Մհեր Մարգարյան
Մհեր Մարգարյան (նոյեմբերի 4, 1974, Երևան, Հայկական ԽՍՀ, ԽՍՀՄ), հայ միջազգայնագետ-պատմաբան։ ՄԱԿ-ում Հայաստանի դեսպան, մշտական ներկայացուցիչ։ Հայաստանի արտակարգ դեսպանորդ և լիազոր նախարար[1]։
| Մհեր Մարգարյան | |
|---|---|
| Ծնվել է | նոյեմբերի 4, 1974 (49 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական համալսարան և Ֆլեթչերի իրավունքի և դիվանագիտության դպրոց |
| Մասնագիտություն | պատմաբան և դիվանագետ |
Կենսագրություն խմբագրել
Մհեր Մարգարյանը ծնվել է 1974 թվականի նոյեմբերի 4-ին, Երևանում։ 1991-1996 թվականներին սովորել է Երևանի պետական համալսարանի պատմության ֆակուլտետի միջազգային հարաբերությունների բաժնում՝ ստանալով միջազգայնագետ-պատմաբանի որակավորում, 1996-1999 թվականներին եղել է ԵՊՀ պատմության ֆակուլտետի Նորագույն պատմության ամբիոնի ասպիրանտ։ 2000 թվականին ուսանել է Թաֆթս համալսարանի Ֆլեթչերի իրավունքի և դիվանագիտության դպրոցում, 2005 թվականին մասնագիտական վերապատրաստում է անցել Ջ․ Մարշալի անվան Եվրոպական կենտրոնի «Ահաբեկչության դեմ պայքարի և անվտանգության խնդիրների ծրագիր» դասընթացի շրջանակներում (Գարմիշ-Պարտենկիրխեն, Գերմանիա), 2011 թվականին ուսանել է Եվրոպական ուսումնասիրությունների Եվրոպայի քոլեջում (Բրյուգե, Բելգիա)[1]։
Աշխատանքային գործունեությունը սկսել է ՀՀ արտաքին գործերի նախարարությունից, որտեղ 1998-2001 թվականներին եղել է Միջազգային կազմակերպությունների վարչության ՄԱԿ-ի բաժնի կցորդ, երրորդ քարտուղար, 2001-2004 թվականներին՝ ՀՀ մշտական ներկայացուցիչ Միավորված ազգերի կազմակերպությունում (Նյու Յորք, ԱՄՆ), երկրորդ քարտուղար, 2005-2006 թվականներին՝ ՀՀ արտաքին գործերի նախարարության Միջազգային կազմակերպությունների վարչության ՄԱԿ-ի բաժնի վարիչ, 2006-2009 թվականներին՝ Լոնդոնում ՀՀ դեսպանատան առաջին քարտուղար (Միացյալ Թագավորություն), 2009-2015 թվականներին՝ ՀՀ արտաքին գործերի նախարարության Եվրոպայի վարչության Եվրոպական միության բաժնի վարիչ, 2015-2017 թվականներին՝ Ժնևի ՄԱԿ գրասենյակում և այլ միջազգային կազմակերպություններում ՀՀ մշտական ներկայացուցչության Արտակարգ դեսպանորդ և լիազոր նախարար (Ժնև, Շվեյցարիա), 2017-2018 թվականներին՝ ՄԱԿ-ում Հայաստանի Հանրապետության մշտական ներկայացուցչի տեղակալ (Նյու Յորք, ԱՄՆ)։ ՀՀ նախագահի 2018 թվականի օգոստոսի 13-ի հրամանագրով նշանակվել է Միավորված ազգերի կազմակերպությունում Հայաստանի Հանրապետության մշտական ներկայացուցիչ (նստավայրը՝ Նյու Յորք)[1][2]։
Դիվանագիտական աստիճան խմբագրել
Ունի ՀՀ արտակարգ և լիազոր դեսպանի դիվանագիտական աստիճան[3]։
Ընտանիք խմբագրել
Ամուսնացած է, ունի երկու դուստր։
Ծանոթագրություններ խմբագրել
- ↑ 1,0 1,1 1,2 ՄԱԿ-ում Հայաստանի Հանրապետության դեսպան, մշտական ներկայացուցիչ Մհեր Մարգարյան
- ↑ ՀՀ նախագահի հրամանագիրը Մհեր Մարգարյանին ՄԱԿ-ում ՀՀ մշտական ներկայացուցիչ նշանակելու վերաբերյալ
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ մայիսի 27-ին.