Մոնթե Մելքոնյանի հուշարձան (Դիլիջան)

Մոնթե Մելքոնյանի հուշարձան, գտնվում է Տավուշի մարզի Դիլիջան քաղաքում, ՀՀ ՊՆ Մոնթե Մելքոնյանի անվան ռազմական վարժարանի տարածքում։ Տեղադրվել է 2017 թվականի նոյեմբերի 21-ին։ Քանդակագործ՝ վաստակավոր նկարիչ Լևոն Թոքմաջյան։

Մոնթե Մելքոնյանի հուշարձան

Մոնթե Մելքոնյանի հուշարձան
Ընդհանուր տեղեկություններ
Համայնք Դիլիջան, Տավուշի մարզ
Գտնվում է ՊՆ Մոնթե Մելքոնյանի անվան
ռազմական վարժարանի տարածքում
Բարձրություն մոտ 5 մ
Քանդակագործ(ներ) Լևոն Թոքմաջյան
Հիմնադրում 2017
Շինարարության սկիզբ 2014
Ներկա վիճակ կանգուն


Պատմություն խմբագրել

Մոնթե Մելքոնյանի հուշարձանը ստեղծվել է երեք տարում։ Սկզբնապես նախատեսված էր, որ այն պետք է տեղադրվի Երևանի Աջափնյակ համայնքում, որտեղ պետք է կառուցվեր ՀՀ ՊՆ Մոնթե Մելքոնյանի անվան ռազմական վարժարանը։ Սակայն քանի որ վարժարանը տեղափոխվեց Դիլիջան, որոշվեց արձանը ևս տեղափոխել այնտեղ[1]։

Արձանը նվիրված է ՀՀ ազգային հերոս Մոնթե Մելքոնյանին։ Այն քանդակված է Արցախից բերված կարծր քարից, բարձրությունը մոտ 5 մետր է։ Հեղինակն է քանդակագործ Լևոն Թոքմաջյանը[2]։

Բացում խմբագրել

Մոնթե Մելքոնյանի հուշարձանի հանդիսավոր բացումը տեղի է ունեցել 2017 թվականի նոյեմբերի 21-ին։ Այն նվիրվել է Մոնթե Մելքոնյանի 60-ամյակին[3]։ Բացմանը մասնակցել և խոսք է ասել ՀՀ նախագահ Սերժ Սարգսյանը[4]։ Արարողությանը մասնակցել են ՀՀ բարձրաստիճան այլ պաշտոնյաներ, բարձրագույն սպայական կազմի ներկայացուցիչներ, հյուրեր։ Ելույթ է ունեցել ՀՀ պաշտպանության նախարար Վիգեն Սարգսյանը[1]։

Ծանոթագրություններ խմբագրել

  1. 1,0 1,1 «Լավագույն ուղին ընտրած երիտասարդների համար Դիլիջանում ստեղծվել են լավագույն պայմանները».
  2. «ԹՈՔՄԱՋՅԱՆՆ ՈՒԶՈՒՄ Է ՍՏԵՂԾԵԼ ԱՐՑԱԽՅԱՆ ԱԶԱՏԱՄԱՐՏԻ ՈՒ ԱՊՐԻԼՅԱՆ ՀԵՐՈՍՆԵՐԻՆ ԱՐՏԱՑՈԼՈՂ ԱՐՁԱՆԱԽՈՒՄԲ».(չաշխատող հղում)
  3. «Նախագահը Դիլիջանում մասնակցել է Մոնթե Մելքոնյանի անվան նոր կրթահամալիրի պաշտոնական բացման արարողությանը».
  4. «Նախագահ Սերժ Սարգսյանի ելույթը Մոնթե Մելքոնյանի անվան ռազմամարզական վարժարանի պաշտոնական բացման արարողության ժամանակ».