեդ Նագին ծնվել է 1888 թվականի հունվարի 27-ին Ալեքսանդրիայում։ Ստացել է իրավաբանական կրթություն։ 1910-1914 թվականներին Մուհամեդ Նագին ինքնուրույն սովորել է Ֆլորենցիայում, իսկ 1918 թվականից հետո՝ Փարիզի գեղարվեստի դպրոցում։ Մուհամեդ Նագին մահացել է 1956 թվականի ապրիլի 5-ին Կահիրեում։

Ստեղծագործություն

Մուհամեդ Նագիի վաղ ստեղծագործություններում առկա է Կլոդ Մոնեի, ինչպես նաև պոստիմպրեսիոնիստական հոսանքների և հին եգիպտական գեղանկարչության ազդեցությունը։ Ալեքսանդրիայում նա հիմնել է «Ատելիե» գեղարվեստական միավորումը, որը դարձել է Ալեքսանդրիայի ժամանակակից գեղանկարչության դպրոցի միջուկը։ Նագիի նկարելոը ոճը տարբերվում է լայն, ազատ, ամբողջական վրձնահարվածներով և կուլիսային կառուցվածքով։ Նկարչի բազմաթիվ ստեղծագործություններ և բնանկարներ նվիրված են Եգիպտոսին։ 30-ականների սկզբին Նագին ստեղծել է աբիսինյան նկարների մեծ և հետաքրքիր շարք։ Նա հեղինակել է «Գոմեշն ու ֆելլահը» և «Նեղոսի հեղեղը» հաստոցային նկարները, որոնք պահվում են Կահիրեի Նագիի թանգարանում։

Նագին տարված է եղել նաև մոնումենտալ նկարչությամբ։ Նա ստեղծել է մոնումենտալ պաննոներ Ալեքսանդրիայում Ազգային ժողովի նիստերի դահլիճի՝ «Եգիպտոսի վերածնունդը», Ալեքսանդրիայի Մոասսե հիվանդանոցի (1934) և Փարիզում համաշխարհային ցուցահանդեսի (1937) համար։

Գրականություն

• Retrospective Mohamed Naghi. 1888‒1956, [Le Caire], 1957.

Արտաքին հղումներ

• Наги Мухаммед // Большая советская энциклопедия. — М.: Советская энциклопедия. 1969—1978.
• Մուհամեդ Նագին Արխիվացված 2016-03-04 Wayback Machine persons-info.com կայքում