Մկրտիչ Դաշտոյան
խորհրդային բանակի զինվորական
Մկրտիչ Սերգեյի Դաշտոյան (1914[1], Նոր Բայազետ, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն[1] - դեկտեմբերի 9, 1944[1], Իտալիա[1]), խորհրդային բանակի զինվորական, Իտալիայի դիմադրության շարժման հերոս։ Հայրենական մեծ պատերազմի ժամանակ Կերչում վիրավոր վիճակում գերվել է (1942) և տարվել Իտալիա։ Փախել է համակենտրոնացման ճամբարից և միացել Միլանի հյուսիսում գործող 54-րդ գարիբալդիական հարվածային «Մակարիո» բրիգադին։ Կռվել է իտալացի պարտիզանների շարքերում և զոհվել Պոնտե դը Լեոնիի շրջանում ծավալված մարտում։
Մկրտիչ Դաշտոյան | |
---|---|
1914[1] - դեկտեմբերի 9, 1944[1] | |
Ծննդավայր | Նոր Բայազետ, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն[1] |
Մահվան վայր | Իտալիա[1] |
Քաղաքացիություն | ԽՍՀՄ |
Մարտեր/ պատերազմներ | Երկրորդ համաշխարհային պատերազմ[1] և Իտալիայի դիմադրության շարժում[1] |
Պարգևներ |
Հայտնի է եղել «Միշա», «Միշել» ծածկանուններով։ Դաշտոյանը հռչակվել է Իտալիայի ազգային հերոս։ Հետմահու արժանացել է (1965) իտալական «Մարտական խիզախության համար» բրոնզե մեդալի։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 290)։ |