Առաքել Մովսիսյան
- Վիքիպեդիայում կան հոդվածներ Մովսիսյան ազգանունով այլ մարդկանց մասին։
Առաքել Աբրահամի Մովսիսյան, (հանրության շրջանում հայտնի է նաև «Շմայս» մականունով[1][2]) (օգոստոսի 20, 1966, Վաղարշապատ, Հայկական ԽՍՀ, ԽՍՀՄ), Հայաստանի Ազգային ժողովի նախկին պատգամավոր[3], Հայաստանի հանրապետական կուսակցության նախկին անդամ։
| Առաքել Մովսիսյան | |
|---|---|
 | |
| Ծնվել է | օգոստոսի 20, 1966 (58 տարեկան) |
| Ծննդավայր | Վաղարշապատ, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Արցախի պետական համալսարան |
| Մասնագիտություն | քաղաքական գործիչ |
| Աշխատանք | ՀՀ ԱԺ պատգամավոր |
| Աշխատավայր | ՀՀ ԱԺ |
| Զբաղեցրած պաշտոններ | Հայաստանի Ազգային ժողովի պատգամավոր և Հայաստանի Ազգային ժողովի պատգամավոր |
Կրթություն
խմբագրել1993-1997 թվականներին Առաքել Մովսիսյանը սովորել է Ստեփանակերտի մանկավարժական ինստիտուտում՝ ստանալով մարմնակրթություն մասնագիտություն[3]։
Արցախյան պատերազմ
խմբագրելՀամաձայն Հայաստանի Ազգային ժողովի կայքի՝ 1991-1994 թվականների Առաքել Մովսիսյանը մասնակցել է Արցախյան ազատամարտին[3]։ Ըստ նրա՝ հենց պատերազմի տարիներին է ստացել «Շմայս» մականունը, քանի որ պատերազմին մասնակցելու համար Ռուսաստանի Դաշնությունից «Շմայսեր» ինքնաձիգ է բերել[4]։
Քաղաքական գործունեություն
խմբագրելԱռաքել Մովսիսյանը 2004-2007 թվականներին եղել է Հայաստանի Ազգային ժողովի պատգամավոր թիվ 27 ընտրատարածքից։ Ընդգրկվել էր ազգային ժողովի պաշտպանություն, ազգային անվտանգության և ներքին գործերի մշտական հանձնաժողովի կազմում[5]։ 2007-2012 թվականներին համամասնական ընտրակարգով կրկին ընտրվել է Հայաստանի Հանրապետության Ազգային ժողովի պատգամավոր Հայաստանի հանրապետական կուսակցության ցուցակով։ 19.06.2007-31.05.2012 թվականներին հանդիսացել է Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի անդամ[5]։ 2012 թվականի մայիսի 6-ին Հայաստանի հանրապետության Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցության ցուցակով[3][5]։ 2017 թվականին Հայաստանի հանրապետական կուսակցության ռեյտինգային ցուցակով առաջադրվել է պատգամավորության թեկնածու, սակայն չի ընտրվել։ 2018 թվականի իշխանափոխությունից հետո դուրս է եկել Հայաստանի Հանրապետական կուսակցության ու քաղաքականությունից։
Լրագրողների և ընդդիմադիր գործիչների նկատմամբ վերաբերմունքը
խմբագրելԱռաքել Մովսիսյանը աչքի է ընկել լրագրողների ու իրեն ընդդիմադիր գործիչ հանդիսացողների հասցեին հայհոյանքներ[6][7] ու վիրավորական արտահայտություններ հնչեցնելով[8]։ Իր պատգամավորության տարիներին Ազգային ժողովի նիստերի դահլիճում հաճախ է սեռական և այլ բնույթի հայհոյանքներ[9] ու վիրավորանքներ[10] հնչեցրել ընդդիմադիր պատգամավորների ու լրագրողների հասցեին։ Այդպիսի դեպքերից է 2014 թվականին «Գազային համաձայնագրերի քվեարկությունը», որի ժամանակ նա Ազգային ժողովի դահլիճում գտնվող մի շարք լրագրողների հասցեին հնչեցրել է հետևյալ արտահայտությունը՝ «սրանց հանեք սիկտիր արեք ստեղից»[7]։
Ընտանիք
խմբագրելԱռաքել Մովսիսյանն ամուսնացած է, ունի չորս երեխա[3]։
Ծանոթագրություններ
խմբագրել- ↑ «Ինձ ազատ Շմայս են ասում»:
- ↑ ԱԺ պատգամավոր Շմայսը ասֆալտապատողներին բերման է ենթարկել Արմավիրի մարզ, (արխիվացված 03․05․2021թ․):
- ↑ 3,0 3,1 3,2 3,3 3,4 ՀՀ ԱԺ կայքում պատգամավոր Ա.Մովսիսյանի մասին պատմող էջը, (արխիվացված 03․05․2021թ․):
- ↑ ««Շմայսը» մականուն չի, պատմություն է», (արխիվացված 03․05․2021թ․):
- ↑ 5,0 5,1 5,2 «Ինչու են Առաքել Մովսիսյանին «Շմայս» ասում։». Արխիվացված է օրիգինալից 2016 թ․ մարտի 5-ին. Վերցված է 2015 թ․ հունվարի 2-ին.
- ↑ Պետք լինի, էլի կհայհոյեմ. Առաքել Մովսիսյան
- ↑ 7,0 7,1 ««Վնգուններդ դուրս կգա»։». Արխիվացված է օրիգինալից 2016 թ․ մարտի 21-ին. Վերցված է 2015 թ․ հունվարի 2-ին.
- ↑ Երկիր. Շմայսը մատ է թափ տվել լրագրողի վրա:
- ↑ «Կեղտոտ շոու խորհրդարանում։». Արխիվացված է օրիգինալից 2016 թ․ մարտի 6-ին. Վերցված է 2015 թ․ հունվարի 2-ին.
- ↑ ««Վեր ընգի տեղդ, արա». Շմայսը դարձյալ բառապաշարը ցուցադրել է ԱԺ-ում։». Արխիվացված է օրիգինալից 2016 թ․ ապրիլի 12-ին. Վերցված է 2015 թ․ հունվարի 2-ին.